عاجل : الماتور عايز طقم شنبر - اعمل نص عمرة ولا اغير الماتور

**kareembelal** · 30-05-2009 05:35 PM

115 الف كيلو وتغير موتور علشان بياكل زيت وعايز طقم شنبر

حرام عليك

**نور العمر** · 30-05-2009 11:24 PM

طب بشمهندس سمير
في الحالة دي
ممكن يستعمل زيت شنبر
واللا الموضوع في المواتير الحديثة دي ممكن ليه وضع تاني
على اعتبار انا معايا السفنتينا ... وأكلتها زيت شنبر

بالهنا على شنبرها
ههههههههههههههه

**نور العمر** · 30-05-2009 11:29 PM

على كل
متزعلش حضرتك من موضوع العربية
نفس إلل حصلك حصلي
مع اختلاف الماركة والموديل طبعا واختلاف التكلفة
ربنا يوفقك ... وتعدي منها على خير
ومتدعيش على البائع
لإنك صاحب المسئولية بردو في فحص العربية وانت بتشتريها
البائع مش بيجبر حد ... والعيب وشطارة الفاحص
وفيه حاجات بتظهر فجأة ومش بتكون ظاهرة بوضوح قبل كدة
ومتشتريش حاجة معدية 100 ألف ك بعد كدة

أنا مبفهمش في العربيات ... بس وأنا بدور كنت ببعد عن الكيلوات الضخمة دي ... ومنها لله حملة خالوها تصدي

انا إللي حصدي مع السفنتينا

أنا بحاول اضحكك واخرجك من إللي انت فيه

وإديها زيت شنبر

بس اسال البشمهنس سمير الأول

هههههههههههههههههه

**samirayad** · 30-05-2009 11:31 PM

لا هو زيت الشنبر يا أستاذه بيفيد لما تكون الشنابر مفوته .....أنما لو كاوتش الصباب فيه مشكله ......هنا بقه لازم يحل رأس السلندر ويغير كاوتش الصباب

بالهنا على شنبرها

ما طلعت مظلومه تقريبا والعيب كان من الفلتر.....وربنا يهديها علينا ...على ماربنا يسهل.......هههههههههههههه

**samirayad** · 30-05-2009 11:37 PM

ومتدعيش على البائع

لا والله دا تلاقيه كان حاطط زيت شمبر على ما يمشى البيعه ......يبقى غشاش ....والرسول (ص) قال .......من غشنا فليس منا.....صدق رسول الله (ص)

لإنك صاحب المسئولية بردو في فحص العربية وانت بتشتريها

بس أكيد أخونا : سيد......... كان مسالم ولم يعطى أى خوانه......وعلشان كده بأقول أن الواحد وهو بيشترى مستعمل ....يغير زيت العربيه على حسابه أفضل ويجرب قبل الشراء ....لأن الضمائر خلاص معظمها بقى فى الطراوه ...الا من رحم ربى

**نور العمر** · 30-05-2009 11:54 PM

أنا بقول للناس إني حطة زيت تقييل للعربية
حفاظا على الشنبر
يبقا أنا كدة بغش واللا إيه
وكمان الشنبر كله يكلف 400 ج أو 500
نزلته كمان من سعر العربية
غير كدة العربية ماشية والبوجيهات داخلة على اسبوعين متغيرتش
ومفيش نقص في الزيت
ومفيش دخنات تقلق
يبقا كدة انا بغش
أرجوك طمنى
اعمل إيه أكتر من كدة

**samirayad** · 31-05-2009 12:02 AM

أنا بقول للناس إني حطة زيت تقييل للعربية

كده تمام

يبقا أنا كدة بغش واللا إيه

مين يقدر يقول كده ....ماهى دى الأمانه

يبقا كدة انا بغش

بالعكس دا كده هو ده المفروض .....وكده هو البائع الأمين

أرجوك طمنى

بارك الله فيكى وفى أمانتك

اعمل إيه أكتر من كدة

مفيش حاجه تانيه تتعمل .....لأن كده كل الأمور واضحه ....وهو ده الصح .....ودى تعاليم ديننا ......وهى عدم غبن....أو غش (أى أطلاع المشترون على عيوب السلعه عند عرضها للبيع )................لأن ماحدش واخد منها حاجه ......يبقى حنخدع بعض على أيه ......وكده كتر خيرك ......وربنا حييسرلك الحال أن شاء الله :k32:

**MMamdouh** · 31-05-2009 01:26 AM

هى العربية دى انت جايبها مستعملة؟؟

لو الاجابة نعم يبقى احتمال كبير جدا العربية دى ملعوب فى عدادها لان 115 الف بدرى جدا على طقم شنبر

MMamdouh

**klumzo** · 31-05-2009 04:32 PM

والله يا جماعة انا بشكركم كلكم

بس مع العلم كان معايا واناا بشتري

ميكانيكي وعفشجي

بس مع الاسف

العربية اساسيات ممتازه حتي بشهادة كل اللي شافها الان

بس مشكلة تفويت الماتور دي زعلتني جدا وعكننت علي فرحتي بالعربية

وربنا يسهل ان شاء الله

وكل دة نصيب

انا بشكر كل الناس اللي شاركتني موضوعي دة وخصوصا

المهندس سمير جزاك الله كل خير

بس لو تعرف ميكانيكي ابن حلال مش جزار دلني علية

دة في ناس بتقول مصنعية بس 500 جنية

انا مش عارف لية

والله المستعان

لو اي حد يا جماعة يعر ف ميكانيكي كويس والمصنعية في المعقول يرد عليا

-

الموضوع: عاجل : الماتور عايز طقم شنبر - اعمل نص عمرة ولا اغير الماتور

LinkBack

أدوات الموضوع

عرض

-

-

-

المواضيع المتشابهه

ازاى اعرف ان الماتور محتاج عمرة ؟؟؟؟

مساعده عاجلة فى عمل عمرة موتور كاملة للانسر بومة(الماتور مفتوح)

اعمل ايه لما اغير الماتور

عاجل ...زيت الماتور ناقص !!!!!!!!!

ايه مواصفات او ايه الى يخلينا نقول الماتور عايز عمرة فى البيتل

الكلمات الدلالية لهذا الموضوع

المفضلات

المفضلات

ضوابط المشاركة