الصح الثرموثتات ياباشا .....وفره فى البنزين - سحب جيد - الحفاظ على أجزاء لمحرك - سرعة فترة التسخين
عرض للطباعة
الصح الثرموثتات ياباشا .....وفره فى البنزين - سحب جيد - الحفاظ على أجزاء لمحرك - سرعة فترة التسخين
يابشمهندس سمير انا العربية عند بظبط تمشي ربع ساعة ولاقيها سخنت والحراره 85 صبح وبليل على الرغم اني في مروحه كرنك وكمان بحس الهوا سخن من الهوايات فمش عارف اعمل ايه تاني بالرغم اني مغير طرمبة المية (ايطالي) واسبراتير جديد وصيانة كاملة للكربرتير وعلبة شكمان خلفية جديده وكل مسأل الدكاتره يقولولي عادي يابية على فكرة العربية مكنتش بتسخن بالسرعة دي والحراره كانت مابين 70 ال 75 بالكتير .
اسف على الاطالة
شكرا
ياريت تطمن أولا على كفاءة دورة التبريد وآداء الثرموثتات ونطافة الردياتير من الداخل والخارج .........بنفس الأساوب الذى أتبعه أخونا الفاضل : الأستاذ : مجدى ..............صاحب الموضوع الحالى .......قبل الدخول فى توقعات تانيه .........وطمنا على دورة التبريد من الألف للياء أولا ( كفاءة الردياتير- كفاءة الثرموثتات - محاولة غسيل دورة التبريد من جوه المكنه - مراجعة جميع الخراطيم وحالتها - مراجعة جميع أربطة القفزان وهكذا )
استاذنا مهندس سمير الحمد لله الحرارة بقت معقولة الان بس بلاحظ برضه ان مروحه الردياتير بتشتغل بدرى عن ميعادها (ساعه الريداتير بتشغلها على ال 90) يعنى قبل مؤشر الحرارة ما يوصل عندى على ال 90 بدرجات متفاوته( شوية قبل 90 بشوية و شوية مابين 50 و 90 )
و برضه عاوز اسئلك بالنسبة للشكمان فيه انواع شكمان انا محتار بينها
نوعين دول متصنعين فى الورش الاول متصنع فى ورشه عاديه ويعمل 150 و التانى متصنع فى ورشة بتبيع وتركب شكمانات ابو اليزيد والراجل بيقول لى شكمان الورشة عنده افضل وقال انه ب 400
و شكمان ابو اليزيد ب 450 عنده
فهل الشكمان بيفرق فى عربية زى عربيتى لانى خايف اركب الكويس ابو 450 وبعد كده مش استفاد باى خواص يقدمها الشكمان كمن ماتورى قديم
ولا بتفرق فى عمر الشكمان ويعمر قد ايه فى العربية وبس
كنت بموضوع قبل كده فى المنتدى هنا بنفس المعنى ومنه اتعرفت على انواع الشكمانات دى ده غير الانواع المستورده زى واكر
فمش عارف انهى افضل للعربية وانهى هيمثل ليها افضل اختيار ( بدور على الاعتمادية وانى اركبه وانساه)
ألف مبروك يا أخىاقتباس:
استاذنا مهندس سمير الحمد لله الحرارة بقت معقولة الان
لا كده المفروض تغير ساعة الردياتير يامجدى باشا .......على الأقل علشان نضمن أن الميه سخنه كويس فى المكنه قبل المروحه ماتشتغل ( وكفايه أن ترموثتات المكنه منشال ....مش حتبقى من الجنبين )اقتباس:
بس بلاحظ برضه ان مروحه الردياتير بتشتغل بدرى عن ميعادها (ساعه الريداتير بتشغلها على ال 90) يعنى قبل مؤشر الحرارة ما يوصل عندى على ال 90 بدرجات متفاوته( شوية قبل 90 بشوية و شوية مابين 50 و 90 )
خليك مع شكمان أبو اليزيد ....الكل بيشكر فيه .....دا غير أنه نازل فى العربيات الجديده ( زى الدايو منثلا )......وبعدين الفرق لايذكر .......50 جنيه .......فخلينا مع اللى نعرفه أفضل....وبعدين أبو 150 البلدى ده مش حيعمر معاك دا غير كل شويه بتاع شكمانات وغيره ....ربنا يكفينا شرهماقتباس:
و شكمان ابو اليزيد ب 450 عنده