و لا زلنا فى الأنتظار ربنا يسهل
بالتوفيق ان شاء الله
عرض للطباعة
و لا زلنا فى الأنتظار ربنا يسهل
بالتوفيق ان شاء الله
يا جماعة بالرحة وهدوء شوية
الراجل كلامه منطقى
هو ادى دكتور امير عرض بالفعل
وعشان لما دخل المنتدى لقى مكان كبير ومحترم
حب يعمل عرض ماعملهوش في حياته وينزل لهامش الربح لاقل درجة
وعشان يعمل عرض زي ده يستمر سنة على الاقل (لان دي اقل مدة بناخد فيها عروض لنايل موتورز)
لازم يبعت يتاكد من المصدر انه مش هايحصل تغيير في الاسعار خلال سنه
ولو حصلت ماتكونش بنسبه عالية
وكلنا شوفنا ان منتج اخر وهو ال في كوول اتضاعف اسعاره بطريقة غريبة في 3 سنين وان زمايل لينا كانو مركبينه ب 1200 بقى ب 5000 وشوية
يبقي مالوش لازمة اننا نقول بيشتغلنا ومابيشتغلناش
هو راجل محترم واحنا ناس محترمين
هو دكتور امير غلط لما حب يطمنكم ويقول ان في عرض كويس في السكة
في عروض كتير قوي وافتكر كان اكترها عرض بريدجستون فضل في مداولات اكتر من 3 شهور عشان ناخد العرض الكويس ده لان دي شركات كبيرة مش محل بياخد قرار مع نفسه
وبعدين طول عمرنا عايشين في نفس الشمس ونفس الحرارة
نصطبر شوية والله المستعان
فعلا احنا طول عمرنا فى الشمس مش عارف ايه اللى حصل.....يمكن الشمس بقت حامية اوى دلوقتى!!!!
يا جماعة الاجانب بيزورو مصر عشان يتحرقو من شمسها وانتو هنا خايفين من الشمس؟؟؟؟!!!!!
الصصصصصصبر جميييييييل
مجرد سؤال هل من الممكن التحدث مع وزارة البيئة لمخاطبة وزارة الداخلية لتعريف فوائد العازل الحراري من منع سرطان الجلد و توفير للطاقة عن طريق إراحة المكيف و غيره من الفوائد ويمكن لوزارة الداخلية تحديد نسبة الشفافية مما تجده يخدم الأمن العام مثل كل العالم مع العلم إن الولايات المتحدة تحدد نسبة لكل ولاية حسب قانون الولاية رغم كل إجرائات ضد الإرهارب و لكنها لم تمنعه يعني بأختصار هل يوجد قناه للحوار بين المواطن و حكومته أم هذا حلم و أنا بخرف
فكرة ممتازة و ايجابية كنت بفكر فيها من فترة ومش هنخسر حاجه لما نجرب المهم البدايه ونشوف احنا محتاجين ايه من جمع معلومات وتجارب عملية ونحاول نجيب بعض قوانين الدول اللى بتسمح بيه والنسب بتاعتهم عشان يبقى في اقناع للناس عندنا بس ياريت لو هنبدأ نعمل مجموعات عمل و يتم التنسيق ما بينهم، شوفوا الفكرة وانا معكم
دخلت موقع وزارة البيئة و وزارة الداخلية و وجدت مكان لكتابة شكوى و أفضل كتابة الموضوع تحت بند الإقتراح و ليس الشكوي
و لكن أتمني أن يكتب إحدي الإطباء بأسلوب علمي فوائد العازل الحراري و التأثير السلبي علي الأنسان لكل نوع شعاع كما يكتب لنا خبراء الطاقة في الموقع عن مدي التوفير في حالة إستخدام العازل في مئات الألاف من السيارات ويرسل العديد منا رسائل علي مواقع الوزارات يمكن حد يسمع و يفهم و يتحمس لنا و بذلك نخدم أنفسنا و مجتمعنا بطريقة إجابية و علي فكرة أغلبية الأتوبيسات السياحية مركبة عازل حراري أو مركب في الخارج
الأهم من الطرح
خوف الداخلية الأكبر هايكون من ان اي واحد هايركب فيمية اسود و يقول ده عازل طبي و شفافيته 70 في المية ...
