عاجل : الماتور عايز طقم شنبر - اعمل نص عمرة ولا اغير الماتور

السلام عليكم

استاذ ممدوح انا رحت لمحمد عبدة وقالي الماتور عايز طقم شنبر وقالي في نقرة بسيطة فممكن يكون فية مشكلة في الكرنك . وقالي الكرنك لوحدة ب 900

يعني بعد ما اعمر الماتور هدخل في مبلغ وقدرة يمكن يوصل 3000


مطولش عليكم

افيدوني اغير الماتور ولا اعمل نص عمرة

ويا تري يا اساتذة تكاليف الحالتين هتكون اية

ولو هجيب ماتور القديم بيتباع يا استاذ ممدوح ولا لا

انا متضايق جدا واتخنقت من العربية خاصة اني لسة شاريها وحسبي الله في كل بائع مفيش عندة ضمير ولا يعرف الله

افيدوني افادكم الله

العربية لانوس 2000 ماشية 115 الف

سيد علي

واحدة واحدة واهدى وانشاء الله كل حاجة تبقى تمام
طقم الشنبر بيتكلف في حدود من 800الي 1000 لاني عاوز اعمله لعربيتي برضه ولسا سائل عند كذا واحد اما عامود الكرنك ماعرفش تمنه بصراحة بس لو هو بـ900 وهتعمل الشنبر بـ1000 مثلا هيبقى ارخص من الموتور الاستيراد برضه لان الموتور هتلاقيه في حدود 3500 او 4000 وماتضمنش عامل ازاي
واستنى الناس الخبرة هترد عليك
بس هي العربية كانت بتاكل زيت معاك ؟

قصة الكرنك مش حتبان الا لما تفك و تكشف علية... لو الموضوع حيقرب من 4000 يبقى انت قربت من تمن المكنة 1600

MMamdouh

اقتباس:

---

المشاركة الأصلية كتبت بواسطة mmamdouh

قصة الكرنك مش حتبان الا لما تفك و تكشف علية... لو الموضوع حيقرب من 4000 يبقى انت قربت من تمن مكنة 1600

mmamdouh

---

فعلا لو المبلغ اللي هايتدفع في عمرة قرب من ثمن موتور جديد حتي لو أقل 1000 جنيه يبقي أدفع ال 1000 جنيه الزيادة و هات موتور جديد أحسن و ريح دماغك

اقتباس:

---

المشاركة الأصلية كتبت بواسطة nasroo

واحدة واحدة واهدى وانشاء الله كل حاجة تبقى تمام
طقم الشنبر بيتكلف في حدود من 800الي 1000 لاني عاوز اعمله لعربيتي برضه ولسا سائل عند كذا واحد اما عامود الكرنك ماعرفش تمنه بصراحة بس لو هو بـ900 وهتعمل الشنبر بـ1000 مثلا هيبقى ارخص من الموتور الاستيراد برضه لان الموتور هتلاقيه في حدود 3500 او 4000 وماتضمنش عامل ازاي
واستنى الناس الخبرة هترد عليك
[gdwl]بس هي العربية كانت بتاكل زيت معاك [/gdwl]؟

---

اولا شاكر جدا اهتمامكم والعربية بتاكل زيت كتير

معلش العربيات بتصرف كتير . احتسب الفلوس دى عند ربنا و تبقى فى ميزان حسناتك يوم القيامه

يعنى ايه:shyy:

اقتباس:

---

المشاركة الأصلية كتبت بواسطة Egy_fan

احتسب الفلوس دى عند ربنا و تبقى فى ميزان حسناتك يوم القيامه

---

طيب يا جماعة يا اهل الخبرة

المفروض ان المية والزيت ينقصوا صح ولا لا

انا عندي الزيت بس هو اللي بينقص المية مبتنقصش خالص الحمد لله

انا متلخبط

اخوكم الحزيييين

سيد

يرجى من العضو تحرى الدقة فى كتابة لفظ الجلالة

مشرف القسم

لو سمحتم يا اهل الخبرة انا عايز تفسير وشرح علمي افهمة

يرحمني من اللخبطة اللي انا فيها

مستوي الزيت نزل تحت min في اسبوعين بس

اقتباس:

---

انا عندي الزيت بس هو اللي بينقص المية مبتنقصش خالص الحمد للة

---

شوف يا أستاذ / سيد .....كون أن المكنه بتأكل زيت ......ومفيش زيت باين قدامك بره المكنه .....فده بيحتمل حاجتين ( طقم شنبر عاوز يتغير + كاوتش صباب وروديه بالمره )....

