هل الاسعار ديه مناسبة بايونير / سونى

**Dr_Semsem** · 02-06-2009 04:08 AM

بسم الله الرحمن الرحيم

النهارده بالصدفة فى العجمى - البيطاش اسكندرية
لقيت توكيل بايونير .. وكنت أول مرة أشوفه وسألتهم عن سعر الكاسيت mp3 البايونيير 4050
وقالى سعره 700 جنيه

طلعت من عنده ورحت سألت عند محل كماليات مشهور فى شارع البيطاش اسمه الدكتور

سألت عن البايونير 4050 قال لى 850 جنيه كن عليه عرض حاليا وسعره 700 جنيه
وقالى انه فيه USB عشان يشغل فلاش ميمورى لكن الوصلة بالجهاز من الخلف وان ليها وصله عشان نخليها ادام بس بتبقى حرة مش ثابته يعنى !!!!!

وسألته عن السونى اكسبلود قال لى سعره 785 جنيه بس السونى كان فيه ميزة ان ال USB من الأمام ثابته فى الجهاز مش وصلة

ولما سألته عن الفرق بينهم كأجهزة وقلت له انى مش بأشغل أغانى مش حيفرق معايا يعنى صوت الموسيقى انا بأشغل قرآن بس قال لى يبقى السونى أفضل لأنه بيطلع صوت المطرب أنقى (( برده مطرب مفيش فايده ))

وقالى كجوده السونى عملى وبيعيش

والاتنين بضمان

وأخيرا قال لى على عرض لفترة معينه
مش عارف ده يبقى إعلان ولا ايه بس قلت أفيد الاعضاء

فيه جهاز اسمه (( كينوود v333 )) قالى ده ميزته غير انه mp3 بيشغل كمان فيديو سى دى VCD

وعطانى إعلان عن العرض
كينوود 333 + ضمان سنه + شاشة Symphony مقاس 5.5 بوصة + ضمان سنة = 1000 جنيه
وقالى منمت تختار الشاشه النوع اللى تحبه يعنى شاشه شماسه أو شاشة تابلوه أو سقف

بس أنا بصراحه مش لازمنى حوار الفيديو ده

بس ومشيت على كده

ايه رأيكم فى كلام الراجل ده عن السونى والبايونير وايه رأيكم فى أسعاره ؟؟

أفيدونى لأن معلومات أخوكم فى الأجهزة ديه

زى معلوماتكم فى اللغه الصينية بالظبط

وشكرا مقدما يا اهل الخبرة