الموضوع: منة عرفة و اغتيال الطفولة

معاكي كل الحق.
نفس الانطباع جالي وأنا بتفرج على المسابقة.

عموماً، احنا دايماً كده. بدل لما نشجع الطفل انه يكون على طبيعته نشجعه يتكلم زي الكبار ويتصنع النضج.

منة عرفة شوفت ليها لقاء في مهرجان كان كل كلامها من نوع "أنا فخورة بتواجدوا هنا في هذا الحدث السينمائي الكبير" و "أحب أشكر القائميين على المهرجان".

في طفل فلسطيني اسمه أحمد كان بيطلع في اعلان ترويجي (Promo) لقناة الجزيرة عن الحرب على غزة بيقول "هذه حياة هذه؟ هذا حصار ... هذا أكبر حصار .. هذا أعظم حصار لاسرائيل"

برومو الطفل أحمد

الطفل أحمد استضافته الشيخة موزة (زوجة أمير قطر) في قطر لبضعة أيام. وبالتالي استضافته قناة الجزيرة في برنامج حديث الصباح. طوال ثلث ساعة والطفل يلقي الخطب الرنانة التي لو قالها رجل كبير لقلنا أنها متصنعة، ما بالك وطفل صغير هو الذي يلقيها.

حديث الصباح مع أحمد

رغم الصدمة اللي شافها الطفل ده لكننا بدل ما نعيده لحياته الطبيعية صنعنا منه ممثل وخطيب يتاجر بمحنته فتققد معناها عنده وعندنا. أنا أول أما ألاقي طفل بيتكلم زي الكبار بيقفد كل كلامه أي معنى عندي لأني بكون متأكد ان كلامه كله ملقن ومحفوظ.

مش عارف ليه احنا بس اللي عندنا أطفال بتخطب الجمعة وتلقي الشعر والخطب السياسية.
الطفل لو عبر عن نفسه (سواء عن فرحته أو المآسي اللي مر بيها) بطبيعته، تأثيره هيبقى أقوى لأنه بريء وغير مصطنع.

في الغرب، ممكن يعتبروا الكلام ده اساءة للطفل وهو فعلاً كذلك.

البنت دى مغرورة بطريقة بشعـــــــــــــــــة ..

مش عارف لما تكبر بقي هتبقي عاملة ازاى .. ده من وهى صغيرة فاكرة نفسها سعاد حسنى بجد امال لما تكبر بقي !!

زيها زى اللى بيخلى ابنه يسوق عربتيه وهو عنده 10 سنين بالظبط و يقولوا دوس على الناس :( ..

الموضوع موضوع تربية في الاول و في الاخر و جزء كبير من الشخصية بس في مرحلة معينة من السن .... بس المشكلة الكبري ان احنا دلوقتي بنعامل الاطفال انهم كبار و دي انا بشفها كتير جدا ... حتي في سن الفضول بنفضل نجاوبهم علي اسئلة من المفروض ميتجاوبش عليها لان بالتالي بتفتح ادارك اكبر للطفل من ادراكه فبيبدأ يفكر في الاسئلة دي ... طبعا التلفزيون و الانترنت ليهم عامل كبير جدا دلوقتي و ده بسبب المشاهد الغريبة اللي بنشفها .. و الافلام السيينما يا عيني عليها لما الاقي كل ممثل و كل ممثلة فرحانين بنفسهم و مطلعين معاهم طفل او طفلة و يكون الدور مبني علي الردح او وصلات من الشتائم او خيانة فالام بتاخد البنت مشاهد غريبة بتأثر في الكبير اللي هوا عارف انوا تمثيل فما بالك بالطفل؟؟؟؟ .... التربية هيا ان انت كأب او أم من الصغر تعرف ابنك او بنتك انك صاحبهم من الدرجة الاولي و تنزل بمستواك العقلي لمستوي تفكير الطفل و تعرفوا انوا طفل و ان ده وقته و لازم يعيشوا ... العب معاه و اتكلم معاه ... بس مفيش الكلام ده دلوقتي... التربية بقت مختلفة ... دلوقتي الطفل عارف هوا جه منين و حصل ازاي و اتكون ازاي لان كلنا بنسرق منه طفولته ان كان بفعل او بعمل او بكلام او بقكرة او حتي بفيلم... اسف علي الاطالة بس هوه موضوع مهم و اتمني الردود .... و احيي اللي عامل اموضوع