_ وأهم شىء تكون مطمن أن مفيش أصوات ودق ظاهر من جوه (باطن المكنه )......كده أنت فى السليم والعمليه بسيطه ولا تستدعى تغيير المكنه ......لأن طالما مفيش أصوات من جوه المكنه ......فى الغالب حتلاقى السبايك تمام وبالتالى الكرنك .......وكل اللى عندك حيكون شنبر .....وحتعمل روديه وكاوتش صباب وخلاص ..........

_ وطالما حتحل يبقى تعمل الحاجتين ...................

اقتباس:

---

مستوي الزيت نزل تحت min في اسبوعين بس

---

ماهو ده سببه زى ماقولتلك قبل كده (شنبر وكاوتش صباب )............وخلصت ...........وبعد الكشف حتلاقى كلامى ده صح أن شاء الله ( لأن العربيه عامله 115 ألف فقط ..........يعنى السبايك والكرنك ملحقوش وحتلاقيهم تمام بأذن الله )...........................

115 الف كيلو وتغير موتور علشان بياكل زيت وعايز طقم شنبر

حرام عليك

طب بشمهندس سمير
في الحالة دي
ممكن يستعمل زيت شنبر
واللا الموضوع في المواتير الحديثة دي ممكن ليه وضع تاني
على اعتبار انا معايا السفنتينا ... وأكلتها زيت شنبر

بالهنا على شنبرها
ههههههههههههههه

على كل
متزعلش حضرتك من موضوع العربية
نفس إلل حصلك حصلي
مع اختلاف الماركة والموديل طبعا واختلاف التكلفة
ربنا يوفقك ... وتعدي منها على خير
ومتدعيش على البائع
لإنك صاحب المسئولية بردو في فحص العربية وانت بتشتريها
البائع مش بيجبر حد ... والعيب وشطارة الفاحص
وفيه حاجات بتظهر فجأة ومش بتكون ظاهرة بوضوح قبل كدة
ومتشتريش حاجة معدية 100 ألف ك بعد كدة

أنا مبفهمش في العربيات ... بس وأنا بدور كنت ببعد عن الكيلوات الضخمة دي ... ومنها لله حملة خالوها تصدي

انا إللي حصدي مع السفنتينا

أنا بحاول اضحكك واخرجك من إللي انت فيه

وإديها زيت شنبر

بس اسال البشمهنس سمير الأول

هههههههههههههههههه

لا هو زيت الشنبر يا أستاذه بيفيد لما تكون الشنابر مفوته .....أنما لو كاوتش الصباب فيه مشكله ......هنا بقه لازم يحل رأس السلندر ويغير كاوتش الصباب

اقتباس:

---

بالهنا على شنبرها

---

ما طلعت مظلومه تقريبا والعيب كان من الفلتر.....وربنا يهديها علينا ...على ماربنا يسهل.......هههههههههههههه

اقتباس:

---

ومتدعيش على البائع

---

لا والله دا تلاقيه كان حاطط زيت شمبر على ما يمشى البيعه ......يبقى غشاش ....والرسول (ص) قال .......من غشنا فليس منا.....صدق رسول الله (ص)

اقتباس:

---

لإنك صاحب المسئولية بردو في فحص العربية وانت بتشتريها

---

بس أكيد أخونا : سيد......... كان مسالم ولم يعطى أى خوانه......وعلشان كده بأقول أن الواحد وهو بيشترى مستعمل ....يغير زيت العربيه على حسابه أفضل ويجرب قبل الشراء ....لأن الضمائر خلاص معظمها بقى فى الطراوه ...الا من رحم ربى

أنا بقول للناس إني حطة زيت تقييل للعربية
حفاظا على الشنبر
يبقا أنا كدة بغش واللا إيه
وكمان الشنبر كله يكلف 400 ج أو 500
نزلته كمان من سعر العربية
غير كدة العربية ماشية والبوجيهات داخلة على اسبوعين متغيرتش
ومفيش نقص في الزيت
ومفيش دخنات تقلق
يبقا كدة انا بغش
أرجوك طمنى
اعمل إيه أكتر من كدة

اقتباس:

---

أنا بقول للناس إني حطة زيت تقييل للعربية

---

كده تمام

اقتباس:

---

يبقا أنا كدة بغش واللا إيه

---

مين يقدر يقول كده ....ماهى دى الأمانه

اقتباس:

---

يبقا كدة انا بغش

---

بالعكس دا كده هو ده المفروض .....وكده هو البائع الأمين

اقتباس:

---

أرجوك طمنى

---

بارك الله فيكى وفى أمانتك

اقتباس:

