الموضوع: اسعار قطع غيار السوزكي سوفت

اسف يا ايمن باشا علي التاخير بس كنت مشغول شوية بص يا باشا هي الحاجة الصيني مكتوب جنبها والباقي اما تايون او ياباني او كوري بس الحاجات اللي برة الماكينة تقريبا كلها تايون والحاجة الموجودة في الماكينة او الميكانيكا عموما كوري او ياباني وفي منها تايون وهتلاحظ من فرق السعر بينهم ولو فرقت 10 جنية مش كتير يعني ممكن تفاصل معاة وتقولة ان في سعر اقل 10 جنية وبالنسبة للمريات كلها تايون حتي لو مكتوب عليها ياباني والمريات ب 75 جنية وهات جديد اريح لانها مبتتصلحش وانا مجرب
ولو انت من القاهرة اعتقد احسن مكان تجيب منة احمد حلمي واستعمال عزبة شلبي او الحرفيين او بورسعيد ارخص طبعا واي خدمة

ازيك يا جاتو اية المشاركة القوية دي تمام يا برنس بس انا ركبت سلك الدبرياج ابو 45 جنية هو شغال بس تقيل وتحس انك راكب عجلة لاني ملقتش ابو 75 جنية خالص كانوا بيشتغلوني وعايزين يبيعوا ابو 45 علي انة الا صلي حاجة قلت ادب وسوال انت قولت علي الاكصدام الامامي طب الخلفي جبتة منين ولا دة العادي بتاع العربية وجبتة من مين في بورسعيد انا سالت عند دار السوزكي قال مافيش خلص وسوال كمان معلش هو دة لون فابريقا ولا انت مغير اللون ولو عايز اي حاجة كلمني و انا ممكن افيدك اصل انا قديم مع العربية السوزكي

بص يا عم انور فلتر البنزين العلوي دة هتلاقية في الخرطوم الداخل علي الكربرايتر ولو ملقتوش يبقي ملغي وهو علي فكرة مش مهم اوي المهم الفلتر السفلي ونصيحة متجبش الفلتر السفلي بتاع سوزكي هات فلتر روسي بنزين كبير احسن وبيشيل اكتر وبيركب عادي انا بركبة علي طول

شوف يا أخي

الياباني الأصلي مش هتلاقيه أبداً عند الناس إلي في أحمد حلمي أنا جبته من شارع دمشق

بالنسبة للإكصدام الأمامي أنا جبته أسود لإني لاقيته كده في بور سعيد وإنتا وحظك
ممكن تلاقي الإكصدام مرشوش بلون العربية وخصوصاً إن عربيتي حمرا واللون ده منتشر في السوزوكي سويفت وعموماً لما كنت هناك كنت هجيب كمان الشنب إلي فوق الإكصدام وكان بلون العربية ولكن معرفناش نفكه لأن العربية كانت مقلوبة في المخزن وكان صعب نفكه

بالنسبة للإكصدام الخلفي أنا مجبتوش
لو روحت الحرفيين أو عزبة شلبي مش هتلاقيه لا الأمامي ولا الخلفي
إنتا فاهم أنا أقصد إيه
هيقولولك إحنا عندنا الإسبور بس مش هو ده

ده الأمامي الإسبور بتاع الGTI


وده إلي أنا جبته من بورسعيد ب320 جنية


بالنسبة للخلفي طبعاً للهاتش باك بس ده شكله



بالنسبة للسيدان ده شكل الإكصدام الخلفي الأسبور بتاعها ولكن وحش يعني مفيهوش حاجة مميزة



شوف بأه بعد ما وريتك كل دول هقولك حاجة
أنا هركب بتاع الهاتش باك الخلفي على السيدان بس ده هيكون قصير عشان كده أنا هروح لواحد بتاع فيبر يكون شاطر يطوله من الجنبين وكمان بالمرة يعملي عتب فيبر وبالمرة كساحات وبعد كده نرش رشة نضيفة

عموماً أنا طبعاً مش فاكر إسم المحل في بورسعيد بس أنا أخدت نمرة الواد إلي كان هناك هما فاهميين أوي دية نمرتهم 0122717972 إسمه عمرو

إنتا قديم في السوزوكي بس أنا جديد عشان كده لو تخدمني في ميكانيكي شاطر ومضمون ومتجرب عشان أنا عايز أغير الميكانيكي بتاعي عشان حراق شويه يبقى جزاك الله خير

بالمرة بقه تشوف صور العربية بعد الجنط الجديد وتقولي إيه رأيك

اسف يا انور باشا علي التاخير بس كنت مشغول شوية بص الفلتر دة في الخرطوم الداخل علي الكربراتير وممكن يكون ملغي هو مش مهم المهم الفلتر الكبير السفلي ونصيحة متجبش بتاع السوزكي هات فلتر بنزين روسي كبير افضل وبيشيل اكتر من بتاع السوزكي وسعرة حوالي 10 جنية

بص يا عم جاتو طبعا احسن ميكانيكي سوفت في الجمهورية خالد دة كان شغال في التوكيل مكانة خلف سنترال المطرية دة ممتاز هو غالي بردة بس ممتاز وعندة كل حاجة ومش هيتعبك العيب الي هيقول علية هو الصح ومفيش كلام بعدة وبيظبط الاسبراتير والتكيهات تمام انا مبروحش عندة كتير عشان انا من المحلة فلما بيكون في حاجة كبيرة بعدي علية غير كدة بظبط مع اي حد

اما بالنسبة للجنط هو حلو بس طافي العربية عشان كلة فاتح فلو انت جايبة جديد خلاص لو مستعمل ممكن تروش الحروف الجوة اسود انا مركب جنط 15 هصورة واوريك شكلة هو قريب من بتاعك بس فية اسود بسيط عامل شغل عشان الاكصدمات سوداء
لكن لو هتروش العربية كلها بالاكصدام يبقي تمام لكن لو الاكصدام هيفصل اسود يبقي عايز تعمل الحروف اسود هصورة بكرة وابعتهولك