ارجوكم سعدونى هيضيع منى 75 الف جنية

**magedalking** · 30-05-2009 10:42 AM

سيارة لانسر 2007 و 1300 cc و صاحب السيارة بيقول انها خليجى بس انا مش متاكد عايز اعرف حاجة بسيطة تعرفنى ان السيارة فعلا خليجى ارجو الرد بسرعة المعاد المتفق علية بكرة الحقونى اى حاجة تعرفنى بس.............. بس حاجة متكنش قابلة للتغير مثل الفونيس الخلفية

**Kareem Khattab** · 30-05-2009 10:51 AM

هتلاقي رقم الشاسيه متثبت علي التابلوه علي الشمال
و حاجه تانية افتح باب السواق هتلاقي تحت في القايم لوحه معدنية مكتوب فيها تاريخ الصنع و البلد اللي رايحالها العربيه

**hazem66** · 30-05-2009 10:51 AM

على حد علمى ان اى سيارة خليجى لازم يكون على التابلوه من فوق وبجوار الزجاج علىالشمال ناحية السائق حتة بلاستكة سوداء مكتوب عليها رقم الشاسيه لازم تكون موجودة

**magedalking** · 30-05-2009 11:22 AM

طيب عقد السيارة بيكون متحدد فية خليجى ام لا؟؟

**samo9992003** · 30-05-2009 12:54 PM

لا طبعااا

**مصراوي جدا** · 30-05-2009 03:15 PM

استاذ ماجد العنوان غريب جدا (ارجوكم ساعدوني هيضيع مني 75 ألف جنيه)

يا ريت معلومات اكتر يعني ايه سبب الحرص انها تكون خليجي او مش خليجي يعني لو مصري فلوسها هتضيع ازاي

على حد علمي الخليجي بتزيد عن المصري ايرباج سائق ودي حاجه تتعرف بسهولة من علامة srs على الدركسيون

وحتى لو خايف تكون اردني برضه مفيش مشكلة لأن الفرق كماليات برضه انما في الآخر مصري او خليجي او اردني التلاتة صناعة ياباني 100% والمحرك هو هو والفرق بينهم كماليات مش اكتر

**magedalking** · 30-05-2009 08:59 PM

المشاركة الأصلية كتبت بواسطة مصراوي جدا

استاذ ماجد العنوان غريب جدا (ارجوكم ساعدوني هيضيع مني 75 ألف جنيه)

يا ريت معلومات اكتر يعني ايه سبب الحرص انها تكون خليجي او مش خليجي يعني لو مصري فلوسها هتضيع ازاي

على حد علمي الخليجي بتزيد عن المصري ايرباج سائق ودي حاجه تتعرف بسهولة من علامة srs على الدركسيون

وحتى لو خايف تكون اردني برضه مفيش مشكلة لأن الفرق كماليات برضه انما في الآخر مصري او خليجي او اردني التلاتة صناعة ياباني 100% والمحرك هو هو والفرق بينهم كماليات مش اكتر

انا سعيد جدا ان حضرتك رديت على الموضوع بس انا سمعت ان الخليجى بيبقى اغلى فانا خفت يكون الثمن غالى هى 2007 و 1300cc اوتومتيك الون فضى 4 جناط سبور + 4 جناط الاصلين + 2 فانوس امامى اصلى زيادة و عملة 56000 KM و خليجى و مفهاش خدش و Full Options غير نظام كامل DVD الفرش الاصلى لم يخدش بحالت المصنع فبريكة بالكامل مطلوب نهائى 75 الف تفتكرو حلو؟؟

**magedalking** · 30-05-2009 09:02 PM

عفوا ما هو ال ايرباج سائق دى

**ConDoR** · 30-05-2009 09:33 PM

الايرباج دا نظام حمايه للسائق عند الاصطدام لاقدر الله تلاقي كيس هوا خرج من الدركسيون

بس معلش كنت عاوز اقول لحضرتك ا اللي يضيع عليك الفلوس مش انها تكون خليجي او مصري الاهم من كدا الحاله ذات نفسها