الموضوع: اوكتافيا a5

ممكن يافادى توضح بس إيه الموصفات اللى ممكن تييجى بالسعر ده؟ وياترى ديه خليجى ولا بضمان لأنى بصراحة ماعنديش فكرة قوى عن فئات الاسكودا؟ وكمان عند مين السعر ده؟

وياترى هل فيه توقعات بتغير تانى فى السعر أثناء معرض أوتو ماك ولا مالوش علاقة؟

أشكرك مقدماً على التوضيح،

أشرف

المشاركة الأصلية كتبت بواسطة fadi ezzat

هينزل عادى جدا ياباشا وهيستمر لكن الاية فور خلاص راحت عليها
ودلقوتى كمان نزل سعرها لاول فئة ب 135

يا ريت تقولنا يا فادي فين ال a5 اللي ب 135 الف دي لأني شوفتها في الوكيل مانيوال كاملة موديل 2008 ب 138 الف ... لو تعرف معرض معين عارضها بالسعر ده قولنا عليه
وشكرا

اه هتنزل يا باشا زى ما الانسر الشكل قديم لسه بتنزل كده

المشاركة الأصلية كتبت بواسطة modiabbas

اه هتنزل يا باشا زى ما الانسر الشكل قديم لسه بتنزل كده

ده برده يعتمد هما فاضل عندهم منها كام عربية
اللانسر الشكل القديم لسه في منها لحد دلوقتي عشان كده سعرها نزل لكن اشك هيكون نفس الوضع في حالة السكودا ..

يا جماعة النهارده والدي كان في معرض اباظة في الاسكندرية بيسأل على ال a5 موديل 2008 اللي ب 138 الف عند الوكيل
قالوا ان هما باعوا كل موديلات ال 2008 اللي كانت عندهم المانيوال الكاملة ب 140 الف وماعدش فاضل منها خلاص
وبعدين والدي سأله على ال a4 المانيوال اللي ب 121 الف موديل 2009 قاله انها موجودة عندهم بنفس السعر

وفي الاخر راح قال لوالدي ... نصيحة لو عاوز تجيب مانيوال هات ال a4 المانيوال ووفر فلوسك واركب عربية موديل 2009 احسن لأن مفيش فرق كبير في الكماليات بينهم هو فرق الشكل بس
او تزود اكتر وتجيب ال a5 الاوتوماتيك اللي ب 160 الف ... ورفض يقول لوالدي سبب هذه النصيحة

هل يا جماعة ال a5 المانيوال موديل 2008 دي ممكن يكون فيها حاجة مثلا ولا ايه ؟؟؟؟ عشان مركونة بقالها فترة ؟؟؟
ولا كلمته دي مجرد كلام بياعين؟؟
انا مش فاهم هو ليه قال الكلمة دي واثار القلق عند والدي من ناحية ال a5 موديل 2008

والدي طلب مني اسألكم واشوف رأيكم ايه ؟؟؟
يا ريت تردوا عليا في اقرب وقت ممكن ... نجيب الa4 2009 ولا ال a5 2008 ؟؟؟؟ الفرق بينهم 18 الف مش قليل برده

هو يقصد دى مانيوال ودى مانيوال والكماليات تقريباً واحدة ، بس خلى بالك إن الإتنين على شاسيهين مختلفين تماماً وثبات ال a5 أعلى من ثبات ال a4 بكتير

المشاركة الأصلية كتبت بواسطة sameh

هو يقصد دى مانيوال ودى مانيوال والكماليات تقريباً واحدة ، بس خلى بالك إن الإتنين على شاسيهين مختلفين تماماً وثبات ال a5 أعلى من ثبات ال a4 بكتير

اشكرك على ردك
يا ريت باقي الاسكوداوية يقولولي رأيهم ايه؟؟؟؟؟؟
جزاكم الله خيرا