لازم الشركات تفيدنا في وجود جهاز يقدر يميز درجة حجب الضوء و الأشعة و ممكن الداخلية تجيب منه و يتوزع على اللجان او وحدات التراخيص
و ممكن نبدأ نكتب تصوراتنا في موضوع منفصل يفتحه العضو صاحب الإقتراح
و اكيد المسؤلين هايسمعونا
ماهم سمعونا قبل كده
يا رب السعر بسرعة
انا باضرب نفسي ميت صرمة اني ما ركبتش V Kool اما كان بتلت سعره دلوقتي من سنتين بالظبط :(
الخميس فات
الجمعة فاتت
السبت فات
الحد فات
الأتنين فات
وبقينا التلات
يا باشا مهندس سامر بعتلى على الخاص بيحاول يدخل وفي مشكلة عنده في الدخول
ربنا يسهل
وبعدين بقولك قبل كدة مفاضاوضات 3 شهور
تقول سبت وحد ومكملناش اسبوع
شكلك عايز الفيلم ده عشان تحمض وتطبع صورتك الجميلة اللي في الافاتر مش عشان العربية (-:
لأ و أنت الصادق أنا عاوز الفيلم عشان أطبع عليه حاجات vip :)
في انتظار الأسعار
فى انتظار السعر
متابع بأهتمام و منتظر الأسعار... و شكرا لكل من ساهم فى هذا الموضوع :b4_388::b4_388:
في انتظار السعر ..........
واكيد حركبه ان شاء الله لو كان السعر مناسب
بس انا كنت عايزه اعرف الاستيكر بتاع نايل موتورز اجيبه منيين؟؟؟؟؟
حضرتك ساكنه فين
طيب ممكن نعرف السعر الحالي للشركة قبل الخصم والديسكاونت والذي منه علشان لما يجي التخفيض نحس بالجميل الكبير لينا
لان من قراءة كل المشاركات اتضح انه قال الاسعار المذكورة في مواضيع اخري غير مظبوطة وبالرجوع لكل المواضيع السابقة تم اكتشاف ان احد الاعضاء قام بالتركيب بمبلغ 900 جنية وسايب العنوان وارقام التليفون
فعلي الاقل ياريت يقولوا لنا السعر الحالي قبل الخصم كام اظن كده عين العقل
متابع الموضوع مع حضراتكم بإهتمام ومعاكم فى حالة جودة الخامة + جودة التركيب + سعر مناسب.
[marq="3;right;3;scroll"]
Waaaaaaiting
[/marq]
اهي امريكا بنفسها جاية القاهرة بكره اسآلوهم بقه !!
يا شباب و انا كمان ممكن اركب لو السعر معقول شوية مش 6000 او 7000 ده كثير جداا لاكن نشوف السعر الحقيقى و اعملو حسابى معاكم
انا اتصلت و قالوا لي النوع الاقل شفافية و ده بيعمل مشاكل مع المرور ب 900
و النوع عالي الشفافية اللي ما بيعملش اي مشاكل ب 1400
انا زهقت و هاركب مش هاستنى التخفيض صراحة
بلاش تروح بكرة......لما زيارة اوباما تخلص .....
