الف ميروك وان شاء الله هحصلك قريبا
عرض للطباعة
الف ميروك وان شاء الله هحصلك قريبا
ممكن بعد أذن الساده الاعضاء حد يلخص الموضوع ده
النوع؟
السعر؟
المكان؟
مجهود رائع جدا.... وشكرا للتوضيح.........
[overline] يا دكتور انت صاحب فضل علينا انت اللى سألت ومشيت الموضوع
نرجع لموضوع التقييم
اولا الرؤيه واضحه جدا حتى اوضح من الامس بعد الزجاج ما اتغسل و اتمسح من جوه و كان فى ابخره خفيفه بين الفيلم والزجاج وزى ما أ/ سامر قالى انه يوم ولا اتنين فى الشمس و هيروح نهائى و بالفعل قل كتير لان الفيلم مسامى اى يسمح بانتقال بخار الماء و لا يحجزه
اليوم انا رحت الى طنطا و عديت على لجان كتير و رادار و محدش علق او اتكلم مع انى مركب فى العربيه ستائر متحركه على الابواب الاربعه لكن قافل استائر الخلفيه فقط و الى بتكون كأنك مفيم الباب فده حظ لكن قبل ما اركب الفيلم حتى ماحدش كان بيسالنى
ناتيا الحراره اثناء السير مع التكيف و هى اكثر من رائعه و التكيف مريح و كنت ضابط التكيف على 22 درجه حتى 12 ظهرا و المروحه متوسطه السرعه و قبل كده كنت باضبط التكيف على17 درجه و المروحه على الاخر وكده يبقى فيه فرق فى تشغيل التكيف اثناء القياده كان بيبقى فى لسعه من الشمس على كف اليد وانت سايق و كنت ببدل بين اليدين و اليوم لم احس بها
ثالثا ركن العربيه فى الشمس
انا سبت العربيه فى عز الظهر 12الى 2 ظهرا فى الشمس و شفت العربيه اول لما تفتح الباب فى حراره موجوده و لكن اقل بنسبه 40 % تقريبا عن قبل كده و ده جابلى احباط لانى افتكرت انى هلاقى العربيه ثلاجه لكن الفرق الحقيقى ان الكراسى الجلد الدركسيون و التابلوه الحراره فيه اقل بكتير عن الاول بنسبه تصل ل 70 % يعنى بتقدر تمسك الدركسيون و تقعد على الكرسى مستريح من غير ما تتلسع من الحراره وده اللى بيخلى التكيف يعمل تاثير اول لما تشغله
قبل كده كنت بافتح الشباك شويه و اشغل التكييف و بعدين اركب العربيه و برضه الواحد كان بيتشوى يبقى نستنتج ان الهواء المحبوس فى العربيه بيبقى اسخن من درجه الحراره بره بحوالى 5 درجات لكن الفرش مش بيمص حراره زى ما الواحد كان بيحس قبل كده يجى 25 درجه يعنى لو الجو 35 كان الدركسيون و الكراسى ماتعرفش تمسكهم يعنى حوالى 70 درجه
فى مكان اخر سبت العربيه 1 ساعه فى الشمس مع ترك فتحه السقف مفتوحه بميل و كانت الحراره داخل العربيه زى الفل ماكنش فى حراره زياد يمكن درجه او اتنين
ده تقيمى للفيلم الحرارى و لكم الشكر انكم استحملتم الاطاله فى التقييم
[/overline]
الف شكر ليك
كده بانت الرؤيه
ان شاء الله قريب جدا اروح انا و اخويا و قريبتي نركبه
طيب هو الفاميه الخفيف ده حيبقى فايدته ايه لو هو بيبين اللى جوه العربية غير انه يتركب علشان العزل الحرارى !!!!! ... مش عارفة حيبقى بيعزل بقى (ليه فايدة يعنى ولا لأ ؟؟؟ ) ..... المهم انا لقيت النهاردة رولات مختلفة فى درجة شفافيتها والرول ب 15 جنيه بس انا مش عارفة العربية تاخد كام رول بس عموما هو رخيص مش حتفرق كتير يعنى .... المهم العلبة بتاعته كان مكتوب عليها انه تايوانى و solar window film 50CMX300CM ولونها كان فاتح الى حد معقول وهى درجات طبعا وكله نفس السعر .... السؤال بقى انا مش عارفة ده حيعمل اى عزل حرارى ولا لأ .... الراجل بيقولى ايوه بيعمل والله اعلم... نرجو الافادة وشكرا
اه على فكرة المحلين دول واحد فى المندرة بحرى عند جامع المندرة جمال عبد الناصر والتانى قريب من بلبع فى سيدى بشر (الاسكندرية )
في طريقة سهلة لأني شفت النوع ده و جربته و طلع فشنك
شوف يا سيدي ..
