استفسار بخصوص التريوس من دبي

**HEMADARKMAN** · 31-05-2009 09:05 AM

السلام عليكم ورحمة الله وبركاته

أولا بشكر أعضاء نايل موتورز علي المعلومات القيمة الي بنكتسبها من المنتدى كل يوم

ثانيا احب اعرفكم بنفسي : مهندس نظم معلومات ابراهيم علي بشتغل في الامارات -دبي

ثالثا انا حابب استفسر منكم يا جماعة عن شراء الديهاتسو تيريوس 2010 وامتي هتكون متاحة في السوق العربي انا مخطط اني اشتريها انشاء الله علي شهر 7 بس مش عارف هل هيكون موديل 2010 نزل ولا لسه كمان مش عارف هل لو جبت ال2009 في التوقيت ده لو حبيت انزلها مصر بعد كده ينفع ولا لا

أرجو الافادة يا جماعة

وشكرا ليكم كل الشكر

**shrafoo** · 31-05-2009 09:29 AM

الاخ العزيز .
انا مقيم فى الكويت واللى اعرفه ان موديل 2010 مش بينزل بدرى قوى كده خاصة انه مش موديل استثنائى او موديل مستحدث ممكن تلاقيى فى شهر 9 أو 10
اذا اشتريت فى شهر 7 موديل 2009 يحق لك تنزيلها مصر وجمركتها لانك هتكون المالك الاول للموديل فى نفس سنه الصنع وده حقك فى الشراء حتى شهر 9 من نفس السنه اللى هتشترى فيها الموديل ورنا يوفقك

**albasha37** · 31-05-2009 11:58 PM

احدثك من دبي بالنسبة للتريوس ال 5 راكب موديل 2009 نازلة من شهرين فقط يبق موديل 210 قدامها لسة مش اقل من عام بالنسبة للجمرك تشتريها في اي وقت وتنزلها عادي طالما انك المالك الأول هي بس بتفرق في حاجة واحدة هو انك اذا اشتريتها قبل شهر 10 يبق هتخفض لك 10 % عن هذا العام ولكن اذا اشتريتها بعد شهر 10 يبق مش هيتم احتساب السنة دي من اعفاء الجمارك وانا اقصد ال 10% من قيمة الجمارك فقط وليس من قيمة ضريبة المبيعات والقيمة سيف يعني كلام فاضي لأن الجمارك 15% يعني في حدود 15 الف جنيه وانا اتكلم على الجمارك فقط وال 15الف جنيه دول ال 10 % بتاعتها هتكون في حدود 1500 جنيه وعلى العموم من خلال تجاربي ومعلوماتي عن الجمارك اي سيارة 1600 بيكون جمركها من مابين 30 و 35 الف جنيه وتحياتي لك

**HEMADARKMAN** · 01-06-2009 11:07 AM

شكرا يا جماعة علي ردودكم جدا

بس أنا عاوز اعرف حاجة ياريت الباشا من دبي يرد عليا فيها

هل موديل 2009 الي نازلة من شهرين بس هي الي موجود في التوكيل بتاعها اليوسف دلوقتي لي فيها ازرار تحكم في الدركسيون وكل المميزات الي شفتها في الكاتلوج ولا دي في موديل 2010

**albasha37** · 09-06-2009 07:03 AM

اسف للتأخير نعم الاضافات هذه اللي في الدركسيون نازلة في موديلات 2009
ايضا التكييف اصبح تاتش واعتقد الكاست بيشغل اصوات الاوديو وليس فقط الام بي تري
على العموم يمكنك التأكد بنفسك من المعرض اللي في المولابلازا وعندك هناك واحد مصري اسمه معتز هيساعدك كتير وممكن تعمل تست درايف وتقودها قبل ماتشتريها ولكن اذا حبيت انك تقودها فيجب عليك الذهاب قبل السادسة مساء
مع تمنياتي بالتوفيق