ما سالتش على سعر المتر الصراحة كان كل اللي هاممني اجمالي التكلفة بس بكرة اما اروح هاسال و ارد على حضرتك
باذن الله بعد التركيب هارد على حضرتك .... بس تصبر عليا ليوم الاحد لان بكرة التركيب على ما يخلص هتكون الدنيا بقت ليل و مفيش شمس حارة ...... في خلال الويك اند هاشوف الاخبار ايه و ارد على حضرتك يوم الاحد
و على فكرة انا عربيتي لونها اسود يعني هيبان الفرق بوضوح ان شاء الله اذا كان فيه فرق :verygood:
0127744609
0173355230
الاستاذ سامر سمير
و مقلتش انت هتركب انهي درجه؟
و متنساش بقي تكلمه علي موضوع الخصم و انا بصراحه مستغرب استعجالك قوي كده علي التركيب قبل الخصم مع ان ده برضو مفرحني انك هتكون الاول في تركيبه
متنساش بقي بعد ما تركب تصورلنا كل شبر في العربيه بكاميرا حلوه كده علشان الناس اللي كانت عايزه تشوفه و هو راكب شكله عامل ايه
و مبروك مقدما
شكرا يا باشا عالنصيحة بس انا اصلا ساكن على بعد خطوات منهم يعني شوارع جانبيه و لو لقيت الطريق زحمة هالف و ارجع او حتى اركنها و اتمشى :)
هاركب الشفافة ان شاء الله اللي هي ب 1400
و عيوني ليك هاصورها ان شاء الله ....... بس بعد الويك اند عشان مسافر جمعة و سبت
كلمت المهندس سامر
قال لي اسعار تانية ..... اعلى شوية
و قال لي مفيش حجوزات تركيب لحد يوم الاتنين
رجعت كلمت المهندس حلمي اكد لي ان حجزي بكرة شغال
مش فاهم ازاي يعني
سالته عالاسعار قال لي ارقام غير ارقام اول مكالمة
مش عارف ايه اللخبطة الغريبة دي !!!!!!!!!!
عموما مش خسران حاجة
انا بكرة كده كده واخد اجازة عشان الزيارة و هما جنب بيتي
هاروح لقيت معاد التركيب لقيته مالقيتوش يبقى ماليش نصيب اركب بكرة و هامشي عادي جدا
انا بدات ابقى مش مستريح على فكرة خالص ...... :(
بس انا شايف الاسعار عالية شوية و فيه عدم مصداقية من اصحاب التوكيل
شباب جه الفرج اخيرا و بقي عندي الاسعار
الاستاذ سامر كلمني و وضحلي العرض بتاعه لنايل موتورز
و بالنسبه لموضوع المهندس حلمي فالموضوع ببساطه انه بيحسبها بنفس طريقه حساب التركيب لنوافذ المباني, و علشان بيكون في اهدار في خلال التركيب علشان زجاج العربيات بيكون واخد انحنائات و اطوال مختلفه فالموضوع بيفرق
انه بيستخدم عرض الرول في مناطق و طوله في اخري علشان يركبه
و العربيات في المتوسط بتاخد 5 متر بالاهدار
بصو بقي و ركزو شويه
الاسعار:
للنوع 6868 و ده مش في الكتالوج اللي عامله سكان بيكلف 1600 جنيه و درجه حجب الشمس 63%
النوع m70 بيكلف 2000 جنيه و ده صورته و بياناته موجوده في الكتالوج
و ان شاء الله الاستاذ سامر يشارك في الموضوع ده قريب جدا
0127744609
0173355230
و دي نمره لو حد يحب يكلمه في اي حاجه بخصوص العازل ده
و بخصوص الاسعار دي فشامله الخصم لنايل موتورز اللي هو 300 جنيه
و ممكن يكون في خصم تاني لو العدد زاد بس هيكون 5% فقط
يعني اللي عايز يركبه دلوقتي يتكل علي الله
و انا كلمته بخصوص المرور و قلت ان عايزين شهاده فقالي انه كجهه خاصه ملوش انه ياخد حاجه زي كده من المرور بس ممكن يدينا شهاده بمواصفات العازل انه غير حاجب للرؤيه و مضاد لأشعه الشمس و كده
اظن ان حاجه زي كده هتكون كويسه برضو
و ربنا يوفق