الموضوع: مشكلة في كهربة التمبرا وعايز مشورة

السلام عليكم
شباب التمبرا
امبارح كنت ماشي بالعربية في امان الله ومشغل التكييف فجأه لقيت التكييف وقف والمروحة وقفت والعربية سخنت نزلت أبص لقيت الفيوز العمومي بتاع المروحة البرتقالي ال 40 أمبير ده محروق قلت مش مشكلة تبقى بسيطه ومشكلة فيوز رحت اشتريت فيوز جديد وجيت أركبه لقيت شورت وشرز جامد جدا استنتجت ان فيه شورت جامد في العربية المهم رحت لكهربائي قالي فعلا واضح ان في شورت جامد في العربية وقعد يهز سلوك ويمشي وراها لحد علبة فيوزات التكييف السودا او بيقولوا عليها علبة فيوزات المروحة قالي العلبة دي هي اللي عاملة الشورت ولازم تتغير لما هز السلوك القفله راحت وقالي لا انصحك بانك تلعب فيها او تصلحها اامن شئ انك تغيرها بواحده استيراد المهم رحت لبتاع التكييف لأنه كان قايلي نفس الكلام قبل كده ووصلي التكييف على كتاوت خارجي المهم المشكلة اتحلت بشكل مؤقت والقفله اختفت ما اعرفش ازاي
ايه رأيكم في القصة دي
ولاو عايز اجيب العلبه دي أجيبها منين هو بوكس اسود صغير كده بيبقى ورا الكشاف اليمين اسمه علبة فيوزات مروحه او تكييف انا مش عارف بصراحة
ياريت لو حد يعرف حد بالاسم في الوكاله او اي مكان تاني يكون اتعامل معاه عشان اخر مره رحت من اخر فيصل للوكاله 3 مرات رايح جاي عشان الجفرنر بتاع الكاربيراتير وفي الأخر رجعته وطلع بايظ
على فكره العلبه جديده ب 600 جنيه عند يوسف بس لسه هاسأل عند الكيلاني

والله يا ميزو ما عارف ايه القصه بس ياريتها تيجي على دول وقبلهم علبة الدركسيون وبعدهم جوز مقصات وبعدين جفرنر التكييف واللي جاي جوز مساعدين خلفي بس بيني وبينك انا بصلح عشان اركب ما بحبش اسمع صوت مش مظبوط وانا ماشي بالعربية الحمد لله على كل شئ الراجل ده اتصلت عليه موبايله بيقولي الرقم غير موجود بالخدمه