أنا كنت راكب ميكروباص أنا ووالدتي أنا قاعد في الصف قبل الأخير على الطرف و والدتي في الصف اللي قدامي بس في النص .. المهم عند مصطفى كامل كان السواق كان على سرعة عالية نسبيا المهم كان بيعد الفلوس اللي معاه مرة واحدة خبط بالركن الشمال قدام في الركن اليمين في الخلف في عربية ماتريكس فكسر و سمعت صوت الخبطة كانت جامدة .. فكسر يمين على سرعته دي و كان بيننا و بين الرصيف على اليمين مسافة حارة و نصف لحارتين بالتقريب قام الميركوباص عرض لأنه كسر شمال تاني و خبط في الرصيف و مال لدرجة انه كان هيتقلب قام العبد لله أتخبط في القايم بتاع الزجاج و اتكومت في الارض المهم كان الميكروباص كان لسة مجمع سرعة و لأنه السةاق كان كاسر شمال الميكروباص لف حول نفسه حوالي أربع لفات ..

الخسائر البشرية: انا فقط اللي أصبت من بين جميع الركاب بفتح فوق العين و أصابة في الركبة ..
الخسائر المادية : طبعا العربية الماتريكس و الميكروباص عجلة منه اتفصلت بس اللي شفته لأني مشيت على طول لن طبعا والدتي اتخضت علي ..
الحادثة دي عند مصطفى كامل على البحر و كل اللي حصل دة حصل في ثواني ..



بس الحمد لله و قدر الله و ماشاء فعل