سرعه ارتفاع حرارة الموتور ولمبه الزيت بتنور

**michohat** · 01-06-2009 12:25 PM

السلام عليكم ورحمه الله وبركاته
لاحظت الايام دى ظاهرة ارتفاع درجه حرارة موتور السيارة بسرعه يعنى لو مشيت مشوار 10 دقايق ربع ساعه نهار او ليل الحرارة تدخل على ال 90 ولمبه الزيت تنور وتطفئ ( الزيت على علامه Max)
الحاله العامه للسيارة كالتالى:
الماتور خفيف شوية و خرطوم الفايظ بيطلع دخان على خفيف و مستوى الزيت بينقص ( شاكك فى غطا الزيت يكون بيسرب ) واخر مره غيرت زيت كان باستخدام الشفاط و طلع ناقص لتر زيت وكنت عامل 1200 كيلو و الميكانيكى بيقول عاوز اغير له طقم شنبر ومافيش دخان من الشكمان
الريدايتير الدورة ماشية كويس وكل لما تنقص الميه بزودها و كنت فكيته ونظفته السنه اللى فاتت
الشكمان الماسورة اللى بعد المشترك فيها مناطق دايبه ومحتاجه تتغير

هل ارتفاع الحرارة علامه بضرورة تغيير طقم الشنبر
ولا ده من اعراضة

**lada2010** · 01-06-2009 01:05 PM

طيب ما تعمل الحاجات دى وبعد كدا اسال

**Ashraf_Ashraf** · 01-06-2009 04:04 PM

بص يامان لمبه الزيت بتنور لى حاله من الاتنين لو طلمبه الزيت فيها مشكله ومش شغاله بكفاءه او ان ماكنه الزيت بايظه ودى بيعرفها الميكانيكى لو رحت ليه السخونه اكيد عندك مشكله فى دوره التبريد وخصوصا ان موتوك خفيف زى مابتقول فاى تقصير او مشكله فى التبريد هتظهر فورا

**michohat** · 01-06-2009 05:07 PM

هوا فيه طلمبه زيت وماكينه زيت؟
اعرف ان الطلمبه موجوده فى اسفل مكان فى الماتور ف فين الاقى ماكنه الزيت

**samirayad** · 01-06-2009 05:13 PM

لاحظت الايام دى ظاهرة ارتفاع درجه حرارة موتور السيارة بسرعه يعنى لو مشيت مشوار 10 دقايق ربع ساعه نهار او ليل الحرارة تدخل على ال 90

فى الغالب الثرموثتات بتاع المكنه بيعلق ...........ولما الحراره بتعلى لزوجة الزيت بتخف (دا لو كنت بتستعمل زيت أحادى اللزوجه )......ولما الزيت لزوجته بتخف ......ضغط طلمبة الزيت بيقل وبالتالى لمبة الزيت بتنور.............

**michohat** · 01-06-2009 05:26 PM

بستخدم زيت اسو اللى فى العبوة الرصاصى وبغيرة على 1000 او 1500 بكتيرة
ولو قصدك على ثرموستات الردياتير اظن انه شغال لان المروحه بتشتغل (عامل ليها لمبه بتنور لما تشتغل) قبل ما الحرارة تيجى 90

**samirayad** · 01-06-2009 05:33 PM

لا ثرموثتات الردياتير ده حاجه تانيه ( بيقولوا عليه ساعة الردياتير ........لما الحراره بتصل لدرجه معينه بيلقط المروحه )...........أما ما أقصده فهو ترموثتات محرك المكنه ( بيكون موجود على مخرج المياه من رأس السلندر بجانب أول الخرطوم العلوى اللى رايح للردياتير من خرج المكنه )
................شوف مكانه فين على المكنه ............هو ده اللى أقصده ....لما بيعلق وميفتحش ....مابيخليش الميه تروح للردياتير

**michohat** · 01-06-2009 05:46 PM

http://www.postimage.org/image.php?v=Pq1nocI9
الموجود عندى فى المكان اللى رقم 6 بيشير عليه حاجه زى الكوع او المشترك كده

**samirayad** · 01-06-2009 07:19 PM

هو هو يا باشا ................

الموضوع: سرعه ارتفاع حرارة الموتور ولمبه الزيت بتنور

LinkBack

أدوات الموضوع

عرض

المواضيع المتشابهه

الحقونى عربيتى شيرى a11 ولمبه الموتور منوره علطول

لمبة الزيت مش بتنور لما الزيت بينقص - ابيزا 98

خنقه ضعيفة ولمبه التشك بتنور

ارتفاع صوت الموتور بعد تغير الزيت

حرارة الموتور الخارجية (حرارة عالية خارجة من الكبوت).........

الكلمات الدلالية لهذا الموضوع

المفضلات

المفضلات

ضوابط المشاركة