مفاجأه ! ! ! اسعار قطع غيار السمند

**sameh.acc** · 02-10-2007 03:04 AM

هذه قايمة بأخر اسعار قطع غيار السمند حتى يكمل التقييم السمنداوى :D وحتى يمكن المقارنة ::

1- سلك الدبرياج 115 جنية
2- رفرف امامى 320 جنية
3- طقم كوبلن 1100 جنية
4- علبة شكمان 300 جنية
5- طقم مساعدين خلفى 50 جنية
6- رفرف خلفى 650 جنية
7- طقم طنابير امامى 220 جنية
8- تيل فرامل خلفى 275 جنية
9- كبوت 1000 جنية
10- شبكة امامية 100 جنية
11- فانوس امامى 400 جنية
فانوس خلفى 425 جنية (كامل) ينقسم لجزئين :
# جزء الشنطة 200 جنية
# جزء الرفرف 225 جنية
12- مروحة رادياتير 75 جنية
13- موتور مروحة 375 جنية
14- قواعد اكصدام 50 جنية
15- كالون باب 75 جنية
16- اكصدام امامى + خلفى = لم يتم تسعيرهم بعد

(ملاحظة) بعض القطع الميكانيكية المذكورة اعلاه تتميز بارتفاع ثمنها بسبب انها نفس قطع غيار البيجو 307 مع ملاحظة رخص القطع الاخرى بنسبة 40 % عن قطع غيار البيجو 307 كالفوانيس الخ

**محمد ابراهيم 1** · 02-10-2007 03:20 AM

أسعار هايله جدا جدا
شكرا لك

**Sharky** · 02-10-2007 10:32 AM

انا شايف إن أسعارها معقولة بس هل حتبقى متوفرة و معمرة ؟؟؟

**Hossam_Hassan** · 02-10-2007 11:57 AM

مساعدين خلفى ب 50 جنيه؟ أكيد قصدك 500

**modux** · 02-10-2007 12:44 PM

اسعار حلوة

**sameh.acc** · 02-10-2007 03:49 PM

معلش يا اخ حسام حسن لا مش قصدى 500 هى ب 450 فية 4 طارت ههههههه - بالنسبة للأخ شاركى معروف عن الايرانى بمتانتة وخصوصا ان فيها قطع غيار بيجو 307 فأكيد هتكون معمرة وكمان بيجو مش هتدى اتفاقية شراكة لشركة مش مطابقة لمعايير الجودة العربية ماشاء الله عليها بجد والله ثباتها جباااااااااااااار يمكن احسن من الجين 2 لان صاحبى بيشتكى كل شوية ان الجين 2 ساعات بتفرش ع الارض لتحقيق اعلى ثبات وساعات لا العربية المشكلة ان الدفعة فية جزء منها لسة فى الميناء والجزء التانى فى مركز الصيانة بتاع بيجو فى غمرة فأنا شكلى هروح غمرة اشوف الوانها - مش عارف حاسس ان شكل العربية من قدام بزاوية بيدى على اوكتافيا

**waleedabbas** · 02-10-2007 05:10 PM

انا شفت السمند فى توكيل وجية اباظة واقفة هى والبيجو البارس واسطول من الروا
بالنسبة للسمند لقيتها موديل مختلف عن ال شفته فى الشارع تقريبا نازل منها موديلين
ده الشكل ال شفته فى التوكيل اخر مرة

وده ال شفته زمان وشفته بعد كده فى الشارع

**fahd_628** · 02-10-2007 05:28 PM

والله الأسعار حلوة

شكرا يا باشا

**waleedabbas** · 02-10-2007 05:35 PM

على فكرة انا مش بدافع عن العربية الايرانى ولا عن الصناعة الايرانى بس فى حاجة بس ناس كتير مش فاكراها او متعرفهاش حبيت اقولها دليل على ان ايران مش حديثة العهد بصناعة السيارات وكمان صناعتها مش اى كلام
اول لما ال 405 الروا نزلت السوق وعليها علامة ايران خودرو

-والعلامة دى هى العجلة الحربية بتاعة الفرس-
المهم ان نفس العلامة دى كانت موجودة على الاتوبيسات المرسيدس المشهورة ال فضلت تخدم فى النقل العام من السبعينات لغاية وقت قريب (اكتر من 30 سنة)
ولو سالت اى حد شغال فى هيئة النقل العام هيقولك دى كانت احسن اوتوبيسات نزلت للهيئة واستحملت كتير وكانت انتاج ايرانى
وعلى فكرة ايران خودرو بتنتج ال 405 من 1990 وبينزل منها موديلات كتير glx وده ال كان بيتجمع فى مصر gli , sw, roa , pars ,
وحاليا بتصنع البيجو 206 الهاتشباك والسيدان وبعض موديلات الرينو والمرسيدس والهيونداى غير سيارات النقل الثقيل والاوتوبيسات
عقبالك يا مصر