الموضوع: سؤال عن قواعد الموتور

اصل الفتيس عندى علية زيت وهو قاللى ان الاويل سيل بتاع الفتيس عاوز يتغير عشان يوقف الزيت
هى مش بتنقط زين لكن الفتيس علية من برة شوية زيت
عشان كدة انا شاكك ان الفتيس يكون الزيت فية قليل
هل دة ممكن يسبب الصوت فى التانى واحيانا الرابع
مع العلم انى لما ادوس الدبريااج على الاخر الصوت مش بيحصل
غير كمان ان الموضوع دة بيحصل اكتر والعربية باردة لكن لما تسخن الموضوع بيقل جدا جدا

كمان سؤال بالمرة
اللى بيغير قواعد الموتور دى ... بتاع عفشة ولا ميكانيكى
وبرضو الاويل سيل بتاع الفتيس مين اللى بيغيرة

لا يا باشا بيعمل خشونة فى النقل أوقات, لأنى لو القواعد مش شيلة الموتور و الفتيس صح, ممكن يحصل تهبيط بسيط فى الموتور أو الفتيس, و بالتالى يخشن معاك النقل, بالنسبة لتغيير القواعد أنا مش عارف موضوع الكاوتش اخشن ديه, انا أعرف ان بيحصل قطع فى الكاوتش و بالتالى تروح مغير القاعدة, و عموما متهيألى ميكانيكى يغيرلك القواعد أحسن, و ان كان العفشجية بيغيروها بردو.

المشاركة الأصلية كتبت بواسطة toola

لا يا باشا بيعمل خشونة فى النقل أوقات, لأنى لو القواعد مش شيلة الموتور و الفتيس صح, ممكن يحصل تهبيط بسيط فى الموتور أو الفتيس, و بالتالى يخشن معاك النقل, بالنسبة لتغيير القواعد أنا مش عارف موضوع الكاوتش اخشن ديه, انا أعرف ان بيحصل قطع فى الكاوتش و بالتالى تروح مغير القاعدة, و عموما متهيألى ميكانيكى يغيرلك القواعد أحسن, و ان كان العفشجية بيغيروها بردو.

دة فعلا بالظبط اللى اتقاللى من بتاع الشكمان
على العموم انا الجمعة ان شاء الله هروح واقوللكم على اخر الاخبار

بسيطة ان شاء الله و ايقى طمنا

الراجل قاللى ان القواعد سليمة
مدام مش مقطوعة تبقى سليمة ... الحمد للة
بس لية مش عارف النقلة التانية عندى صعبة شوية لازم ادوس الدبرياج على الاخر واجيب العصاية للاخر برضو عشان تقبل النقلة والا مش هتعشق ...........جايز تكون القواعد هبطانة شوية لكن مش مقطوعة
الله اعلم
اللى معجبنيش فى الموضوع ان منصور كنت حاسس انة مش عاوز يشتغل فى العربية
يمكن لانى كنت احقر عربية واقفة جنب السفن اللى كانت واقفة عندة .........ربنا يسامحة
اصل صحيح لو كان طلب منى مثلا خمسين جنية كنت قلتلة خليها اربعين....لكن لو طلب الف جنية من اى سفينة بى ام واقفة عندة صاحبها هيقوللة خد الف ليك و100 دخان

ايهاب باشا, الف سلامة على عربيتك, عموما مفيش حد أحسن من حد, كلها عربيات 4 عجلات و بكرة ال m40 تكبر و تبقى e36 لغاية ماتوصل لل e90 ان شاء الله, و فى الأخر انتا بتعمل شغل و بتدفع حقه, و علفيكرا كلو بقى بيفاصل دلوقتى, سواء راكب سيات ولا راكب الرولز رويس.

بص يا باشا حاول تروح لميكانيكى محترم أو لو فيه حد متخصص فتيس, بعد الشر الموضوع ده حصل زمان معايا فى اكسيل, و كانت النتيجة ان الفتيس علق على الاول و طلع حاجة اسمها غويشة الترس, الى اضريط معاها احل الفتيس كلو عشان تتصلح, و من مسباباتها هو عدم كفائة عمل الاسطوانة و الديسك(يا ريت تخلى حد يكشف عليهم بردو)

و ربنا يسترلك طريقك