ردود فعل إشتراك خدمة عملاء دايهاتسو فى نايل موتورز

**Nile_Storm** · 20-05-2009 08:01 PM

مبروك لمالكي دايهاتسو هذه الخدمه الجديده
و شكرا جزيلا لمعاذ " وحشني ياراجل انت فين محدش بيشوفك "
و ربنا ما يجيب مشاكل ابدا

**Ahmed Samy** · 21-05-2009 12:48 AM

خطوة تدل على قوة التوكيل لاهتمامه بمتابعة عملائه و مناقشة أراءهم و مشاكلهم
و هذا يعنى وجود توجه لارضاء العميل و ليس التربح فقط كما تفعل بعض الشركات الأخرى

احترامي زاد للعربية (اكتر ما كنت باحترمها) كان عندي اسباب كتيرة تحببني في دايهاتسو

ملاكها المتعاونين و اللي بيساعدو أي حد و بيتجمعوا و تحس ان ليك عزوة (كفاية معاذ و شاهبور و محمود بس)

العربية نفسها جميلة و مريحة و أداءها كويس و توكيلها شغال باهتمام

ودلوقتي التوكيل بقى تحت ايدي في أي استفسار كمان

لو يوم فكرت في عربية تانية للبيت هاتكون سيريون بلا منازع

**معاذ الشرباصى** · 21-05-2009 06:24 AM

أحب ارحب بالسيدة مى عبدالحميد كعضوة معانا هنا فى نايل موتورز.

بالتأكيد وجودها معانا هنا هو مكسب لنايل موتورز عموما, و لأسرة الدايهاتسو بالمنتدى على وجه الخصوص, لأنها فعلا شخصية متميزة و بتبزل اقصى جهد لأرضاء جميع العملاء.

السيدة مى, كانت متواجدة فى مركز الصيانة فى بداياته (اللى حلت محلها حاليا هى انسة منى البنا), يعنى هى على دراية جيدة جدا بجداول الصيانة و احتياجات السيارات المختلفة و ده شىء ممتاز و بيسهل التعامل جدا فى المواضيع الخاصة بمركز الصيانة.

احب اذكر السيدة مى انها فى وسط كوكبة متميزة جدا من العملاء, اللى صعب جدا تتجمع صفاتهم و تميزهم فى مكان اخر .... و أن الهدف الرئيسى للتجمع الجميل ده هو الارتقاء بمستوى الخدمات بتوكيل دايهاتسو مما يعود بالنفع على الطرفين.

اهلا بحضرتك مرة تانية ... و اعتبرى نفسك فى بيتك التانى :k10:

**Karim_Monir** · 21-05-2009 12:06 PM

السلام عليكم ورحمه الله
اهلا وسهلا بحضرتك في منتدانا ومجتمعنا الافتراضى الذي اجتمعنا فيه على حب من الله وطاعة له
ورغبة منا ان يكون لنا دور في تغيير مجتمعنا للافضل باذن الله
وذلك بالتعاون مع المتخصصين في السيارت في بلدنا الحبيب والتعاون بين الاعضاء المتحابون في الله كما ترين
لذا وبالنيابة عن اعضاء ومشرفين ومالكين نايل موتورز اتوجه بوافر التحية وعميق الشكر لادارة دايهاتسو مصر على اتخاذها قرار التفاعل الايجابى بين اعضاء المنتدى كعملاء وبين الادارة المتمثلة لينا في شخص الاستاذة مي الكريم
واتوجه بجزيل الشكر لدكتور معاذ الشرباصى ويليه دكتور احمد سامى على تعاونهما الجم وهدفهم في خدمه زملائهم من اعضاء المنتدى عن طريق انجاح هذا التحالف القوى باذن الله

مبروك اعضاء نايل موتورز
مبروك دايهاتسو مصر
مرحبا بك استاذة مى في عالمنا الافتراضى

تنويه لاعضاء المنتدى الكرام
رجاء الفصل في الردود بين الاقتراحات والشكاوى
عند وجود شكوى يجب تن يكون العنوان بكلمة شكوى وتوضيح ان هذة شكوى لسرعة البت
عند وجود اقتراح يجب ان يكتب بالعنوان اقتراح وتوضيح ان ذلك مجرد اقتراح يضاف لقائمة الاقتراحات التى تدرس من قبل ادارة دايهاتسو مصر تباعا للوصول الى ارقى مستوى

كريم منير

**OlaOsman** · 21-05-2009 01:38 PM

إحساس مختلف و الله يا جماعة لما الواحد يحس انه بيتعامل مع جهة محترمة بتقدره و تبذل مجهود عشان إرضاؤه

شكرا أستاذة مي وإدارة دايهاتسو مصر.. شكرا إدارة نايل موتورز.. دكتور معاذ و دكتور أحمد سامي.. ألف شكر.

**Imhotep** · 21-05-2009 01:52 PM

شكرا لكل من يبذل وقتا و جهدا فى سبيل الوصول لمستوى خدمة متميز يرضى العملاء و شكرا للتوكيل لحرصه على ارضاء عملاءه......

اهلا بالاستاذة/ مى فى منتدى الدايهاتسو بين اعضاء اسرة نايل موتورز الكرام........

**Hyundai-CRM** · 21-05-2009 02:26 PM

أرحب جداً بالزميلة و تمنياتي بدوام التوفيق للمنتدي و أعضاؤه

**mshaker82** · 21-05-2009 03:23 PM

أكيد هبقى سعيد لما يبقى فى حد من التوكيل يرد على الإستفسارات بكل صدق وموضوعية

سؤالى هو : الدنيا دلوقتى كلها ركوووووود تام و الإسعار المفروض بتنزل عشان حركة الشراء نادرة
فى الوقت إلى كل التوكيلات بتنزل من سعر سيارتها بلاقى إن توكيل دايهاتسوا بيرفع من سعر السيريون و الأغرب إن سعر الين نزل يعنى المفروض سعر السيارة ينزل 5000 على الإقل زى الياريس

ياريت نعرف إيه سر إرتفاع سعر السيارة ؟