حمد لله على سلامة حضرتك و العربية من الخبطة ..
و رأيي فوض أمرك لربنا و توكل عليه لأن الله هو الوحيد القادر يحفظ لكل شخص حقه من أمثال امين الشرطة و السوابق ..
عرض للطباعة
حمد لله على سلامة حضرتك و العربية من الخبطة ..
و رأيي فوض أمرك لربنا و توكل عليه لأن الله هو الوحيد القادر يحفظ لكل شخص حقه من أمثال امين الشرطة و السوابق ..
انت ذهبت لنقطة ودي غالبا بيكون رئيسها امين شرطه ودي غلطتك لانك كلما علوت كلما لاقيت معاملة فاضلة دا اولا
ثانيا كان ينبغي عليك الذهاب للقسم المختص وتحرير محضر بالواقعه وكانت المعاملة هاتختلف
واخيرا لو لم تجد مقابلة عادية في قسم الشرطة وعمل اللازم فكان عليك تحرير مذكرة بما حدث والتوجه للنيابة المختصة بمكان الحادث وتقوم بتحرير محضرين محضر بتعمد احداث تلفيات بسيارتك وفي هذه الحالة ستحرر جنحة وليست مخالفة
مادة361 عقوبات
كل من أو أتلف عمدا أموالا ثابتة أو منقولة لا يمتلكها أو جعلها غير صالحة للاستعمال أو عطلها بأية طريقة يعاقب بالحبس مدة لا تزيد على ستة اشهر ولغرامة لا تجاوز ثلاثمائة جنيه أو باحدى هاتين العقوبتين .
والمحضر الثاني تعدي عليك شخصيا بالاهانة والضرب حتي ان لم يوجد
مادة375 مكررا من قانون العقوبات
مع عدم الإخلال بأية عقوبات أشد واردة فى نص آخر ، يعاقب بالحبس مدة لا تقل عن سنة كل من قام بنفسه أو بواسطة غيره باستعراض القوة أمام شخص أو التلويح له بالعنف ، أو بتهديده باستخدام القوة أو العنف معه أو مع زوجه أو أحد من أصوله أو فروعه ، أو التهديد بالافتراء عليه أو على أى منهم بما يشينه أو التعرض لحرمة حياته أو حياة أى منهم الخاصة
وعليك الان بعدما حدث ان تأخذ صورة رسمية من المحضر الذي قمت بتحريرة والذهاب الي وحدة المرور التابع لها سيارتك ومعك اللوحة التالفة واعرض عليهم الامر
مادة 15 من قانون المرور
على مالك المركبة والمرخص له فى حالة فقد اللوحات أو احداها إبلاغ أقرب مركز للشرطة أو للمرور فورا.
مادة ( 348) من قانون المرور
تؤول قيمة تأمين اللوحات إلى الدولة فى الحالتين الآتيتين :وحمدالله علي سلامتك وغالبا النجده لن تستجيب الا في الحالات التي تستدعي ذلك فليست كل مشاجرة بين اثنين ستذهب اليهم النجده والا كانت النجدة تجدها في كل شارع وبين كل زوج وزوجته تجد امين شرطه
- فقد إحدى اللوحات أو تلفها
وكن واثقا بأنك بالقانون ستأخذ كل شئ اما بالدراع فستخسر كل شئ
واسف علي الاطالة
+11111111111
بس بيني وبينك دي لفة طويلة وعايزة طولة بال ,ممكن تتعمل في الحاجات الجامدة
احمد ربنا علي اي حاجة
وخليك عارف ان سواقين الميكروباص بهايم وبلطجية بس دة ما يمنعش ان الواحد ياخد حقة من اي حد طالما انت علي صواب ومش غلطان
وموضوع القسم او النقطة الا انت فيها دة طبيعي وبيحصل في مصر كلها بس لو انت ابن فلن او علن كنت هتلاقي معاملة تانية خالص
عمار ياام الدنيا
طيب انا هحكيلك موقف هيموت من الضحك والغيظ
