هو الطنابير بتحتاج تتغير عادةً بعد كام كيلو؟
آخر مرة كنت بأعمل صيانة للعربية و كانت عاملة 60 ألف كيلو قالولى ان الطنابير الأمامية حتحتاج تتغير لما أغير التيل .. و بما انى كنت مغير التيل فى صيانة الـ 40 ألف فلو افترضنا نفس معدل التآكل يبقى المفروض أغير التيل و الطنابير عند 80 ألف كيلو ... و الطنابير لما شفتها كان عليها علامات تآكل واضحة داير ما يدور ... فهل من الطبيعى ان الطنابير تتغير بعد 80 ألف كيلو ولا دة معدل تآكل عالى؟
(مع العلم انى معنديش أى صوت صفارة فى الفرامل على الاطلاق و الفرامل أداءها طبيعى جداً) ... و هل لو عملت خرط للطنابير بدل التغيير حيأثر على أداء الفرامل و يزود سخونية الطنابير؟
كمان كنت بأفكر أغير لطنابير رياضية (بما إنى خلصت الضمان خلاص بعد مرور 3 سنين من عمر العربية) و كنت شايف فى المنتدى موضوع عن طنابير نوعها ecb على ما أتذكر فهل ليهم توكيل فى اسكندرية و هل جودة النوع دة أفضل من الطنابير الأصلية؟