حضرتك عارف طبعا اللمض الحمرا ...أو بلادوس الصنايعية (اي لمبة حمرا بفتيل)
شغلها و هات وشك جنبها لحاد ماتلاقي في حرارة بسيطة (مش جامد يعني )
حط الفيلم بين وشك و اللمبة ...
الحرارة اختفت أو قلت = عازل
الحرارة زي ما هي = فشنك و غالبا بـ 80 جنيه هايطلع فشينك
لن الحاجات دي فيها تكنولوجي و خامات تصنيع ...ما ينفعش تلاقيها رخيصة قوي كده (دلوقتي على الأقل)
هو مفيش كلام ان 3m ماركة كويسة جدا و محترمة و احنا واثقين من ادائها ولكن اكيد السعر دة ممكن اركب بيه لو معايا عربية تمنها معدى 100 الف لان كدة هبقى اكنى دفعت 2% من تمن العربيه.
لكن لو معايا عربية ب30 الف و مشينا بنفس النسبة اللى هى 2% يبقى هجيب حاجة تمنها 600 جنية و هو دة البديل اللى احنا بندور عليه و اعتقد اننا ممكن نلاقيه فى المنتجات التايوانى اكيد مش هيبقى بنفس الكفاءة بس نص العمى ولا العمى كله.
ياريت حد يجرب الفيلم الحراري اللي عند ابراهيم ويقولنا ايه الاخبار
يا جماعة أنا جماعة قرايبي سألولى فى أمريكا. تخيلوا إن أغلى واحد فيهم (ضد الأشعات والحرارة والصواريخ ... إلخ) ب 80 دولار الرول. المهم فى الموضوع إنهم عرفوا إن كل الأفلام دي - على مختلف جودتها وأنواعها- بتتصنع فى الصين تحت رخصة الشركة الأمريكية.
معلش برضه... المبلغ اللى الشركة طالباه للعربية الواحده محطوط فيه هامش ربح كبير جدا!.
عموما عشان محدش يقول إني بأقول كلام فى الهواء أنا طلبت رول منهم وربنا يسهل لأنهم بيدورا على حد نازل مصر يبعتوه معاه.
أول مايوصل إن شاء الله حأبلغكم.
تحياتي.
مش عارف ليه حاسس فيه حاجة غلط في الحسبة
شوف هنا
http://www.tintdude.com/forum/index....pic=49635&st=0
مكتوب ان الرول اللي من اقل واحد (40 مش 70) سعره 700 دولار و ده لرول مساحته 20 متر مربع
يعني بحسبة بسيطة جدا جدا المتر المربع سعره 35 دولار
يعني الخمسة متر بتوع العربية السيدان ب 175 دولار
يعني 980 جنيه
مع مراعاة الاتي
1- ده النوع 40 مش 70 و ده اقلهم جودة و عزل و شفافية ....... 70 اغلى منه بحوالي مرة و نص
2- السعر ده سعر الرول من غير تركيب يعني سعر خام و اللي كاتب الموضوع كاتب انه بخصم كبير
3- مفيش ضمان لو ركبته انت و لو حصل معاك موضوع الشعرة زيي هتضر تخلعه و تركب غيره
4- ده كمان سعر امريكا مش سعر مصر ..... جمارك و ضرايب و اللذي منه
يعني لو قلنا انه سعره 1500 جنيه خام (للنوع 70) و هما بيركبوه (التركيب معقد و صعب جدا جدا و مقرف و طويل الوقت) و يضمنوه و يصونوه (هيغيروا لي اللي راكب عالبربريز الامامي مجانا و هما اللي مصممين) ب 2000 يعني مكسبهم 500 ..... انا مش شايفه مكسب عالي
على فكرة انا دخلت المخزن عندهم و شفت الرول و هما بيقطعوا لي منه
الرول على فكرة لو جبته مع حد مش هيخش الطيارة في الشنط هتشحنه كارجو لأنه ببساطة شديدة جدا ارتفاعه حوالي مترين
عالعموم ربنا يوفقك ان شاء الله ...... و انا مش بادافع عن الشركة انا ماليش معاهم مصلحة بس انا دورت عالنت عالرول ب 80 دولار مالقيتش
معلش ، كان فيه عضو فى المنتدي كان حاطط اللينك بتاعهم وكان مساحة 24 فى 48 إنش ب 8 دولار. عموما أنا بعتت اللينك ده لقرايبي وإتصلوا بالشركة وعرفوا منها حاجات كتير على أساس إنها بتوزع لأكتر من توكيل ، منها إن المنتج نفسه (الفيلم) فيه رولات فممكن يتفصل زي مانت عايز (مش مفرود) وعليه أنا بعتتلهم مقاسات البربريز الأمامي والخلفي لعربيتي . وعندهم المقاس ببتاع الأحجام الكبيرة زي الزجاج الأمامي والخلفي على هيئة رول ده فممكن يتحط فى الطيارة بدون مشاكل ...ومش بس كده دول ممكن يعملولك المقاس اللى انت عايزه!. عموما الصبر طيب وآدينا بنجرب. لو طلع كويس تبقي حاجة كويسة للجميع بلا شك.