مسكنا حرامى جو البيت مستخبى طبعا اكل علقه لسه معلمه فيه اكيد المهم اتصلنا بالنجده ( حماه مصر ) اكتر من 45 دقيقه محدش بيرد وبعدين الحمد الله حد رد وخد العنوان وكله تمام وانتطرنا ساعه ونص تانى على ماحد جه ( زطبعا الشكر لله ان حد جه طبعا )
اضحك بقى
لقينا امين شرطه بموتوسيكل جاى يمسك الحرامى تخيل من غيظى قلتله انت جاى تقبض على الحرامى ولا تاخده لفه وراك ولا قدامك بوليس مصر باعت موتوسيكل يمسك فيه الحرامى اخدناه المهم فى العربيه ودناه القسم تخيل الظباط يقولنا ايه يعنى هو سرق حاجه طالما مسرقش يبقى خلاص
قلتله يعنى كنا ننتظر سيادته لما يقتل حد جوه ولا يفضى الشقه وبعدين نشتكى واحد مسكناه جوه الشقه مستخبى يبقى دا ايه
ادى البوليس وادى اللى عاوز يتحامى فى البوليس للاسف احنا وصلنا اننا ناخد حقنا بالذراع والخناق والقتل لان البوليس مش فاضى الا لحاجات معينه انتم فاهمنها
ولغايه ماتقدر تاخد حكم من المحكمه وتنفذه ولغايه واتتصل بالبوليس ويجرى جرى يلحقك والقانون يتطبق على الكبير قبل الصغير
يبقى ربنا يصبرنا ويعننا على ماحنا فيه
حمداً لله على سلامتك ده أهم ما في الموضوع
نيجي بقى لموضوع النمرة هية جديدة ولا قديمة
المهم في كل الحالات في الغالب هتسدد رسوم تأمين لوحات ( تقريبا زي ما تقول كدة ثمن اللوحات التالفة علشان تستخرج لوحات أخرى وطبعاً ده يستتبعه إستخراج مخالفات اللوحات القديمة التالفة وهنا يأتي سبب سؤالي عن النمر اللي الكلام عليها قديمة ولا جديدة علشان لو جديدة هيبقى فيها كلام تاني ....)
وعوضك على الله
م / أحمد يوسف
طيب يبقي قانون الغاب ليه بقي الواحد يجيب صاعق ما هي مسدس 9مم وخاليه في التبلوه وخلاص بس ربنا يستر ومش اتمسك
للأسف ده اللى بيحصل الايام دى وربنا يستر علينا من الشارع واللى ماشيين فيه
انت صدقنى اشتريت نفسك انك منزلتش مسكت فيه لانه سواق بتباع واى سواق تانى معدى هيدخل يقف معاه ضدك
وبصراحه امين النقطه ده كنت قولتله طيب هو ايه الخدمات اللى يتقدمها النقطه يعنى لما مفيش عندكم حد بيروح ولا بيجى ولا بيعمل محاضر ؟؟
بالنسبه للنمر بص يا باشا لو نمرك دى قديمه هتروح المرور تدخل على طول على رئيس الوحده قوله الموضوع كذا كذا ينفع اجددها بنمر جديده هيقولك ماشى
هات نموذج تجديد وادخل على شباك التجديد بكل الورق قوله اللوحه فقدت وهعلق لوحه الجديده وحاول تجيب موافقه رئيس الوحده هتدفع فرق التامين وهتاخد اللوحات الجديده لان القديمه كدا كدا بترجع من المرور مش معددوه كلها بتتعدم وخلاص
لو اللوحه اللى معاك جديده بقا هنا المشكله يا هتاخد مؤقته لحين طبع لوحه تانيه ليك ودى حكايه طويله وحاول تراضى الموظف علشان ميدخلكش فيها
يا اما هيتم استبدال اللوحات ليك برقم جديد وتدفع رسومها من تانى
بس فى كلا الحالتين اول ما تروح المرور ادخل على رئيس الوحده علشان هتلاقى الموظفين مش عارفين يعملو ايه فى المواقف دى والكل بيخاف من المسئوليه
انا شايفة اننا هنعمل محاضر فى امناء الشرطة والظباط بعد كده عشان هم سبب افترا السواقين دول
دول حتى مش عاوزين يكتبوا محضر
حسبى الله ونعم الوكيل