الصراحة

**ramy_fiat_2000** · 02-06-2009 12:15 PM

السلام عليكم ورحمة الله وبركاته

انا اسمى رامى حبيت اعمل موضوع جديد وفى ناس كتير على ما اعتقد هترتاح لما تعرفه
الموضوع باختصار ان كل واحد يقول بيجى عليه وقت بيكون مخنوق وفى مود اكتئاب ونفسه يتكلم ومش عارف يتكلم مع مين لانه حاسس ان مفيش حد هيفهم كلامة حتى اصحابه ( ارجو تكون الفكره مقبوله للجميع )
وانا هبتدى بنفسى :
انا شاب 29 سنه متزوج عندى بنت مشكلتى فى كذا حاجه
1 انى معنديش اصحاب رغم انى اعرف ناس كتير جدا بس للاسف كلهم بتوع مصالح او ضريبه مخدرات وانا مليش فى النظام ده انا فى حاله اكتئاب بقالى شهرين وخنوق جدا جدا
2 انى حساس جدا جدا فى المعامله مع اى حد او من اى حد حتى من اقرب الناس ليا سواء اهلى او زوجتى او زمايل العمل لدرجة انى انى خلاص جبت اخرى فى كل حاجه وانى بقيت عصبى جدا على اى حاجه تافهة
اخيرا
ياريت يكون الكل فهم قصدى وساعتها افتكر اننا كلنا ممكن نساعد بعض ونسمع بعض ونحل مشاكل بعض

اسف على الاطاله

**msobhy** · 02-06-2009 01:21 PM

لو ابتديت تدور على المثاليه
وتخاف من بكره
وتخاف من الناس على نفسك وعلى اهل بيتك
وبدأت تفقد الثقه فى كل من حولك ولا تثق الا فى نفسك فقط
ولو بقيت خايف ليل نهار على بنتك وحيايتها وعيشتها ومستقبلها
ولو بدأت ترفض حياتك وشغلك والاسلوب المتبع بشكل عام فى مجتمعك
أسمح لى أقولك

أوقف فى الصف وانت ساااااااااااااااااااكت

**abdo_general** · 02-06-2009 03:03 PM

يا استاذ مروان اسمحلي ارد عليك

لو انت بقيت عصبي من وانت دلوقتي 29 سنة
اومال وانت عندك 39 سنة هتعمل ايه
؟؟!!

انا علي فكرة مقدر الي انت قصدك بيه وحاسس بيه
بس انت ياراجل عندك اجمل 2 لاي حد زوجته وبنتك
ربنا يخليهملك يارب ويخليك ليهم

يعني دول اقرب ليك من اي اصحاب

حتي لو هما مش قريبين منك بالدرجة الكافية خليهم انت قريبين منك

انتن دلوقتي حاسس انك مضايق مخنوق محبط يعني قصدي ايا كان مش مشاعر سلبية
يا عم خد اجازة وهدي اعصابك في اي مكان مع مراتك وبنتك
اعمل اي حاجة انت بتحبها اوي او كنت بتحب تعملها اوي

ونصيحة ما تفكرش في بكره ولا امبارح

ركز في يومك وحاول تخليه احسن يوم

يعني حاول تاخد الامور ببساطة اكتر من كده
مهما كانت كبيرة
وما تفكرش في بكره لان انت مش عارف لسه فيه ايه دا في علم الغيب
وامبارح مش هيرجع
حاول تخلي يومك بس الي انت عايشة احسن يوم
وما تضيعش وقت
عيشه وانت حابه

**M.almaghraby** · 02-06-2009 06:14 PM

الصراحة اني حاسس بكابة بقالي كتير رغم انو مفيش اي التزامات عالواحد خالص

فراغ دا ولا ايه............

**نور القمر** · 02-06-2009 06:31 PM

انا كمان ماليش اصحاب خصوصا بعد سفر اختي المقربة ليا بقيت حاسة بالوحدة اكتر واكتر
مشكلتي اني فاقدة الثقة في كل الناس بلا استثناء ولو في حاجة مضيقاني مش بقدر افضفض بيها لحد غير ربنا سبحانه وتعالى وهو الاعلم بكل شيء لكن بناجيه واستسمحه واتوسل اليه
لكن احيانا الواحد بيبقه محتاج شخص ياخد ويدي معاه في الكلام يكون متفهم الموقف ويقف جنبك
وطبعا عدم الثقه اللي عندي مجتش من فراغ اكيد مريت بمواقف كتير افقدتني ثقتي بالناس يا اما عدم حفظ السر يا ردة فعل فيها سخرية من المشكلة او انتهاز فرصة لتصيد الاخطاء

انا مشكلتي لما بتضايق بتعب جسديا وضغطي بينزل بغباء ومش بقدر اتحرك من السرير كأني مكسحة

**aif** · 02-06-2009 06:35 PM

الطبيعي يا رامي ان الاصدقاء يكونو معدودين .....
المسألة مش بكترة الاصدقاء ... لكن بنوعيتهم
انا طول عمري اصدقائي قليل
لكن ممكن الاستعاضة عن الاصدقاء الكتير ... بمصادقة اهل بيتك
ممكن والدتك تكون صديقتك ... جرب وخدها مرة واقعد معاها في جروبي مثلا ... او على النيل
وممكن برضه والدك .... وزوجتك
وممكن تقضي وقت اكبر مع بنتك
انصحك تحضر مقابلة المنتدي القادمة ... اكيد ح تلاقي ناس ممكن ترتاح لهم
لأن المعرفة بدون مصالح بتكون في الله

**midnightman_74** · 03-06-2009 02:26 PM

قراءة القرآن الكريم
الصلاة في أوقاتها
الزكاة لو عليك زكاة

هتلاقى مودك اتغير

-

-

الموضوع: الصراحة

LinkBack

أدوات الموضوع

عرض

الصراحة - انشر الموضوع فى :

-

-

-

-

المواضيع المتشابهه

تقييم اللوجان بعد السبعين ألف ... الصراحة مش جيد

الصراحة القسم رجع نام تانى وناوى افوقة

بجد ناس فاهمة و محترمة الصراحة

مقابلة رينو رقم .... مش عارف رقم كام الصراحة :)

الكلمات الدلالية لهذا الموضوع

المفضلات

المفضلات

ضوابط المشاركة