الله يطمنك هي فعلا عربية ممتازة بكل المقاييس وبالسعر ده مانيوال كاملة مع انها موديل 2008 بس سعر حلو جدا ب 138 الف .. ادعيلي ربنا يكرمني بيها
انا بس بحاول ادور في المعارض جايز تكون موجودة بسعر اقل شويه لأن 138 الف ده سعر الوكيل
عرض للطباعة
انا معايا 2006 خليجى . مش كامله بس استيبترونيك .
بالنسبه للتكيف قوى جداا جداا يعنى اما تكون العربيه مركونه فى الشمس لمده .
اول ما اركب اشغل المكيف على 2 لمده خمس دقايق بعدين اوطيه على واحد وبيبقى تلج .
بس انا بقول ممكن عشان عربيتى خليجى عشان فى ناس صحابى معاهم a5 وبيشتكوا من المكيف.
اعمل زىي وهاتها بيضه.
مبروك عليك العربية مقدما باباشا.
انا شارى العربية من حوالى 7 شهور المانيوال الكاملة b العربية ماشاء الله جميلة جدا انا سافرت بيها شرم الشيخ على سرعة 180 و حرارة الجو كانت 38 و التكييف كان شغال معظم الطريق و كانت العربية ماشاء الله زى الفل.
اتكل على الله و انت مطمئن.
شكرا على الرد انا ملاحظ ان في ناس بتقول التكييف حلو وناس تانية بتقول انه وحش
بصراحة انا كنت ناوي اجيبها سوداء لأنه بيبقى فخم اوي عليها وعاجبني جدا ... بس مش عارف بقى كده ممكن افكر في لون تاني عشان التكييف ... بس هل اللون ده بيفرق اوي في كفاءة التكييف؟؟؟ انا حاسس ان اللون مش هيفرق كتير
وبعدين مفيش منها غير شامبين وسيلفر وسماوي واسود عند الوكيل ... ايه رأيك اجيب ايه؟؟
ممكن حضرتك تقولي عربيتكم وكيل مصري ولا خليجي ؟؟
وجزاك الله كل خير
معقولة في فرق كبير كده في التكييف بين المصري والخليجي يا جماعة
الله يباركلك فيها ويكفيك شرها ويرزقك خيرها بس بلاش السرعات العاليه دي
ممكن اعرف من حضرتك هل عربيتك مصري ولا خليجي ؟؟؟ لأني ملاحظ ان في ناس بتقول التكييف حلو وناس تانية بتشتكي منه
ايه رأيك في حكاية اللون دي ... اصل انا عاجبني الاسود اوي ... معقولة انقي لون تاني عشان خاطر التكييف ؟؟
بما ان عربيتك مانيوال كاملة 2008 كنت عاوز اعرف هو التكييف بتاعها مانيوال ولا اتوماتيك باللمس؟؟
وهل فيها ثلاجتين .. ولا دول بيكونوا في الاوتوماتيك ؟؟
ومعلش هتقل عليك ... هل فيها مقياس لضبط ضغط الهواء في الاطارات ؟؟؟
وجزاك الله كل خير
انا مستنيك يا فادي تقولي على هل تعرف اسم معرض معين عارض الايه 5 المانيوال الكاملة ب 135 الف بدل 138
متنسانيش والف شكر ليك
اخبار المذاكرة معاك ايه .. ان شاء الله تجيب مجموع حلو جدا