الف شكر يا باشا على الموضوع الجميل ده
عرض للطباعة
الف شكر يا باشا على الموضوع الجميل ده
ممكن يا باشا تقولنا دفعت ضريبه ورسوم وتامين كام
وكمان ما جبتش سيره المثلت وشنطه الاسعافات
ناخدهم فى اى مرحله
وشكرا تانى على موضوعك
الف شكر على المعلومة المفيدة جدااااااااا
العفو يا استاذ وائل
انا عربيتى لانسر 1300 موديل 2008
دفعت 185 جنيه تأمين 3 سنين ( وثاق للتأمين التكافلى )
ودفعت 470 جنيه ضريبه سنتين بس ترخيص لان الرخصه الاصليه كان فيها سنه وانا كملت عليها
بصراحه تقسيمه ال 470 جنيه مش عارف عباره عن ايه بس هو منهم 100 جنيه رسوم تامين على اللوحات الجديده علشان انا مسلم اللوحات القديمه سليمه
لو مش معاك اللوحات ( ضاعت او ترخيص لاول مره ) بتدفع رسم تأمين على اللوحات الجديده 140 جنيه
انا مرور عبود والمثلث والشنطه المفروض بتستلمهم بعد ما تعلق نمر تصور الرخصه صوره وتخش تمضى جوا فى مكتب مدير الوحده انك استلمتهم وبيسلمهم لك وانت واقف
للاسف بقالى 3 ايام بروح المرور الصبح وانا رايح شغلى يقولولى مفيش شنط ولا مثلثات خلصت
واخر مره امين الشرطه قالى خلاص يا بيه مبقاش فى تسليم شنط ببلاش :(
موضوع رائع وتسلم ايدك ع التفاصيل اللي توّفر ع الواحد بهدله كتيييير
بالرغم من انه كده كده في بهدله :)
سؤالي ليك:
لو والدي هاينقلي العربية باسمي هل ينطبق عليّ نفس الكلام ده؟ تغيير لوحات وكل الحاجات دي ؟؟؟
وشكرا مقدما ع الافادة
الله يكرمك يا سامح
بص طبعا عندك فى بنى سويف مفيش لوحات جديده كدا يبقى هتنقل على نفس اللوحه بتاعت العربيه
يعنى هو نفس الاجراءات بس مش هتاخد معاك اللوحه تسلمها للشباك
( اسأل تانى برده لحسن يكون الايام دى فى نقل الملكيه يغيرو اللوحات )
يعنى قبل ما تدخل اسأل موظف نقل الملكيه من جنب الطابور قوله هنقل ملكيه اجيب معاى النمر فى الملف وشوف هيقولك ايه
طبعا لو والدك عملك توكيل بيع للنفس والغير هيقعد فى البيت وانت تخلص كل حاجه بدون ما تحتاجه معاك
ممكن حضرتك توضحلي كيفيه عمل توكيل ادارة و فائدته
اسف جدا على التأخير فى الرد فعلا مخدتش بالى من سؤالك
التوكيل نفس خطوات العقد
يكون معاك عقد العربيه وصوره منه لو كنت لسه منقلتش ملكيه ولو نقلت والتوكيل هيكون باسم المالك اللى على الرخصه يبقى هيكون صوره الرخصه
طبعا + صوره بطاقتك وبطاقه المالك
هتدخل للموظف اللى معاه النماذج قوله عايز توكيل اداره
هيديك توكيل عادى وهيشطب عليه من فوق ويكتب اداره وقياده
هتملاه وتروح بيه للموظف يسجله ويبعتك تقدر الرسوم وبعدين تدفع وترجعله تانى
هيخلص باقى التسجيل وتروح بيه تختمه من المدير وترجع برده توريهوله تانى تتاكد انه مش ناقص اختام
فايدته بقا انك ممكن تخلص اى ورق او اى اجراءات للعربيه فى اى جهه حكوميه طالما انت معاك التوكيل ده بدون الاحتياج لصاحب العربيه الاصلى
وكمان تقدر تسوق بيه العربيه وتدخل بيه على اى لجنه بدون الحاجه لاى توكيل تانى طالما معاك رخصه العربيه
جزاك الله خيرا على الموضوع المفيد جدا
عندي سؤال ..
في حالة نقل الملكية من مرور إلى مرور هل بحتاج من المرور القديم شهادة بيانات وشهادة مخالفات للشهر العقاري .. ومرة تانية شهادة بيانات وشهادة مخالفات للمرور الجديد ؟؟!
لأن حضرتك لم تذكر المطلوب من المرور القديم قبل التوجه للشهر العقاري