عيــوب ومزايا البونتو 2000: 2003

**BETHOVEN101** · 16-04-2010 11:00 PM

سؤال مهم أوي يا جماعة لو سمحتو انا اول مره اشترك معاكو
هي البونتو فعلا 63 حصان؟؟؟
و لو فعلا 63 حصان ده مش يبقي ضعيف علي العربية
يعني انا معايا c3 و 80 حصان و هي 1190 cc تقريباً
يبقي لما تبقي 1300 تقل ولا تزيد؟؟؟

أرجو الرد بسرعه لان في عربيه بونتو ادامي و عاوز اعرف الرد عشان اقرر

**Bittersweet** · 05-09-2010 10:08 AM

صباح الفل,
الموضوع جميل وشكلك عايش مع العربية دى بس انا عايز افهم حاجة العربية معايا شوية بتبقى بتجرى اكتر من منا عايز وساعات تبقى تقيلة مووت و احس انى بدوس على الدواسة بتاعت البنزين بزيادة علشان تمشى. هل ممكن تكون الفرامل بتقفش؟ ولى فيها صرر ورمان بلى فية مشكلة؟ يا ترى الكلام دة تهيات ولى اية. شكرا

**Bittersweet** · 05-09-2010 10:14 AM

صباح الفل,
الموضوع جميل وشكلك عايش مع العربية دىز بس انا عايز افهم حاجة العربية ماعايا شوبية بتبقى بتجرى اكتير من منا عايز وساعات تبقى تقيلة مووت و احس انى بدوس على الدواسة بتاعت البنزين بزيادة علشان تمشى. هل ممكن تكون الفرامل بتقفش؟ ولى فيها صرر ورمان بلى فية مشكلة؟ يا ترى الكلام دة تهيات ولى اية. شكرا

**Moe86** · 05-09-2010 10:35 AM

الكلام دة بيحصل معايا و مش لاقيله تفسير

**mmffor** · 05-09-2010 11:43 AM

المشاركة الأصلية كتبت بواسطة tutankhamoun

مميزات العربية :
توفير بنزين رهيب .
شكل حلو .
صالون مساحته معقولة .
قطع غيار متوفرة و أغلبها رخيص جدا . ( تيل فرامل أمامي تركي مثلا 60 جنيه ...تايواني 30 جنيه ...... أيطالي باين 150 جنيه )
فوانيس أيطالي ..... بالموتور ......900 جنيه
تايواني من غير موتور تقريبا ب 275 جنيه ...... تركي 300 جنيه ...
اسطوانة الدبرياج و البلية ...... 450 جنيه و ألماني ...
سير كتينة 60 جنيه أنجليزي الصناعة .و فيه أيطالي و ألماني و تركي و تايواني .
أغلى حاجة هي وحدة التحكم ......... ثمنه بيعدي 1500 جنيه جديدة
فيه منها أستيراد . بيعمل 500 جنيه بس لازم تتطابق مع رقم الوحدة القديمة و دي صعب تحقيقها .

العيوب .
دورة التبريد حساسة للهواء ( لا يمكن تزويد الهوا و العربية سخنة أبدا أبدا أبدا ) الحالة الوحيدة التي تقوم فيها بتزويد الهواء و هي باردة تماما تماما تماما تماما ...... و إلا الدورة هاتأخد هوا و تبدأ تسخن منك ......... و هاتحتاج تتظبط عند مركز خدمة لو وصلها هوا .
التكييف بيأثر على السحب خصوصا في الغيارات الأولى .
الموتور ممتاز داخل المدينة ........ و عادي على طرق السفر ......

و لكنه موفر جدا في البنزين .

العربية اللي تشتريها لازم تكشف عليها كويس
ثمنها هايكون في حدود 40 إلى 45 ألف جنيه مصري .

خلي بالك ان الجديدة ثمنها 65 ألف جنيه ...... أو 70 الف مش فاكر .

الانسر اللي بقولوا منتشره جايبلها تيل الفرامل الاصلي بتاعها ب 440 جنيه غير التركيب و ده بره التوكيل كمان!!!! بس بصراحه ليها تيل مضروب من اول 40 جنيه

**shshtawy** · 05-11-2012 11:17 AM

ارغب فى معرفة اسعار البونتو 2000 2003 حاليا فى السوق

**amrabdelkader** · 15-11-2012 04:40 AM

السلام عليكم
ارجو من الساده الزملاء الافاده فى هذا الموضوع عربيتى بونتو 2000 لكن عداد الحراره بيوصل النصف بعد 10 دقايق من تدوير العربيه هل الموضوع ده عادى ولا كده فيه مشكله
وشكرا للاهتمام

**amrabdelkader** · 15-11-2012 05:00 AM

السلام عليكم
ارجو من الساده الزملاء الافاده فى هذا الموضوع عربيتى بونتو 2000 لكن عداد الحراره بيوصل النصف بعد 10 دقايق من تدوير العربيه هل الموضوع ده عادى ولا كده فيه مشكله
وشكرا للاهتمام

**abdoun** · 19-11-2012 10:39 PM

عربيتي عطلت في شارع 9 ومش فاهم حاجة من علامة التابلوه في علامة عربية عليها قفل وفي علامة بطارية معرفش ايه المشكلة هي فيات بونتو كلاسيك:(((

**M.A** · 14-10-2015 09:52 PM

المشاركة الأصلية كتبت بواسطة bittersweet

صباح الفل,
الموضوع جميل وشكلك عايش مع العربية دىز بس انا عايز افهم حاجة العربية ماعايا شوبية بتبقى بتجرى اكتير من منا عايز وساعات تبقى تقيلة مووت و احس انى بدوس على الدواسة بتاعت البنزين بزيادة علشان تمشى. هل ممكن تكون الفرامل بتقفش؟ ولى فيها صرر ورمان بلى فية مشكلة؟ يا ترى الكلام دة تهيات ولى اية. شكرا

آه أنا بيحصل معايا كده..إيه السبب بئا؟؟؟؟؟؟؟؟؟؟؟؟؟؟