+1111111111
عرض للطباعة
السوق اللى حيحكم
بالفعل الخبرة الصينية لسة فى الاول ولكن احنا كشعب م وراناش غير التريقة ومنحولش نبتكر
وبعدين اية اللى خلا الناس تروح للصينى ما هو علشان سعرة وبفرض عمرة الافتراضى قل ومالة كلها 5 سنسن ويغيروا قانون المرور تانى ويبقى اقصى فترة للعربية ما نزيدش عن 10 سنين بكتيرة
فكرة ان الواحد يشترى عربيى علشان تعقد معاة العمر كلة فكرة فاشلة. الواحد يدوبك يشترى الموبيل يمكن عايز يغيرة كمان شهرين لما يطلع موديل جديد وبرضة بيخسر تقريبا نصف تمنة.......... دة الطبيعى يا جماعة
وبالنسبة للامان ...كلة بيدمر فى الحوادث ولو ركب اتخنها عربية مافيش فايدة
لما تبئى كويسة نبقى نقول عليها ممتازة و الناس هتقبل عليها لكن مازالت الصين لا تسعى لأنها تكسب زبون..بدليل الأسامي الكتير للموديلات و الشركات و اللوجوهات بتاعتها...
كمان العك في التصميمات فالتيجو دي مثلا كانت تويوتا راف فور قديمة بالظبط و نفس الخلفية و مرة يعملولك أودي و مرة تابلوه الأكسارا الستروين و الأكس فايف و الماتيز و المازدا 323و مرة تقليد المرسيدس السي كلاس و الكورولا القديمة و أخيرا عالنت نازل تقليد البورش كايين و الرولزرويس فانتوم!!!!
أعتقد الصينين لازم يغييروا من سياستهم و يصنعوا منتجات تعيش و تجيبلهم زباين مخلصين و مستمرين
لكن مبدأ كل يوم شكل و موديل و خلاص مش هينفع.....
مش هتقدر تعيش طول عمرك تقلد نجاح غيرك......
انهى واقعية البتتكلم عليهاااا دى حضرتك مع احترامى الشديد انتا لو واقعى زى مبتتكلم هتعرف ان الكورى مازال يحاول الوصول الى اليبانى والكورى فى بداية الامر فعلآ من ايام ما كانت الهيونداى بأسم بونى لوحضرتك حضرتهااا كانت مدعاة للسخرية فى الوقت الكانت التيوتاااا مكتسحة العالم بلكرسيداااا والمازدا بل 323 و 929 وغيرة كتيير ولحد دلوقتى لا يمكن مقارنة التوسان مثلآ ب التيوتااا الراف 4 رغم ان التوسان سيارة ممتازة فارجو من سياتك ان تكون واقعى فى رؤيتك لو عايز تحكم عشان متضللش غيرك
الأستاذ المحترم
أولاً نحن (بعض) أعضاء نايل موتورز لا نقبل أن تتحدث بمثل هذا الأسلوب الغير لائق وأعتقد أن الجميع متفقون معى فى ذلك ... برجاء الاعتذار عن هذه الكلمات...
