سؤال الجراند بونتو مانيوال...

**beihoo** · 30-05-2009 04:56 PM

السلام عليكم و رحمة الله و بركاته
بدور على عربية في حدود 90 - 95 ألف و كانت إختياراتي بدأت تنحصر في اليارس المانيوال و النيو سيراتو و طبعا معروف إن الأولى 92 حصان و موتور 1300 سي سي و الثانية 124 حصان و موتور 1600 .. من يومين كده سألت عن الجراند بونتو و لقيت فيها كماليات رائعة (أكثر من السابقتين) بالإضافة لتقيييم عالي فعلا في الأمان .. ما أقلقني الحقيقة هو المساحة الداخلية (بإعتبار إن طول فوق ال 190) و إني رب أسرة + إن الموتور 1400 و بقدرة 77 حصان فقط. الحقيقة من أراء الناس المختلفة وجدت إن الجراند بونتو ستكون أكثر فخامة لكن بالنسبة للأداء و إتساع العربية و جودة التوكيل فلا توجد معلومات واضحة. فيا ريت تنصحوني و تدوني معلزمات أكثر و في النهاية لو كنت مكاني أي العربات الثلاث ستفضل؟ و لكم جزيل الشكر.

**beihoo** · 31-05-2009 03:35 PM

شكرا يا جماعة على الردود دي كلها !!!

يظهر سؤالي غريب.

**Ahmed Selim** · 31-05-2009 03:40 PM

لو عاوز معلومات عن الجراند بونتو بالذات يبقى مفيش قدامك غير أنك تستنى ردود من مٌلاك البونتو

لو أنت بتقارن بين التلاتة يبقى أنا لو مكانك أخد الكيا......
شكل حلو جداً و كمالياتها أعتقد مش قليلة و عربية واسعة جداً من جوة و شنطتها واسعة و توكيلها بيحاول يبقى كويس....و أعتقد هتناسبك أكتر و خصوصاً عشان معاك أسرة.

**firestorme** · 01-06-2009 02:51 AM

من راي الجراند بونتو

**loodaa** · 02-06-2009 12:33 AM

انا أرشح الجراند بونتو انا شايفها كويسة جدا ولا يعيبها الا ان الزجاج الخلفي مش كهربا بس كدة لكن تشيل افراد و تحمل
انا طولي 185 سم و قاعد فيها مستريح . وشكلها تحفه وادائها جميل.
بص انتا روح شوفهم كلهم على الحقيقة واقعد فيهم واللي تستريحله اكتر اشتريه, كمان في موضوعين في القسم عنها اقراهم وشوف برضه الراحة النفسية جيه لمين في العربيات دي لان العربية اللي انتا حاببها هي دي اللي لازم تبقى مقتنع بيها وعشان ما تندمش و تقول ياريت كنت جبت و ما جبتش.

**mido_919** · 02-06-2009 12:47 AM

انا لو مكانك بصراحة هاخد الجراند بونتو عربية ايطالي ومواتير فيات معمرة وكويسة جوه المدينة و5 نجوم امان وعفشة ناعمة ومريحة وشكلها شبابي اوي

**beihoo** · 02-06-2009 01:08 PM

جزاكم الله خيرا يا جماعة .. شكرا جزيلا

**eng_ahesham** · 02-06-2009 04:35 PM

بص يا باشا
انا معايا بونتو كلاسيك وبصراحه العربيه ماشاء الله مجنناني تحفه
وشوفت بقي الجراند بونتو وهم وهم وهم
انا برجحلك جراند بونتو فيات إيطالي 100% كبيره وسريعه وثابته وامنه جدا جدا وشكله ممتاز جدا