رابطة الجيتزاويه

**drkmf** · 06-08-2009 07:11 PM

لو حديعرف مكان يبيع اكسسواراتها اكون شاكر

**voiky** · 07-08-2009 06:55 AM

الباور فعلا تقيل سنه عن الماتريكس مثلا او الفيرنا
وده عشان العربيه خفيفه عالطريق وسريعه جدا فلازم كانو يعملو الباور اتقل شويه عشان يكون مناسب للعربيه فى الرسعات العاليه
وممكن تخليه اخف شويه بانك تملا العجل كله نيتروجين وتظبط الضغط على 32
هتلاقى الباور خف
والى كان بيشتكى من نشوفيه العفشه لو حط نيتروجين وظبط ضغط هتبقى العربيه انعم
وياريت اكون فيدت اللى سال ومتابع

**drkmf** · 07-08-2009 09:46 AM

متشكرين يا فويكي حعمل الكلام ده واقولك

**heshaaam** · 11-08-2009 01:51 AM

العربية دى مش عارف بناتى اوى احنا عندنا ثلاث عربيات ف الشارع ثلاثة منهم بتوع بنات وبرده لون اتنين منهم كحلى
بس فعلا عربية حلو واحسن عربية هاتشباك لغاية سعر التيدا

**A.Lotfy** · 17-09-2009 11:22 AM

المشاركة الأصلية كتبت بواسطة drkmf

انا استلمت جيتز 2010
بالنسبة للفروق عن الموديلات اللي قبلها مافيش اي فرق سوى تاريخ التصنيع التوكيل قلي كده وكمان المعرض اللي اشتريت منه
انا حركب لها شوية اكسسوارات واجيب صورها
انا بقى عندي سؤال باعتباري جيتزاوي جديد : هو الباور بتاعها ثقيل سنة ولا ايه وهل ممكن ينعم ؟

ألف مبروك وربنا يرزقك خيرها ويكفيك شرها

انا كلمت غبور النهاردة قالولي استلام جيتز 2010 في النص التاني من شهر 10 .. طيب انت جبتها منين علشان انا مستعجل وعايز اجيب عربية في اقرب وقت وكنت حاجز تيجو 1600 وبرضه متأخرة وبدأت الجيتز تلعب في دماغي هتوفرلي حوالي 7000 جنيه والناس بتشكر فيها

أرجو افادتي بالمعرض ولو أمكن رقم تليفونه

**gogo811** · 18-09-2009 02:53 AM

السلام عليكم ياجيتزويه وسلامى الى مشمشه انا حجزت 2010 ومحتار بين الاحمر والفيرانى اللون يعنى ولكم جزيل الشكر

**meshmeshahanem** · 18-09-2009 11:40 AM

المشاركة الأصلية كتبت بواسطة amah_totala

ألف مبروك وربنا يرزقك خيرها ويكفيك شرها

انا كلمت غبور النهاردة قالولي استلام جيتز 2010 في النص التاني من شهر 10 .. طيب انت جبتها منين علشان انا مستعجل وعايز اجيب عربية في اقرب وقت وكنت حاجز تيجو 1600 وبرضه متأخرة وبدأت الجيتز تلعب في دماغي هتوفرلي حوالي 7000 جنيه والناس بتشكر فيها

أرجو افادتي بالمعرض ولو أمكن رقم تليفونه

انت ممكن تسأل في ابو غالي او اتو ماجد
وانا رأيي ان الجيتز احسن من التيجو بمراحل ومعلش هو مفيش وجه مقارنه بينهم اصلا

**meshmeshahanem** · 18-09-2009 11:50 AM

المشاركة الأصلية كتبت بواسطة gogo811

السلام عليكم ياجيتزويه وسلامى الى مشمشه انا حجزت 2010 ومحتار بين الاحمر والفيرانى اللون يعنى ولكم جزيل الشكر

وعليكم السلام ورحمه الله وبركاته

مبرووك عليك مقدما الجيتز ويارب يديك خيرها ويبعد عنك شرها
بالنسبه للألوان انا كنت معجبه بالاحمر جداااا وكنت حاجزه العربيه احمر بس شاءت الظروف اني اجبها كحلي
ومكنتش شوفت الفيراني فالجيتز بس لما شوفته فعلا عاجبني جداا ويمكن في رأيي انوا من احسن الالوان اللي فالجيتز
بص الاحمر حلو بس منتشر جدا وملفت جدا وبياخد العين اول لما بتشوفوا وربنا يكفيك ويكفينا شر العين
الفيراني رائع جداااا وشييك جدا ومش ملفت
فأنا رأيي الفيراني

**gogo811** · 20-09-2009 05:24 AM

والله انا مقتنع باالفيرانى وانتى زودتى اقتناعى بيه فلكى جزيل الشكر على الرد الجميل وباذن الله حجيبها فيرانى ومره اخرى لكى جزيل الشكر

**gogo811** · 20-09-2009 05:32 AM

تصورى يامشمشه انتى اللى خلتينى احجز الجيتز انا كنت ديهاتسو سورانو لكن من كلامك على الجيتز لما دخلت رابطه الجيتزاويه سجلت فى الموقع وابتديت اقرا ماكتبتى عنها شعرت باان وصفها الذى توصفينه لهذه السياره عن حب معنى ذلك ان السياره دى ممتازه فعلا مره اخرى لكى جزيل الشكر وحجيبها فيرانى باذن الله