ثانياً كلام حضرتك مردود عليه من نفس مشاركتك
فأنت تقول أن الكيا والهيونداى والدايو لم تكن شيئاً يذكر قبل خمسة عشر عاماً وخلال هذه السنوات بنت خبرة كبيرة فى مجال صناعة السيارات أهلتها لتحتل مراكز متقدمة، لا أقول أنها تنافس الكبار ولكنها سيارات جيدة الصنع تلبى احتياجات فئة معينة من المستهلكين تتناسب مع سعرها (سواء هنا أو فى الخارج)
أما بالنسبة للسيارات الصينية فخبرتها حتى الآن لا تتجاوز أصابع اليد الواحدة ، فهى - كما قلت أنت - تحتاج إلى عشر سنوات على الأقل حتى تجمع الخبرة اللازمة للمافسة فى السوق . أنا لا أقول أنها سيئة ولكنها لا ترقى إلى درجة سيارة من شركة ذات خبرة أكبر فى مجال التصنيع
ثالثاً فى رأيى أن الصين قادرة على صنع سيارة جيدة، ولكن الصين تنتهج سياسة أن (تصنع لك ما تريد بأى سعر تريد) وهذا بالطبع يكون على حساب الخامات والتقفيل والعمالة وغيرها من العوامل التى تؤثر على جودة المنتج، فسيارة سعرها 40 ألف جنيه لا يمكن أن تقارن بسيارة (بضعف تمنها مرتين ونص)
هذه بالطبع وجهة نظر شخصية ولك احترامى وتقديرى
أتعيب على الخلق ؟؟ أم على الخالق ؟؟
يجب أن نتحرى كلامنا علشان حضرتك بتسخر من شكلهم اللي ربنا خلقهم عليه .
و معنى السخرية من شكلهم أنك بتسخر من اللي شكلهم أو أعطاهم هذا الشكل .
أرجوا عدم السخرية من الناس و من مخلوقات الله عز و جل .
-------------------------
-------------------------
بالنسبة للموضوع الخاص بالسيارة
أعتقد أن السيارة جيدة .....
شركة شيري شركة معقولة و بتحاول تعمل عربيات معقولة علشان كدا السعر بتاعها قليل .
العربية مع أبن عمي بقالها سنة و نص تقريبا أو سنة واحدة مش فاكر .
و هو مبسوط و بيقول العربية معقولة و خامات الصالون على أد فلوسها .
إنما كموتور و عفشة و بقية الحاجات الأساسية ما أشتكاش من حاجة و مبسوط .
و مش معنى أنها صيني يبقى كل اللي ييجي من الصين وحش .
أنا شايف أن شركة شيري معقولة و مش بيقلدوا قوي زي بقية الشركات التانية .
و يا جماعة عربيات شيري اسبرانزا شغالة في السوق و عاملة شغل كويس و أنا شايفها عربيات مش وحشة هي بس شكلها اللي مش عاطفي .
و في النهاية
في عالم السيارات الدنيا مش معقدة زي الإلكترونيات مثلا .
الموضوع و ما فيه هو أسماء ليس أكثر .
كل الموضوع هو صناعة المحرك و بعدين شراء مكونات من شركات متخصصة .
يعني أهم حاجة الشركة تعمل المحرك بتاعها و بعدين تعمل جسم السيارة ...... و باقي المكونات ممكن تكون من أحسن ما يكون .على حسب السعر .
الموضوع مش محتاج خبرة جامدة زي ما الناس فاكرة .
الناس اللي بتتكلم عن حداثة هيونداي و الكوري
ميعرفوش أن شركة ميتسوبيشي لصناعة السيارات التجارية بدأ تأسيسها سنة 1973 ..... يعني مش شركة قديمة ....... و مع ذلك كانت عاملة شغل حلو قوي في بداية تكوينها و صنعت أسم كبير في فترة قصيرة و كل ده علشان هي ياباني .
أي شركة هاتنشأ في اليابان ...... الناس هاتعتبرها شركة مفيش منها و محدش هايقول موضوع الخبرة .
علشان اسم اليابان مرتبط دائما بالجودة .
زي شيفرولية
بتأخد موديلات دايو و تحط أسم شيفروليه عليها في بعض الأسواق علشان خاطر الأسم التجاري له أفضلية في سوق معين .
مع أن العربية مش شيفرولية أصلا و هي دايو في الأصل .
دي لعبة أسماء تجارية و أسماء لبلاد المنشأ .
و في النهاية العربيات الصيني لو توفر لها الدعم الكافي من قطع غيار و مراكز خدمة هاتعيش زيها زي أي عربية في الدنيا .
و ده رأيي ............ و أجري على الله .