الموضوع: عيوب صناعة لا يختلف عليها أحد

1- ضعف أداء الفرامل وذلك لعدة أسباب :
الطنابير كل فترة يحصل فيها ريجة ولازم تتخرط حتى مع التيل الأصلي AK و حتضطر في الآخر تجيب طنابير تانية ب 1000 جنيه و حيعدوا مده وبعدين تلاقيهم عايزين يتخرطوا تاني وبعد فترة تلاقهيم عايزين يتغيروا و هكذا
و لو جبت sumitumo ب 400 جنيه مش حيكمل 10 الاف كيلو و برضه حيعمل ريجة
و حاسس العربية بتزحف كتير على ما تقف (على فكرة عندي ABS ) انا اعتقد لو مش ABS كانت حتقف احسن
بيتهيألي التوكيل دلوقتي بيعمل خرط للطنابير لأي عربية عدى عليها أكتر من 20 ألف يعني تقريبا معظم شكوى الناس اللي رايحين التوكيل اما الفرامل بتصفر او التيل خلص او الدريكسيون بيرعش مع الفرامل
أظن ان أسوأ عربية صيني في السوق الطنابير بتاعتها حتكون انضف من كده
2- صوت تكتكة من عندالأبانوس اللي عند الراكب الأمامي
3- فتحة التكييف مصممة لتبريد يد السائق اليسرى وليس وجهه
كان بامكانهم يرفعوا مكان الفتحة اليسرى لفوق شوية زي كل العربيات
4- صوت تكتكة من البلاستيك الخارجي للعدادات مع المطبات
انا حبيت اذكر العيوب دي عشان عيوب مصنعية لا يمكن حلها