فيه نقطة تانية . إن سعر الشركة نفسه ممكن يكون أغلى من أي حتة تانية وأبسط مثال على كده موقع إي باي مثلا!
ياريت يا جماعة حد يحطللنا اللينك اللى احنا كلنا شفناه وكان من حوالي 15 - 20 يوم تقريبا عشان برضه الجميع ياخد فكره .
تحياتي وألف مبروك عليك. وإن شاء الله حأبلغكم بالنتيجة.
السلام عليكم
أستاذ سامر.....ممكن أعرف التكلفة كام للزجاج الأمامي فقط من نوعية كريستالاين70 ؟
شكراً
اللينك اهو بتاع منافسين 3M و V-KOOL:
http://www.nilemotors.net/Nile/showthread.php?t=76475
وعلى فكرة انا لقيت منتج اخر منافس و التقييم بتاعة على النت مشجع و من الواضح ان جودتة عالية:
http://www.gilafilms.com/
انا عندى سؤال للمهندس سامر....
ممكن أركب الفيلمللزجاج الامامى فقط؟
ويكلف كام؟
وفهمنا من كلام حضرتك ان شركتكم الموقره وكلاء لشركات أخرى غير 3m ممكن ناخد فكره عنها؟
رحت النهاردة غيرت القطعة الامامية مجانا بسبب موضوع الشعرة
ناس محترمين جدا
رحت على جراج التركيب مباشرة كانوا بيركبوا عربية فيرنا سودة
خلصوها و انا دخلت مكانها ركبوا لي الفيلم في ساعة و مشيت و ما خدوش مليم
خدمة 12 على 10 الصراحة
انا فعلا عايز اعرف التكلفه للزجاج الأمامي فقط
علشان انا مركب فيميه
ومحتاج العازل في الزجاج الأمامي فقط
السادة أعضاء نايل موتورتز الكرام أما عن تركيب الزجاج المامي فقط فانا شخصيا لا انصح به لأن الحرارة النافذة من الشمس تكون من جميع زجاج السيارة فمعنى ذلك ان تركيب الزجاج الأمامي فقط قد لا يعطي نتيجة ملحوظة أما عن التكلفة للزجاج الأمامي فهي 620 جنيه
استاذ سامر
620 جنيه لاي نوع؟؟
و لو كدا يبقي النوع الغامق ارخص ولا ايه؟
الحمد لله الذى لا يحمد على مكروه سواه
أسعار الكل نار
أسعار الضريبة نار
الشمس بقيت نار
اللهم ارزقنا الجنة و نعيمها الدائم بما صبرنا يا أرحم الراحمين
أنا هركب بس علشان إنت راجل محترم
،يا جماعة البني آدم د أخلاق
،،أنا إلي كلمتك و قلت لك على اوبترا و قلت لك معنديش ستيكر نايل موتورز
أنا بس بفكرك
:verygood:
أنا هعمل جمعية و أركبة بعد ما أصلح العفشه
ممكن اعلق الفوطة الصفرا ع الازاز اللى جمبى وانا سايق
وابقى كدة وفرت كتيييييير :))))
السادة الأعزاء
سعر ال620 للزجاج الأمامي خاص ب 3m كرستالاين 70 الي تكلفة السيارة بالكامل منه 2000 جنيه أما عن تكلفة 3m6868 للزجاج الأمامي فقط فهو 496 و ما زلت لا أنصح بتركيب الزجاج الأمامي فقط و ذلك لأنه لن يحدث تأثير ملحوظ(فلوس في الأرض)
أما عن السيد المحترم جدا الذي قام بالاتصال بي لتركيب سيارته الأوبترا 2009
تشرفنا في أي وقت يناسب سيادتكم
و أرجو تكرار المكالمة و ذلك لأنني مع الأسف فقدت رقم هاتف سيادتكم لأني كنت أقود وقتها سيارتي
ماهو حيركب للفوطة فامية فاتح ياناصح افهموها بأة