بعد ما مصطفى ركب المكنة ال2000 و فرح بيها كام شهر (3 تحديدا) كلمنى و قاللى انا حاسس ان العربية مبتجريش!!!!!

طبعا هى كانت بتجرى و كل حاجة بس هو كان عايز قوة اكتر و سرعة اكبر... و الحقيقة انا مكنتش لاقى حاجة تانية تتعمل فى المكنة عشان تدى قدرة اكبر... لحد ما مصطفى فكر فى تركيب تربو

بصراحة انا اعترضت على الموضوع دة فى الاول لانى كنت شايف انة صعب لكن بعد ما الواحد قراء و اتعلم ايه اللى المفروض يتعمل... القصة بقت اسهل كتير و الحمد لله تم تركيب التربو













طبعا الفرق كان كبير جدا قبل و بعد التركيب... و كان واحد صاحبنا عندة سوفتوير بيتوصل على الECU بتاع العربية و من خلال اختبارات تسارع معينة بيقيس القدرة التقريبية للموتور و كانت اول تجربة نتيجتها 197 حصان

دى كانت مع ضغط 7PSI و لما حاولنا نرفع الضغط عن كدة كانت العربية بتسقف... فا كان لازم نزود للعربية كمية البنزين و دة تم عن طريق منظم ضغط خارجى و بعد التركيب قدرنا نرفع الضغط لحد 10PSI و بعد قياس قدرة العربية لقيناها وصلت 220 حصان

MMamdouh