أنا خايفة من العربية دي !!!!!
بجد خير اللهم أجعله خير
عربيتي ... مش طبيعية
إللي بيحصل ده مش طبيعي
يوميا على الله حاجة جديدة
أنا حسة وكإن حد بيلعب فيها عن عمد
بفكر اعين عليها حراسة خاصة
سيبكو من الموتور .. خفيف مش خفيف .. صوته .. ممكن عشان بحط 80 الخ
امشي اسمع صوت جاي من العجلة اليمين ورا ... يقولو فلانشة
أمشي ... اسمع صوت جاي من العجلة الشمال ورا ... يقولو عوجة بسيطة في العفشة
تتظبط ... أمشي أسمع صوت صفارة غريبة ملهاش علاقة بالفرامل ولا بالموتور ...
أشيك على العجل .. ينام ... نخلع العجل ونكشف منلاقيش حاجة
وأخيرا .. وأخيرا .. وأخيرا ... ودي بقا جديدة
نزلت أجيب حاجات من ساعتين ... ألاقي الدركسيون ناعم زي الباور
خوفت ... ده معناه إيه ....قعدت اقنع نفسي إنه بيتهيألي ... بس لا .. ده بقا باور خالص
إيه .. حيتخلع ... طب ده ممكن يخاللي العربية تعمل حادثة لو فقدت التحكم
الفرامل ... لسة مركبة ماستر ... حسيتها هربانة ... بس ده ممكن عشان قلقت من الدركسيون ... ففقدت التركيز ... أنا خايفة من العربية ..
أنا مش عايزة العربية دي
انا حسة إنها مظبوطة 100100
بس بتعمل معايا كدة قصد
العربية دي مش طبيعية
ولاول مرة مش حنناديها باسمها
دي بقت إللي متتسماش
:T_thum1[1]: