رينجات ألومنيوم للجنوط الاسبور

**mshamy** · 18-06-2009 01:29 PM

السلام عليكم

رجاء من الزملاء اللي ركبوا رينجات الومنيوم الإفادة بالأتي:
1- مدى قوة الرينجات و هل صحيح إنها أكثر عرضة للكسر من الرينجات البولي؟
2- سعر الواحدة كام؟ أنا سألت واحد خراط وقالي بعمل الواحدة ب 15 جنية !!!!

وشكرا

**Ashraf_Ashraf** · 18-06-2009 01:34 PM

انا ماسمعتش عن موضوع كسر رينجات قبل كده حقيقا وانا مركبها بقالى فتره كبيره ومحصلش منها اى مشكله وعلى فكره دقه الخراط علشان يظبط الرنج على الجنط وعلى سره العجله هو سر نجاح الرنيجات
اما السعر كل واحد وشطارته ان اخد منى 25 ج للواحد

**MohamedGafar** · 18-06-2009 02:25 PM

المشاركة الأصلية كتبت بواسطة ash_rsi

طالما جنوط اسبور يبقى من الاخر رينجات لان الجنط مش يبقى مرتاح على سره العجله وانا جربت الموضوع ده وطلع عينى بكل الحلول
مانتهاش الا بعمل رينجات المونيوم ظبطت سنتر العجله على السره
اى خراط بيعملها بس تروح له بالعربيه علشان ياخد المقاسات لو تعرف شارع احمد عصمت فيه كذا خراط والحى السادس فى كذا واحد
بالتوفيق

طيب تمام. حضرتك تعرف حد فيهم وتديلي نمرة تليفونه؟ سواء فى أحمد عصمت فى عين شمس أو فى الحي السادس فى مدينة نصر وترشحللي مين فيهم وحاتعبك معايا... ياريت أرقام تليفوناتهم عشان ما أدوخش وانا رايحلهم. ألف شكر.

تحياتي.

**dj_bex** · 18-06-2009 04:07 PM

يا جماعه من الاخر عشان توفير للوقت و المجهود روجوا ارابكم إلى عند سيتي استارز واشتروا منه الرينجات الالمونيوم و بيكون عنده مقاسات كتيره .. انا مركبها قي عربيتي و زي الفل الحمد لله بس اخدتها ببلاش لما اشتريت الجنط

**MohamedGafar** · 18-06-2009 04:56 PM

المشاركة الأصلية كتبت بواسطة dj_bex

يا جماعه من الاخر عشان توفير للوقت و المجهود روجوا ارابكم إلى عند سيتي استارز واشتروا منه الرينجات الالمونيوم و بيكون عنده مقاسات كتيره .. انا مركبها قي عربيتي و زي الفل الحمد لله بس اخدتها ببلاش لما اشتريت الجنط

أنا أول مرة أعرف أن أربكوم بيبيعها!!!!!. انا كنت فاكر إنها لازم تتخرط. شكرا جزيلا على إفادتك هي فعلا حتوفر معايا وقت ومجهود.

تحياتي.

**waleed_home** · 27-07-2009 09:51 PM

المشاركة الأصلية كتبت بواسطة mohamedgafar

أنا أول مرة أعرف أن أربكوم بيبيعها!!!!!. انا كنت فاكر إنها لازم تتخرط. شكرا جزيلا على إفادتك هي فعلا حتوفر معايا وقت ومجهود.

تحياتي.

حضرتك عملت ايه فى الرنجات لأن انا عندى نفس المشكلة ومش عارف اشترى ولا اعملها خراطة

**MohamedGafar** · 28-07-2009 12:02 PM

المشاركة الأصلية كتبت بواسطة dj_bex

يا جماعه من الاخر عشان توفير للوقت و المجهود روجوا ارابكم إلى عند سيتي استارز واشتروا منه الرينجات الالمونيوم و بيكون عنده مقاسات كتيره .. انا مركبها قي عربيتي و زي الفل الحمد لله بس اخدتها ببلاش لما اشتريت الجنط

مش عارف إنت جبت منين أنه بيبيعهم؟ رحتللهم وقالولي إن عمرهم ماباعوهم!

الرحمه من الفتاوي والنبي يا جماعة!

تحياتي.

**MohamedGafar** · 28-07-2009 12:10 PM

المشاركة الأصلية كتبت بواسطة waleed_home

حضرتك عملت ايه فى الرنجات لأن انا عندى نفس المشكلة ومش عارف اشترى ولا اعملها خراطة

يا باشمهندس ممكن تقوللنا بيتعمللوا خراطه فين؟

تحياتي.

**ramzi** · 06-12-2009 04:46 PM

الاسباب كثيرة بس منها ضرورة تركيب رنجات ... ممكن يكون الكاوتش فية عالى وواطى .... ممكن يكون الموضوع محتاج ترصيص ...... ممكن يكون فى حاجة فى العفشة
عشان كدة اعتقد ان افضل حل انك تكشف على العفشة والجنوط والكاوتش عند اى حد بتاع ظبط زوايا محترم ... محطة بنزين بميدان الاسماعلية بمصر الجديدة عندهم ناس كويسيين ..
ولازم تركب رنج للجنوط ...عشان دة بردو سبب وجيهه
فى خراط بشارع اسمة السد العالىيمين متفرع من شارع احمد عصمت ببدايتة بعد المقابر 50م تقريبا على الشمال .