الموضوع: الحقونى يا جماعة فى المرسيدس المعدل

عادى ماتاخدش فى بالك الموضوع ان ماستر الدبرياج العمومى تلاقيه ضرب . حضر واحد علشان هى هاتعملها معاك قريب

بصيت على الباكم لاقيت مافيش فى الاربة زيت مع ان الفرامل كانت شغالة كويس

1-لو الخزنة فيها زيت بص ناقصة(يعنى لغاية العلامة اللى تحت)..يبقى دة عيب ماستر الدبرياج

2-لو الخزنة فاضيه خالص يبقى الماستر العمومى او الماستر اللى فوق الدوسات(طالما 4 عجلات تمام)

المشكلة ان الدبرياج مافيش فايدة يا ترى دا فية هوا ولا حاجة ولا اية الحقونى

ما هو مفيش فايدة الماستر علشان فضى الزيت واخد هوا..بيبقى لية مسمار هوا زى بتاع الفرامل علشان تظبط منة

المشاركة الأصلية كتبت بواسطة original

ممكن يكون تيل الفرامل إتاكل عشان كده الزيت نقص...

بس صعب ان تيل الفرامل يتاكل لدرجة انة ينفص الزيت بحيث يأثر على الدبرياج

بالراحة يا عم
مالك مخضوض كده
أنا والدي عنده خنزيرة معدلة وهي هي نفس المعدلة في كل حاجة ما عدا الشكل الخارجي بس
والحركة دي أنا فاكر عملتها معانا مرة
وبعدها بكام شهر غيرنا طقم جلد الماستر بالكامل عشان كان بيهرب زيت
دي حاجة عادية وما تقلقشي منها
ولكن أنصحك إنك تروح تغير الجلد من دلوقتي عشان ما تعملهاش معاك في الطريق وتلاقي الديبرياج نزل وحالف إنه مش طالع :)
أو مكن تلاقي الفرامل بتهرب معاك، يعني وإنت وافق ما بتتحركشي والعربية دايرة، إضغط على دواسة الفرامل حتلافيها بتنزل معاك واحدة واحدة لحد ما توصل لأخر الدواسة.
والعربية دي رغم إن بقالها معانا أكتر من 30 سنة بس رافضين نغيرها تماما
أصيلة وبنت ناس وعمرها ما عطلت بينا في الطريق
كانت تعطل بس لما نوصل البيت وتدخل الجراج :)
وعليها ثبات على الطريق وقوة فرملة صعب إنك تلاقي زيهم دلوقتي في العربيات الكوري أو الياباني
المهم
إختار ميكانيكي كويس وتابع معاه
هي دي أهم حاجة
والسلام ختام