استفسارات بعد استعمال 14 يوم للنوبيرا مو 2000 كوري
الاخوة الأعزاء.. بعد التحية،،
برجاء مساعدتي في بعض الأمور بعد استعمال اسبوعين (شراء يوم 19/5/2009) للنوبيرا موديل 2000 كوري 1500 سي سي اوتوماتيك وكنت استفدت منكم كثيرا وخصوصا المهندس الفاضل/ سمير عياد في ايه المفروض اعمله كصيانة عند شراء عربية مستعملة. تم عمل الآتي:
يوم 21/5/2009:
تغيير سير كاتينة وبلية شداد وبلية كمان وبوجيهات وفلتر بنزين وتنظيف الأيدل كنترول باسبراي تنظيف
يوم 23/5/2009:
تغيير زيت موبيل xhb
غسيل دورة الميه ووضع ميه خضراء موبيل
بعد ذلك باربعة أيام مشيت حوالي 400 كيلو بشوف الميه والزيت لقيت القربة تقريبا فاضية مع أن الحرارة عندي ثابتة على نص الأمبير على طول ورحت اشتريت ميه وحطيت ورحت لميكانيكي في شارع خضر التوني واسمه ربيع وكنت اخدت اسمه من المنتدي وقال لي انا مش شايف تسريب وممكن ان الميه كانت لسه ناقصه في الريدياتير واخد اللى يكفيه وخلاص.
وبعد كده بثلاثة أيام (امبارح) بعمل صيانة البطارية لقيت الميه ناقصه 3 سم تقريبا بعد حوال 200 كيلومتر.
الاستفسارات:
1. موضوع الميه ده شكله مش عادي طيب أعمل ايه وفين؟
2. هل مؤشر الحرارة طبيعي انه يوصل لقبل النص أو النص تقريبا بسرعة ويفضل ثابت على طول حتى في الزحمة الشديدة؟
3. هل لما اشغل التكييف بيعمل رجة في التابلوه خفيفة؟
4. هل ممكن حد يدلني على كتالوج المالك للعربية لأن النقلة بالنسبة لي جامده شوية من فيات 125 الى النوبيرا وبالتالي في زراير وحاجات في التابلوه مش فاهم استخدامها
وأخيرا ممكن أماكن التالي يكون قريب من مصر الجديدة:
1. ميكانيكي
2. كهربائي
3. عفشجي
4. تكييف
5. قطع غيار
آسف للإطالة واشكركم جميعا..