---

اعمل إيه أكتر من كدة

---

مفيش حاجه تانيه تتعمل .....لأن كده كل الأمور واضحه ....وهو ده الصح .....ودى تعاليم ديننا ......وهى عدم غبن....أو غش (أى أطلاع المشترون على عيوب السلعه عند عرضها للبيع )................لأن ماحدش واخد منها حاجه ......يبقى حنخدع بعض على أيه ......وكده كتر خيرك ......وربنا حييسرلك الحال أن شاء الله :k32:

هى العربية دى انت جايبها مستعملة؟؟

لو الاجابة نعم يبقى احتمال كبير جدا العربية دى ملعوب فى عدادها لان 115 الف بدرى جدا على طقم شنبر

MMamdouh

اقتباس:

---

المشاركة الأصلية كتبت بواسطة mmamdouh

هى العربية دى انت جايبها مستعملة؟؟

لو الاجابة نعم يبقى احتمال كبير جدا العربية دى ملعوب فى عدادها لان 115 الف بدرى جدا على طقم شنبر

mmamdouh

---

فعلآ كل المستعمل تقريبا دلوقتي ملعوب في عداداته عشان البيع ..
ده حتي العربيات الى عداداتها ديجيتال بيلعبو فيها برضه والتمن 100 جنيه وينزلك 100000 كم
وحسبي الله ونعم الوكيل

ياريت ياجماعه اي حد بيشترى مستعمل يكشف كويس عليه ومياخدش رقم العداد كمقياس

والله يا جماعة انا بشكركم كلكم

بس مع العلم كان معايا واناا بشتري

ميكانيكي وعفشجي

بس مع الاسف

العربية اساسيات ممتازه حتي بشهادة كل اللي شافها الان

بس مشكلة تفويت الماتور دي زعلتني جدا وعكننت علي فرحتي بالعربية

وربنا يسهل ان شاء الله

وكل دة نصيب

انا بشكر كل الناس اللي شاركتني موضوعي دة وخصوصا

المهندس سمير جزاك الله كل خير

بس لو تعرف ميكانيكي ابن حلال مش جزار دلني علية

دة في ناس بتقول مصنعية بس 500 جنية

انا مش عارف لية


والله المستعان

لو اي حد يا جماعة يعر ف ميكانيكي كويس والمصنعية في المعقول يرد عليا

طيب ماهو توضيحك لمحل أقامتك ......حيخللى الزميل اللى يعرف واحد كويس يدلك..............

لو مدينة نصر

أقولك على حد كويس

فعلآ كل المستعمل تقريبا دلوقتي ملعوب في عداداته عشان البيع ..
ده حتي العربيات الى عداداتها ديجيتال بيلعبو فيها برضه والتمن 100 جنيه وينزلك 100000 كم
وحسبي الله ونعم الوكيل

ياريت ياجماعه اي حد بيشترى مستعمل يكشف كويس عليه ومياخدش رقم العداد كمقياس
__________________

اول مرة اعرف الحوار دة
هو مش المفروض ان العداد دة مش بيتصفر غير فى التوكيل
ولا هما بيوقفوا العد بتاعة مش فاهم ازاى بيتلعب فية يعنى ممكن ينقص 100000 مرة واحدة دة كدة ممكن يكون بيلعب فى البكرة نفسها الى بتعد ولا اية رأيكم فى الموضوع دة

دا أنت ممكن تشترى عداد كامل وعامل كيلومترات قليله وتركبه مكان اللى راكب عندك ولا تصفير ولا لعب كمان .........يعنى ممكن تشترى عداد (أستيراد ) لعربيه عامله 60 ألف وتركبه لعربيتك وهى عامله 500 ألف ..........وتروح تبيعها وأنت مروقها بزيت شمبر مثلا .......[gdwl]وتقول دا كانت مرفوعه مثلا ........وهى المفروض تترفع من الخدمه علشان مفوته[/gdwl] .....وبيضحكوا على الغلابه والطيبين بالحيل الشيطانيه دى .........والكلام دا اللى بيعمله الغشاشين والعياذ بالله .........

اقتباس:

---

المشاركة الأصلية كتبت بواسطة klumzo

والله يا جماعة انا بشكركم كلكم

بس مع العلم كان معايا واناا بشتري

ميكانيكي وعفشجي

بس مع الاسف

العربية اساسيات ممتازه حتي بشهادة كل اللي شافها الان

بس مشكلة تفويت الماتور دي زعلتني جدا وعكننت علي فرحتي بالعربية

وربنا يسهل ان شاء الله

وكل دة نصيب

انا بشكر كل الناس اللي شاركتني موضوعي دة وخصوصا

المهندس سمير جزاك الله كل خير

بس لو تعرف ميكانيكي ابن حلال مش جزار دلني علية

دة في ناس بتقول مصنعية بس 500 جنية

انا مش عارف لية


والله المستعان

لو اي حد يا جماعة يعر ف ميكانيكي كويس والمصنعية في المعقول يرد عليا

---

ان شاء الله تكون مشكلتك بسيطه متقلقش طقم الشمبر مش هيعدي معاك 1000 جنيه وهيرجع الموتور ممتاز..
اما موضوع 500 جنيه مصنعيه كتير جداً

