الأصدقاء الأعزاء
أنا عضو جديد بهذا المنتدى الجديد والرائع ولدي استفسار
كيف يمكن معرفة ما إذا كان الموتور يحتاج لعمرة كاملة أم طقم شنبر فقط؟
هل يمكن معرفة ذلك بدون فك الموتور؟
شكرا لكم
عرض للطباعة
الأصدقاء الأعزاء
أنا عضو جديد بهذا المنتدى الجديد والرائع ولدي استفسار
كيف يمكن معرفة ما إذا كان الموتور يحتاج لعمرة كاملة أم طقم شنبر فقط؟
هل يمكن معرفة ذلك بدون فك الموتور؟
شكرا لكم
ضعف فى سحب السيارة وخاصة فى المطالع.
استهلاك كبير للبنزين والزيت
دخان كثيف لونه رمادى مائل للزرقة منبعث من فتحة الشكمان اثناء الضغط على بدال الاكسراتير
لو كان الموتور يصدر أصوات تخبيط وإحتكاكات وغيره بالإضافة لأعراض الدخان ونقص الزيت يبقى عايز عمرة كاملة
لو المشكله هي فقط دخان أبيض مزرق أو أزرق ونقصان الزيت بإستمرار ممكن يكون طقم شنبر فقط
وفي النهاية بعد فك الموتور يكون القرار الصواب حسب الواقع والحالة الداخلية
جزاكم الله خيرا على الرد السريع جدا
الموتور فعلا يصدر دخانا باستمرار ولكنه أبيض ويستهلك بنزين وزيت بصورة ملحوظة ولكن سحبه ماشاء الله جيد جدا ولا يضعف في المطالع كذلك لا توجد أصوات غريبة من المحرك
ملحوظة: الموتور ميتسوبيشي 1300 سي سي
لو الزيت مش بينقص يبقي الدخان دا بسبب الكرابيراتير عاوز ينظبط او يتغير لان ممكن الدخان دا يدل علي خلل في نسبه الهواء و الوقود الداخله غرف الاحتراقاقتباس:
جزاكم الله خيرا على الرد السريع جدا
الموتور فعلا يصدر دخانا باستمرار ولكنه أبيض ويستهلك بنزين وزيت بصورة ملحوظة ولكن سحبه ماشاء الله جيد جدا ولا يضعف في المطالع كذلك لا توجد أصوات غريبة من المحرك
ملحوظة: الموتور ميتسوبيشي 1300 سي سي
بص جرب الاول تستعمل اضافات الزيوت زي الريستورر و الريسورس
اعتقد ممكن تمشي سنة او اتنين كمان لو استعملت اضافات
اما قرار اذا كان الموتور محتاج شنبر بس و للا عمرة
اقولك الصح
تحل وش السلندر بتاع الموتور
الموضوع دة مش بياخد وقت يعني ممكن 5 ساعات مثلا
و يكلفك مصنعيه ميكانيكي و جوان يعني يمكن 150 جنية تقل او تزيد شوية
و لما تحل الجوان تبص عالشمايز بتاعه الموتور من جوة لو لقيت فية عتب كبير في اخر مشوار البستم يعني بيبقى فية تآكل في الشميز و محتاج خراطة شمايز او تركب بساتم اكبر شوية
في الحالة دي عليك بموتور استيراد احسن لان الصلب اللي بيعملوا بية الشمايز هنا مش بيعيش اكتر من 60 الف كيلو مثلا و بيتاكل تاني
غير وجع الدماغ و مصاريف بقية مكونات العمرة و فتاوي الميكانيكية و اغلاط الخراطين و عيوب قطع الغيار المضروبة و ضيااع الوقت و نتيجه مش مضمونة
و ممكن تحط شوية مية على وش البستم من فوق و تشوف بعد شوية المياة دي نزلت و للا لسة موجودة
لو المياة دي نزلت بسرعه من على وش البستم بيبقى الشنابر و البساتم دي مش كويسة
ممكن تحط شوية زيت موتور صغيرين بعد كدو و تشوف برضة لو نزلوا بسرعه قوي يبقى الخلوص بين البستم و الشميز اكبر
لأن الزيت كثافتة اعلى من المياة
المهم لو لقيت ان المياة دي مانزلش منها كمية ملحوظة في نص ساعه يبقى البساتم دي كويسة و الشمايز كويسة و مش محتاج عمرة كاملة
ممكن ساعتها بس طقم شنبر و طقم صباب و سبيكة
وتودي وش السلندر للخراط يتضبط قواعد و دلاليل و يعمل رودية للصبابات
و الشغلانة دي مش مكلفة بتاتا
يعني ممكن القصة دي كلها ساعتها مش حاتتكلف اقل من 800 جنية او اقل حسب نوع العربية و بالتالي تمن الصبابات و الشنابر و السبايك اللي حاتجيبها
لكن لو البساتم و الشمايز متآكلة يبقى اتكل على الله و روح بورسعيد اشتري موتور
حذف للتكرار
بما أن الدخان أبيض يبقى زيت محروق مع البنزين يبقى يا طقم شنبر يا عمرة كاملةاقتباس:
المشاركة الأصلية كتبت بواسطة Hany Hussain
وغالبا هيكون طقم شنبر فقط حيث أنه لا يوجد أصوات غريبة والسحب جيد جداً
