الموضوع: إيه مشاكل ال 113

ممتازه والعضه بتاعة الفتيس مظهرتش معايا الا في المارشدير وعالججتها في التوكيل رفعلي الديرياج شويه وبقت تمام

توكيلها كويس في الصيانة
والله دي مسأله نسبيه
بس هو في توكيل كويس في مصر ؟؟؟
اسعار الصيانة فيه
لحد دلوقت انا عامل صيانة الألف ب 280 جنيه
قطع الغيار نظامها إيه
غاليه نسبيا .. بس منتشره .. وبترخص تدريجياً
ثباتها ...
ثابته بشكل كويس جدا لحد 130 (انا اصلا بخاف اجري)
أدائها بالتكييف
التكييف لا يؤثر على سحبها خالص .. بس هو مش قوى أوي .. معرفش ده عيب عندي انا .. ولا كلها كده .. انا ح ابقى اراجع شحنه في صيانة ال5000
كام لتر بنزين ... والاستهلاك قد إيه
في المتوسط الصفيحه بتعمل 220 كيلو
وإيه حكاية الفتيس بيعض دي
المشكله دي كانت عندي على خفيف قوي .. وعملولي تعليه لدواسة الدبرياج .. واختفت تماماً
اعتقد انها كانت مشكله في موديلات 2007 و2008 واتحلت في 2009
وممكن علاجها يكون ازاي
بعض الناس أفتت بضرورة تغيير زيت الفتيس

طب ايه رأيك فى البيكانتو؟

انا شايف ان a113 هى احسن سيارة فى فأتها السعرية و اللترية فى مصر حاليا

و بعدين البيكانتو دى 1100 و اقل سعر فيها 60 الف فاضية اما بقى لو فول اوبشن بتوصل 72الف يبقى ازاى هتقارن

يعم اتوكل على الله
انا بصراحة لسه مشترتش لكن متابع اخبار 113 من اكتر من 3 شهور على النت و فى الشارع وكله بيشكر

انا مكنتش اعرف ان البيكانتو سعرها ممكن يوصل ل 72 الف
طبعا تبقى a113 افضل من ناحيه السعر

المشاركة الأصلية كتبت بواسطة compuland

انا مكنتش اعرف ان البيكانتو سعرها ممكن يوصل ل 72 الف
طبعا تبقى a113 افضل من ناحيه السعر

شوف اللى بيحصل فى الاسبرانزا ده حصل زماااااااااااااان
فى المستوبيشى والتويوتا
حد يسيبل الفيات ويركب يابانى - حد يسيب الاوربى ويركب يابانى
شويه
حد يسيب الاوربى والامركانى واليابانى ويركب كورى ( اول ما الهونداى بونى نزلت وكانت ب 4850 جنيه )
نفس الموضوع فى الاسبرانزا وبعدين دايما اى حاجه جديده بتكون لسه الكوادر متمرنتش عليها
ومع الوقت بيحترفوا فيها يعنى التوكيل سنه 2007 غير دلوقتى
والا ايه رايكم
فيه ناس بطلع عيوب فى الاسبرانزا ومع ذلك كتييييييييييير بيحبوها جدااا

كنت قبل ما اشتري العربية خايف من كل الأسئلة اللي بتتسأل دي ، لكن لما اشتريتها عرفت كويس إن كل واحد بيتكلم من واقع خبرة عربيته بس، يعني اللي ها يقو لك ان الفتيس بيعض اعرف ان ده فيتس عربيته هو ، وموضوع التوكيل ده معروف عن معظم توكيلات مصر
واستهلاك البنزين من شوارعنا اللي كل شوية نقف ونمشي ، لو كانت الشوارع ماشية كويس كا استهلاكنا للبنزين قل جدا
اما التكييف فتقريبا كل اللي بتكلم بيجمع انه مش قوي جدا ، لكن مش بيأثر على السحب وده المهم لآن القوة بتتغير بشحن التكييف ، وده موجود في البيكانتو مثلا