اقتباس:

---

المشاركة الأصلية كتبت بواسطة samirayad

دا أنت ممكن تشترى عداد كامل وعامل كيلومترات قليله وتركبه مكان اللى راكب عندك ولا تصفير ولا لعب كمان .........يعنى ممكن تشترى عداد (أستيراد ) لعربيه عامله 60 ألف وتركبه لعربيتك وهى عامله 500 ألف ..........وتروح تبيعها وأنت مروقها بزيت شمبر مثلا .......[gdwl]وتقول دا كانت مرفوعه مثلا ........وهى المفروض تترفع من الخدمه علشان مفوته[/gdwl] .....وبيضحكوا على الغلابه والطيبين بالحيل الشيطانيه دى .........والكلام دا اللى بيعمله الغشاشين والعياذ بالله .........

---

ياريتها جت على زيت الشنبر

واحد صاحبى بيحكيلى عن واحد اشترى عربية BMW و بعد ما كشف عليها و كلة تمام اشتراها و بعد اسبوعين سمع صوت فى الكورونا... بعد ما فكها لقى التروس كلها متاكله و الزيت بتاع الكورونا محطوط علية قشر موز... الميكانيكى قال له ان صاحب العربية الاولانى هو اللى عمل كدة عشان يكتم الصوت لحد ما العربية تتباع

MMamdouh

اقتباس:

---

بعد ما فكها لقى التروس كلها متاكله و الزيت بتاع الكورونا محطوط علية قشر موز...

---

ماهو حاطط قشر الموز .....علشان يزحلق الكورونه كويس.......ههههههههههه

و الزيت بتاع الكورونا محطوط علية قشر موز....

دى بقى جديدة اخر حاجة يامحمد باشا

اقتباس:

---

المشاركة الأصلية كتبت بواسطة zocor742

و الزيت بتاع الكورونا محطوط علية قشر موز....

دى بقى جديدة اخر حاجة يامحمد باشا

---

ياباشا ياما هتشوف من افتكاستنا
انا معايا عربية لادا الكرونه بتاعتها فيها ونه وكل ما ميكانيكي يشوفها يقولى افتكاسه جديده
مره قشر موز
ومرة واحد قالى هاتلها كيلو لحمه نيه وقطعه قطع وحطه فيها (قلتله اتنيل هو احنا لاقيين اللحمة لما هحطها في الكارونه)

ومره واحد قالى هات كاوتش داخلى وقطعه وحطه فيها برضه

افتكاسات افتكاسات:ma(30):
وللأسف الغش بقى طبع ناس كتير اوى ربنا يرحمنا

شعار المواطن المصرى: انا فهلوى اذا انا موجود

MMamdouh

علي فكرة طقم الشنبر مش مستاهل تغير الماتور



العضو الفاضل

لقد قام زملائك بتنبيهك من قبل
الى عدم تقليب المواضيع من أسفل لأعلى
ولم تأخذ كلامهم بعين النصيحه
وهذا تحذير لك بإجتناب هذا السلوك
لعدم التأثير على المواضيع الجديده الحاليه

مشرف القسم

حالة عربية حضرتك محتاجة تروح تكشف عند ميكانيكى واتنين وتلاتة

مع التأكيد للمرة الاف انى مش بشكك فى ذمة اى انسان

آخر رد فى الموضوع ده
كان لأبو يوسف فى 2/6
والنهارده 10 / 12

زمان المكنه عاوزه عمره تانى

اقتباس:

---

المشاركة الأصلية كتبت بواسطة samirayad

زمان المكنه عاوزه عمره تانى

---

:C_laugh[1]:

MMamdouh

اقتباس:

---

المشاركة الأصلية كتبت بواسطة MMamdouh

:C_laugh[1]:

MMamdouh

---

:Oc_sun1[1]:

أخى وصديقى الفاضل
أبو : يوسف

بكل أخلاص وأمانه

من غيرك
حسيب المنتدى ده

لأن أنت اللى محببنى فيه
حتى لو أختلفنا فى أى وجهة نظر

لأن الود موجود ......وبكل أخلاص

يا ابو احمد اختلاف وجهات النظر وارد... لكن دة ليس له اى علاقة بالعلاقات الشخصية و الاخوة و المعزة (بتشديد الزين) بيننا... ربنا يديمها علينا نعمة

:satelite:

MMamdouh

اقتباس:

---

ربنا يديمها علينا نعمة

---

اللهم آمين