أرجوكو طمنوني بسرعه

**SAMEH_FOUAD** · 10-06-2009 10:21 PM

اللى بتزود اللزوجه مع الحراره لو المؤشر عدى العلامه الحمراء ......يعنى دخل الرد زون .........يبقى كل سنه وأنت طيب فى المكنه ......وأنا لست من هواه الموضوع ده أساسا ( وأقصى سرعه ممكن أوصل لها 3500 لفه / ق )..........مع الغيار الخامس[/quote]

انا معايا هوندا sir وعايز اقولك انا بس لما بشد بالعربية مابلحقش اشوف الاربى ام والقية فجأة دخل فى الريد زون على طول طبعا مقابل السرعة بتاعة الماتور ,وانا اصلا بطلت الموضوع دة لانى عرفت انة خطر على المحرك جدا انة يدخل فى الريد زون ,بس انا عايز اعرف حاجة هل الماتور لو دخل فى الريد زون ممكن يخلى فية دخان يطلع من الشكمان ولا عادى ,انا بس عايز اعرف النقطة دية ,عشان اصلا انا بطلت اشد بالعربية خالص فى البلد وبجرى بس فى المناطق المفتوحة بسبب موضوع مؤشر الاربى ام دة ,وانا مثلا عندى المكنة دية رياضية بلاقيها كل مثلا 2000 كيلو ناقصة بتاع 3 ملى ,فهل دة عادى وسالت قالولى دة عادى جدا الماتور دة لو شديت علية بس بيحرق زيت وفعلا لانى اصلا كمان بستعمل زيت شل الترا فبلاقية خفيف جدا بعد اى مشوار جرى جامد بالعربية مع ان الزيت لسة جديد كنت جربت الموضوع دة والزيت لسة جديد ,وبردة عشان اتاكد فتحت غطاء المحرك بعد تسخين العربية شوية بتاع مثلا 3 دقايق لحد مامؤشر الحرارة ارتفع شوية مالقيتش اى بخار نهائى الحمد لله.

وعلى فكرة طول مانا ماشى بالراحة بالعربية يعنى الاربى ام بيبقى مثلا اخرة معايا 6 مش بعدى العربية مش بتاكل زيت الحمد لله ,ومعدل البنزين كويس جدا بالنسبة للماتور دة ,فهل كدة فى اى مشاكل فى الماتور من الناحية دية انا بس كنت عايز اطمن واستفاد من حضرتك بردة وشكرا ليك جدا

**samirayad** · 10-06-2009 10:39 PM

أنا طبعا مش عارف ظروف المكنه عندك ....والعربيه موديل كام .....وأنا عندى العربيه عامله 15 ألف وبستعمل موبيل 1 حاليا .......ولزوجته على البارد أاقل من الشيل هيلكس ألترا التخليقى والزيت ثابت عندى على طول والحمد لله ...........بس لو عاوز نصيحة أخوك بلاش من السرعه العاليه للمكنه .............وخللى أقصى عدد لفات 4000 لفه / ق مثلا بكتيره ...........لأنك برضه مش حتعرف تحكم أوقات الغيار الصح (دا لو كانت العربيه مانيوال )..............أما فى الأوتوماتيك فعملية النقل بتتم أوتوماتيك .......وعلشان كده أنا شايف أنك ممكن تزود سرعة المكنه فى الأوتوماتيك أنما فى المانيوال المفروض تريح الغيارات للحفاظ على المكنه والدبرياش ..........وخللى بالك ....مش موضوع خبرتى ولا حاجه ........والموضوع مجرد قناعه مش أكتر (وفعلا أنا مقتنع بالكلام ده ) لأن فى النقل المانيوال .....أحنا بنغير ونديها بالبركه وصعب أوى نحدد وقت النقل الصح (علشان كده الواحد بيحاول بأستمرار عدم القرص على المكنه .....وحتلاقى آراء مختلفه كتير ....بس ده رأيى وأنا مقتنع بيه فعلا ) ......أما الأوتوماتيك محسوب فيه كل حاجه من ناحية وقت الغيار بالذات

**SAMEH_FOUAD** · 11-06-2009 01:55 AM

بس بردة ياباشا انت مردتش على اسئلتى ممكن بس بعد اذنك تراجع اخر استفسار وتجاوبنى علية والعربية عندى مانيوال واحسن نقل ليهل فى الغيار والاربى ام على 5 لحد كدة بتبقى العربية ناعمة بعد كدة بيبدأ صوت الماتور يعلى ,والريد زون عندى بيبتدى من 8 الاف لفة ,واقصى عدد لفات 9500

**samirayad** · 11-06-2009 02:13 AM

أنا طبعا بأعتذر عن الأجابه على هذا السؤال ............أعتمادا على الحكمه القائله ......................من قال لا أعلم فقد أفتى.....!!!! وأرجو من الله أن نجد من الزملاء من يجيبك على تساؤلك ......شكرا لك يا أخى على ثقتك الغاليه ......ولكننى تعودت دائما أن لا أتحدث فى شىء لم أقف عليه بالأطلاع النظرى .....أو أجربه عمليا