اهلاً بيك معانا و نتمني من الله اني اقدر اجاوبك علي كل الاسئله

اقتباس المشاركة الأصلية كتبت بواسطة do00ody مشاهدة المشاركة


وروحت توكيل عز العرب فى اسكندرية على الزراعى

المهم اتكلمت مع مسئول البيع بخصوص الخصم بتاع الأستاذ محسن فى التوكيل الرئيسى على الصحراوى فى القاهرة

وإن نايل موتورز عامل لينك بينه وبين التوكيل

قالى الكلام ده مش مظبوط .. ومش هيحصل:t_thum1[1]:

طبعا انا لسه متأكدتش من فرع القاهرة .. انا بقول اللى حصل معايا

وكمان قالى لو حجزت دلوقتى هستلم فى نص شهر 7 أو آخره

ولما لقيته بيتكلم كده أخدت بعضى ومشيت

اولا متصدقش اي حد في المبيعات لانهم معندهمش اي فكره و موضوع التخفيض مطبق فقط في فرع الصحراوي (ابورواش) و طبعاً بتاع المبيعات المحترم لازم يقول كدا علشان لو في تخفيض العموله بتاعته حتروح
اللى عايزه من حضراتكم الآتى :

1- انا عايز أشترى خلال فترة معرض أخبار اليوم .. يا ترى هايكون فى عربيات متوفرة الفترة دى؟
ولا لازم أحجز بردو ؟ .. وأستلم بعد فترة

والله الي انا اعرفه ان علي اخر الشهر تقريباً في شحنه جايه ......يفضل انك تحجز

أنا بقول خلال فترة المعرض .. علشان يمكن يحصل عروض من بروتون ولا حاجة .. زى ما بتعلن البريليانس عن عربياتها

2- الموديلات القديمة كانت الساعة موجودة .. بس اتشالت فى موديل 2009
طيب دلوقتى .. مفيش ساعة يعنى فى العربية .. ولو فى .. مكانها فين ؟

الساعة موجوده بس مدموجا في شاشه ال display امام السائق

3- فى فتح تنك البنزين من داخل العربية ولا لأ ؟

ايوة حضرتك

4- عايز أعرف موديل 2010 هينزل أمتى ؟

غير معلوم حتي الان لان عز العرب عنده سياسه مختلفه بس مش قبل شهر 11
والله اعلم

5- فى عازل حرارى على موتور العربية ؟

ايوة حضرتك و مكتوب عليه campro

6- العربية بتنزل بزجاج فيميه ولا لأ ؟

لالالالالالالا

7- ألوان موديلات 2009 إيه ؟ .. ويا سلام لو حد يحطى لى ألوان 2009
في الحيقيه الالوان كلها معرفهاش بس ممكن اخونا الاعضاء الكرام يفدوك اكتر في السؤال دا

8- يعنى ايه إيموبليزر اللى ببيجى مع الانذار ؟

هو نظام يمنع اداره محرك السياره بدون مفتحها الاصلي لان المفتاح يحتوي بداخله علي شريحه تحمل كود و يطابق مع الكنترول يونت للعربيه

9- فى قضبان حماية فى أبواب العربية ؟

نعم يوجد

10- لما أجى أستلم العربية .. أبص على إيه؟ ( مهم جدا )

بمعنى أتأكد من إيه قبل ما أخد العربية وأمشى .. مثلاً .. أبص على أنوار العربية الأمامية والخلفية ونور الشنطة ونور الصالون .. والأبواب بتقفل كويس ولا لأ .. طيب وإيه تانى؟

كل حاجة ممكن تجربها ..... سنتر - ازاز - تابلوه - انوار - ادوات العربيه ( كوريك وخلافه ) - صاج - تكيف - فرش
كل شئ كل شئ
إيه كل الكلام اللى حصل ده ... اعتذر عن الإطالة
لا يا باشا و لا طولت و لا حاجة انت تأمر

لكن عايزكم تستحملوا بروتوناوى جديد عليكم إن شاء الله
وان شاء الله تستلم علي خير
وتقبل تحياتي