سؤال ثاني
الرخصة في حالة الشهر السماح بمعنى ان تاريخها انتهى منذ ايام
هل تعتبر في هذه الحالة سارية ام لاغية ؟
عرض للطباعة
سؤال ثاني
الرخصة في حالة الشهر السماح بمعنى ان تاريخها انتهى منذ ايام
هل تعتبر في هذه الحالة سارية ام لاغية ؟
شكرا ياباشا على هذا الشرح الوافى
انا عربيتى اكسيل 1300 موديل 97 ملاكى القاهرة مرور الوايلى وكنت عايز أرخصها تبع الجيزة أعمل ايه بالظبط ؟؟؟
وممكن تتكلف كام لو هرخص سنة؟؟؟
وكنت عايز اعرف هوة انا ممكن اروح أى شهر عقارى حتى لو كان من خارج القاهرة فى الفيوم مثلا؟؟؟
وجزاك الله خيرا
جزانا الله واياك خيرا ويارب تكون استفدت من الموضوع
بخصوص السؤال الشهر العقارى بيطلب بس كل التوكيلات السابقه ومعاها رخصه العربيه للأطلاع وبياخد منهم صوره لو مفيش رخصه يبقى طبعا لازم شهاده بيانات علشان تغنى عنها والشهر العقارى مش بيحتاج شهاده مخالفات ولا حتى بيطلع عليها لانها مش من اختصاصه
السؤال الثانى : فى حاله السماح بصراحه معنديش فكره هل لازم شهاده بيانات ولا لا لكن علشان متضيعش وقت طلع شهاده بيانات علشان الرخصه فى الحاله دى تعتبر منتهيه ولا يعمل بها الشهر ده مجرد سماح ليك انك تمشى بيها لحين تعديل اى مشكله فى تجديد الترخيص او الفحص
العفو يا باشا
علشان تنقلها جيزه لازم يكون محل اقامتك فى البطاقه او جواز السفر يتبع المرور اللى عايز تنقل له وبعدين هتلاقى كل التفاصيل بتاعت نقل الملكيه فى الموضوع هنا
تترخص بكام للاسف معنديش فكره بس هو فى المرور هيقدر لك التكلفه قبل الدفع
واجراءات النقل بتتم فعلا فى اى شهر عقارى من اسوان للأسكندريه مش لازم تبع المحافظه اللى انت منها
دلوقتى العربيه انا شاريها ملاكى أسوان وأنا من القاهره
هل هحتاج أروح المرور فى أسوان - ولا ممكن أخلص كل حاجه من هنا
ولو هروح يبقى هروح ليه
الموضوع جميل بس كل كلامك على اساس ان نقل الملكيه هيتم فى نفس المرور
ممكن تفيدنى فى الموضوع دا "نقل الملكيه من محافظه لمحافظه
وشكرا مقدما على التعاون
جزاك الله خيرا أخ احمد نوح
وفعلا استفدت جدا من الموضوع وساعدني كتير في انجاز المأمورية
رحت المرور الاصلي في المعادي ومنه لمكتب الشهر العقاري في الحي العاشر مدينة نصر ومنه لمرور مدينة نصر في رابعة.. وكنت واخد الرخصة ومركب النمر الجديدة .. كل دا في خلال 5 ساعات فقط الحمدلله.. - بدأت التحرك الساعة السابعة - :)
فعلا البركة في البكور.. قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "اللَّهُمَّ بَارِكْ لِأُمَّتِي فِي بُكُورِهَا".
واكتر حاجة نفعتني من كلامك الاهتمام بتصوير كل الأوراق ووضعها في ظرف ... وفرت عليا وقت كتير فعلا... :ask:
شفت ناس بترجع من على الشباك علشان صورة بطاقة او رخصة او توكيل...!! -حاجة صعبة بعد الطابور دا -
وبرضه اقول اللي حصل للافادة..
طلعت شهادتين بيانات من المرور القديم للشهر العقاري وللمرور
لان شهادة البيانات بتكون ضرورية في حالة النقل من وحدة مرور لوحدة مرور تانية..
وكمان شهادة مخالفات..
ورحت الشهر العقاري .. بياخدوا شهادة البيانات - لأن الرخصة منتهية - وصور التوكيل والبطاقة..
وبالمناسبة رسوم نقل ملكية سيراتو 1600 مو 2006 مبلغ 1220 جنيه
جزاك الله خيرا
سأنقل سيارتي من مرور القليوبيه الي الغربيه بعد شهر اي في 9 /2009
و تاريخ الفحص للسيارة هو 9 / 2010
هل يحتاج نقل الملكية الي اجراء عملية فحص للسيارة
لم يذكر احد هذه النقطه
استفسار اخر :
سأضطر لنقل سيارتي من مرور القليوبيه الي الغربيه الان وقبل شهر من انتهاء الرخصة الفعلي لظروف سفري
هل استطيع تجديد سنه اخري مع نقل الملكيه ام سيسلموني الرخصة الجديدة وبها الشهر المتبقي وسأضطر للذهاب مره اخري للتجديد
علما بان السيارة عليها فحص دوري العام القادم
لو الرخصه ساريه مش محتاج مرور اسوان غير بس فى انك تعمل شهاده مخالفات للعربيه ومن بعد ما تخلصها بتكون ساريه لمده شهر تخلص فيها كل الاجراءات من القاهره ومش محتاج من اسوان اى حاجه تانى
لو الرخصه منتهيه يبقى محتاج تطلع كمان من مرور اسوان شهادتين بيانات للشهر العقارى والمرور فى القاهره
مبارك عليك العربيه والف مبروك النمر الجديده ربنا يبارك لك فيها ويكفيك شرها ان شاء الله
انا سعيد جدا ان نصيحتى كانت مفيده فى المشوار ده والحمد لله ان الموضوع خلص معاك بدون مشاكل
جزانا الله واياك كل خير يا استاذ احمد وشكرا على مشاركتك
الفحص لابد منه فى نقل الملكيه تحت اى ظروف
وانت بتشترى ورق نقل الملكيه قول للموظف عايز نقل ملكيه لمده سنه هيديك ورق نقل الملكيه معاه استماره تجديد ترخيص لمده سنه وتابع باقى الخطوات اللى انا قولت عليها فوق من عمل تأمين اجبارى للسنه الجديده وخلافه وبتقدم الاستماره جوا ملف نقل الملكيه وبتدفع الرسوم وبيزود لك الموظف سنه من تاريخ انتهاء الرخصه فى الرخصه الجديده
خلى بالك وانت بتعمل التامين الاجبارى قول لموظف التأمين عايز تأمين سنه من تاريخ انتهاء الرخصه دى
هيعمل عبيط ويقولك لا الشهر ده كدا خلاص راح واعمل وثيقه تامين من دلوقتى قوله ملكش دعوه انا عايزها من تاريخ انتهاء الرخصه
كدا انت هتستفاد بالشهر اللى لسه فى الرخصه وهيتضاف للمده الجديده