محتاج مساعدة من خيراء اللانسر

**ahmedrakha** · 02-06-2009 03:58 PM

السلام عليكم ورحمة الله وبركاته
في البداية دي أول مشاركة ليا في المنتدى ده وانا بجد مبسوط اني اشتركت فيه لمحتواه الجيد جدا

ثانيا : انا عندي مشكلة كبيرة جدا جدا انا اشتريت عربية لانسر 2003 مكوة من شهر تقريبا مستعملة المشكلة فيها الفرامل بتاعتها مش بتمسك عندي غير فردة كاوتش واحده بس اللي هيا الفردة اللي ورا يمين رحت بيها كتير جدا لورش وصنايعية عفشة كل واحد ياكد ليا انها خلاص ظبطت وفعلا تظبط لكن بعد يوم ونص بالظبط ترجع تاني كل اللي هما بيعملوه انهم بيرجلشوا على العجل بس انا غيرت تيل فرامل ورا وقدام كام مرة وركبت استيراد وركبت اصلي مفييش فايدة وغيرت برده الماستر الرئيسي للفرامل وبرده مفييش فايدة ومازلت المشكلة قايمة وصرفت عليها كتير لكن دون جدو ياترى حد عنده حل يقدر يفيدني بيه يااااريت وده رقمي لو حد عنده حل 0165250510 وتفضلوا بقبول الشكر

**slimbig** · 02-06-2009 06:14 PM

معلش يا باشا خبرتي على قدي مش عارف اساعدك بس في ناس فالمنتدى ده فاهمه جدا و خبراء كمان حيساعدوك إنشاء الله

**ka7rata** · 03-06-2009 12:05 AM

وعليكم السلام ورحمة الله وبركاته
أخى العزيز
أنت بتقول غيرت ماستر الفرامل العمومى --- طيب والمساتر الفرعية المسئولة عن العجل اللى ورا -- عملت فيها حاجة ؟؟
لأن غالباً عندك ماستر عجل بايظ ما بيقفش على لقم التيل كويس والدليل أنك بتقول لما رجلشت على الفرامل ظبطت يومين ورجعت تانى ( الرجلشة بتتم عن طريق مسمار بماستر العجل الخلفى بيشد سوستة بمقدار معين يقوم التيل يقفش على الطنبورة بضغط معين )
غالباً هاتحتاج تغير ماستر عجل كامل ما تركبلوش طقم إصلاح وحاول تجيبه أصلى وريح دماغك