رحت امبارح بعد الشغل لورشة محمد عبده وكان هو مش موجود ولكن كان فيه حسن الكبير وحسن الصغير (اثنين اسمهم حسن) واشتغل معايا الصغير وتم عمل الآتي:
بالنسبة لتسريب المياه وبعد الاختبار بجهاز الضغط:
تغيير كوعة الميه بواحدة الومنيوم قطعتين بدلا من الكوعة الفبر مع تغيير جوان الثرموستات وركب مع اضافة سيليكون اسود
تغيير قربة المية
اضافة ميه خضرا نوع غريب مصري جركن اسطواني مكتوب عليه "دريم" من عند بتاع الرادياتيرات اللى قصاده

اضافات اخري:
سير دينامو - طقم اسلاك بوجيهات - فلتر هواء وفلتر تكييف وشداد موتور أمامي

الاسعار من عند أبو الحسن (حسن راح جابها على موتسيكل):
سير دينامو تيلاندي 65
طقم سلوك بوجيهات كوري 55
فلتر هواء كوري 35
فلتر تكييف كوري 50
كوعة الميه الومنيوم 100
شداد أمامي 65
قربة ميه كوري 75
جوان ثرموستات 5

المصنعية 80 جنيه

ومشيت الساعة 11:30 مساءا وبرضو مشفتش محمد عبده لأنه مجاش
على فكرة الناس عرفاه هناك باسم محمد سعيد وده شككني انه هو من الأول بس اطمنت لما حسن وراني صورة أخونا محمد ممدوح جوه الورشة.

وجاري التجربة.....