الموضوع: تم بحمد الله اصلاح العفشة

نسيت اقولوكو حاجة انا لما كنت بصلح مع محسن كان المصنعية الطبيعية لأي حاجة 150 جنية انا شايف ان المصنعية بتاعت صابر معقولة محسن لما ظبط عندو زمان العفشة فعلا كان اخد 250 فا انتو اية رأيكو

انا شايف ان المصنعية كدة كويسة جدا مقابل الشغل اللى اتعمل...ربنا يكرمك و يباركلك فيها ان شاء الله.
ليا سؤال بس.هو صابر بيشتغل فى اوبل بس ولا اى عربية و يا ريت عنوانة بالتفصيل عشان انا ساكن قريب منه فممكن اعدى علية فى اى يوم.

مبروك ياباشا ربنا يباركلك بيها انا شايف الاسعار مش كتيره حلوه اوي

الف شكر ليكو يا رجالة و ربنا يباركلوكو بص يا MOMohsen انت تدخل الشارع بتاع رابعة العدوية اللي هوا الطيران و تدخل اول شارع يمين و تفضل ماشي قدامك شوية كدة هتلاقية قدامك علي اليمين هوا جراج كدة كبير و ماشاء الله فيه عربيات كتير و انا انهاردة شوفت عندو عربية ماتركس و عربية لانوس و واحدة نوبيرا بيتهيقلي بيشتغل في كولو و ربنا معاك ان شاء الله

مبروك ياباشا الف مبروك عقبالى لانى داخل فى عملية تغير نظام الفرامل القبقيب ال1600 الى نظام السكينة وانا كلمتة على الاسعار بذات عشان يكسب المنتدة وانا كلمت احمد علاوى وهو بيتصل بالادارة عشان ناخد منة خصم اكتر وبردة انا زعلان اوى كدة متجيش تشرب شاى ولا حاجة سقعة انت لما كلمتنى انا كنت عندى امتحان بعديها بيوم معلش ياباشا معرفناش نعمل معاك الواجب بس ملحوقة هزعل لو جيت تانى ومجتش تشرب معاة شاى صعيدى على كيف كيوفك امشى بقا ولا حد ادك ربنا يحفظلك عليها هى لونها نبيتى ولا احمر 94

ربنا يخليك يا باشا دانت الواجب والله وصل منك يا تامر باشا و ولا يهمك ان شاء الله اجي و اقعد معاك انت راجل تمام يا باشا و معرفتك تشرفني و ربنا يكرمك و نظام الفرامل يمشي تمام معاك ان شاء الله و لو عوزت يا باشا اي مشاوير او حاجة انا معاك لو و انت بتظبط العربية ياعني احتجت حاجة كلمني و انا معاك

و يا طناني باشا شداد الاستبلايزر دا حاجة كدة في اخر الميزان اللي بتمسك في المقص و البتاع دا علشان متفهمش فيبر ولا كوتش بس حاجة بتبوظ علي طول انا غيرتو كتير قبل كدة للحد ما ركبت اللي علي البيض دا المهم دا لما يتقطع يخلي الطرف بتاع الميزان اللي اتقطع من ناحيتو مش ماسك في حاجة فا تحس بتعويم في الدريكسيون مع طقطقة و انت بتلف و طبعا مقولكش بقا علي اصوات التزييق علشان اكيد بيحك في حاجات طرف الميزان و مش ممسوك فا كانت ليلة فل و ربنا ميوريهاش لحد :d
و تاني متشكرين يا رجالة الواحد بجد حاسس انو مش لوحدة في المأساة بتاعة الاوبل دية