المسألة لا تكون ضبط كاربيراتير إلا إذا كان الدخان أسود (أما لو كان أبيض أو أزرق فمعناه أن الموتور مفوت)
ما الفرق مابين الموتور مفوت وموتور محتاج عمرة كاملةاقتباس:
المشاركة الأصلية كتبت بواسطة ahmed1981
ممكن اسأل سؤال بعد اذن صاحب الموضوع ؟
انا عندى العربيه بطلع دخنه بيضاء كثيفه مش كل يوم يعنى كل اسبوع او اقل ولما مدوراش يجى يوم كامل (يعنى ممكن اسيب العربيه يومين او يوم من غير تدوير المحرك والدخنه مطلعش خالص )
بمعنى ان الدخنه مبطلعش باستمرار
وبمجرد دقيقتين من التحرك بالسياره الدخنه بتختفى تماما
الزيت مضبوط بس مياه التبريد بنتقص باستمرار ومفيش تخبيط والعربيه سحبها تمام
جزاكم الله خيرا جميعا على المعلومات والنصايح الهايلة دي بصراحة دا اكتر من اللي كنت متصوره
ان شاء الله هانفذ الكلام ده بس على فكرة انا مش في مصر وفعلا الموتير الاستيراد حل كويس جدا بس انا شاكك انها محتاجة شنبر و شوية صبابات
كل سنة اونتو طيبين وألف ألف شكر على المعلومات القيمة دي
زي ما الأخ أدهم بيقول لحضرتك الموتور الإستيراد أبرك من أي عمرة ،،
بس إنشاءالله مايبقاش فيها عمرة و تبقي حاجة بسيطة
الدخان الابيض معناة ان فية بخار مياة في العادم و دة نتيجة تهريب مياة من وش السلندر لداخل غرف الحريقاقتباس:
المشاركة الأصلية كتبت بواسطة limo
و انت بتقول ان المياة بتنقص و ان الموضوع دة متكرر ومش بانتظام
شوف, الصبح و العربية باردة افتح غطاء الردياتير
وبعدين دور العربية
لو لقيت مياة الردياتير فارت (اتدلقت) برة الردياتير
دة يؤكد كمان انة جوان وش السلندر بيهرب مياة لغرف الحريق و بيهرب كبس من غرف الحريق لقمصان التبريد
شوف ميكانيكي كويس يغير جوان وش السلندر
معلش ملاحظ ان الناس بتقول ان الدخان الابيض و الازرق معناه حريق زيت و ان الموتور مفوت
دة مش صحيح
الدخان الابيض بخار مياة في العادم
و دة غالبا من جوان وش سلندر او اسباب اخرى
لكن اذا كان حريق زيت نتيجة تفويت موتور او اويلسيلات صبابات بيبقى العادم لونة ازرق
و في حالة اويلسيلات الصبابات بيبقى الدخان دة بيظهر بس الصبح اول دوارة السيارة
و ايضا اثناء القيادة مع القرص عالموتور يظهر بين النقلات
و موضوع اويلسيلات الصبابات بيتكلف بس تمن الاويلسيلات + تمن جوان وش سلندر و مصنعيات
يعني مش كتير, بس يفضل يتعمل معاة قواعد و دلايل و رودية للصبابات
و لو كان فية صباب او اتنين محروقين يتغيروا كمان بالمرة
تحياتي
مشكورين ..نورتونا و انقزتونا من فتاوى الميكانيكية .. جازاكم اللة كل خير
أحياناً يكون الدخان الأبيض ناتج من التفويت البسيط وإحتراق الزيتاقتباس:
المشاركة الأصلية كتبت بواسطة Adham
وخاصة عندما يخرج هذا الدخان والمحرك ساخن وعندها يستحيل أن يظهر بخار الماء بلون أبيض نتيجة لسخونة المحرك
وأحياناً أخرى يكون الدخان الأبيض مائل للأزرق وهذا أيضا زيت محروق يعني تفويت
وفي حالة أن يكون الدخان الأبيض بخار ماء نتيجة لتسرب الماء داخل الإسطوانات سيظهر فقط في حالة المحرك البارد
وفور السخونة لن ترى دخان أبيض يقال عنه بخار ماء ولو ظهر يكون سببه تفويت خفيف وحريق زيت خفيف
والله أعلم
طيب ممكن أسأل عن الريسورس والريستور دول عند مين و تقريبا سعرهم كام؟ معلش انا فعلا مش عارفاقتباس:
بص جرب الاول تستعمل اضافات الزيوت زي الريستورر و الريسورس
اعتقد ممكن تمشي سنة او اتنين كمان لو استعملت اضافات
وجزاكم الله خيرا
من التوفيقية 12 شارع ذكي على ما اذكر التوكيل بتاعهم و العلبة ب 90 جنية وممكن تتصل بيهم حضرتك يبعتوهملك دليفري بس 3 علب ب250 جنية تقريبا
ألف ألف شكر وجزاك الله خيرااقتباس:
من التوفيقية 12 شارع ذكي على ما اذكر التوكيل بتاعهم و العلبة ب 90 جنية وممكن تتصل بيهم حضرتك يبعتوهملك دليفري بس 3 علب ب250 جنية تقريبا