تحت الكرسى بتاعى فى شومة لمثل هذة المواقف :))))))))))))
راجل يا مان
عرض للطباعة
تحت الكرسى بتاعى فى شومة لمثل هذة المواقف :))))))))))))
راجل يا مان
انا عاوز اقولك انك انت كده معملتش اى حاجه وسيبت حقك
لأن اقل حاجه كانت تتعمل مع كلب زى ده انه يضرب وتكسرله عربيته اللى هو فرحان بيها دى وفى الأخر تأخده وتطلع بيه على القسم وترميهلهم هناك وتمشى
وبعدين يا جماعه احترام ايه اللى انتوا بتتكلموا عليه ده مش بنى ادم اصلا علشان احترمه
وبعدين حضرتك فرحان دلوقتى بعربيتك اللى اتكسرت
ولا كنت هتبقى فرحان لو كان لبسك فى حاجه ولا قدر الله كان حضرتك حصلك حاجه ولا كان حصل حاجه لأخوك
وبعدين اتفضل ادى النتيجه عربيتك اتكسرت وكمان عاملك محضر عارف كل ده ليه علشان انت سكت على حقك من الأول
انا ممكن استعوض ربنا فى اى حاجه تحصل فى العربيه بس تكون قضاء وقدر مش بالهمجيه وقله الأدب
معلش متزعلش منى بس بجد انا متنرفز جدااااااااااا:_Alshmokh08[1]::_Alshmokh08[1]::_Alshmokh08[1]:
الله ينور عليكم
يكفى انة بعد كدة هيشاور عقلة مية مرة قبل ما يفكر يعملها مع حد تانى
أحمد من الواضح انك شاب مثقف و متدين و الحقيقة أن خصمك في الواقعة المذكورة هو نوعية من الحيوانات التي بدأت تطفو على سطح مجتمعنا في الآونة الأخيرة فلا أخلاق و لا تحضر و لا تربية و النماذج كثيرة و ليس أثناء القيادة فقط و لكن جرب و أدخل أي مبنى حكومي مزدحم و ستقابل مثل هذه الأشكال بكثرة فهم نتاج العشوائية و الفوضى التي أصابت مجتمعنا منذ عصر الإنفتاح و رغم عدم تأييدي للعنف و النزول الى مثل تلك المستويات المبتذلة الا أنه وفقا لروايتك لم يكن أمامك حل آخر و أحمد الله أنه سبحانه و تعالى قد حماك أثناء تعاملك مع ذلك الحيوان و ان كان تعبيري هذا يظلم الحيوانات التي خلقها الله بلا عنف أو كره أو حقد.
عزيزي أحمد و إن كان تصرفك هذا قد نبع من غضب شديد بعد نفاذ صبر طويل الا انني ادعوك الا تنزلق في مثل تلك المواقف مرة أخرى فقد سلم الله عز و جل هذه المرة و لكن لا يعلم أحد ما الذي يمكن أن يحدث اذا تكرر مثل هذا الموقف لاحقا فقد يكون مثل هذا الشخص يحمل سلاحا أبيض أو رصاص أو أن يكون عضوا في عصابة فيا بني سلمك الله ابتعد عن مثل هؤلاء القادمون من قاع المستنع المجتمعي.
و حمد الله عالسلامة
ده واحد عايز يتربي من اول و جديد بجد
انا راي استخدم نفس الاسلوب روح انت و اخوك و اعمل محضر و جيب تقرير طبي و العين بالعين
و لو تعرف حد ليه سلطة استعين بية و لبسة بدل القضية عشرة دي ناس مبتجيش الا بالبهدلة
حسبي الله و نعم الوكيل في الناس دي ربنا يريحنا منهم
الله ينور اللي زي ده تحط راسه وتحشرها في ازاز العربية بتاع اي باب وايده بره علشان ميعرفش يفتح الزجاج وتدور فيه ضرب للصبح ...هههههه طبعا الموضوع ده كتر جدا انا رائي تكبر دماغك من الناس دي خالص لان ممكن يكون مش في وعيه ووممكن متهور ومعاه شومة ولا مطواة ويمكن مسدس وبندقية وسنجة ويتهور عليك (يللوش) كبر دماغك من الناس دي وحصل خير
والله انت عداك العيب
وصبرت كتير اوى
ولو مكنتش ضربته انا كنت هابقى متغاظ ومضايق جدا لدرجه لا تتخيلها
عشان والله الضرب اللى انت ضربتهوله ده اقل حاجه يستاهلها واحد بالمنظر ده
ده إنسان قليل الأدب .
هو لو كان محترم ....... مكنش كسر عليك . و كان أحترم سنه
إنما للآسف بسبب غياب الشرطة عن تطبيق القانون على الجميع و بسبب الفهلوة المصرية المعهودة و المعروفة عن الشعب المنيل بنيلة ( أحنا )
أصبحنا نعيش في غابة ........ و الللي أنت عملته صح الصح و يستاهل أكتر من كدا كمان .
نفس الموقف حصل معايا ......... بس من حظي أن كان الطريق واقف و كان فيه شرطة واقفة و شتمني برضه بالأهل ...... و بالأم ...... و بكل ما تشتهيه الأنفس لمجرد أني كنت بحاول أفهمه أنه غلطان .....
أول ما وصلنا جنب الظابط و أمين الشرطة شتمته تاني أدامهم و قلتلهم لازم توقفوا الحيوان ده .
طبعا أحنا الأثنين وقفنا و حكيت للظابط اللي حصل .
الظابط قالي عايز تعمل فيه أيه ؟؟؟؟؟؟؟؟؟؟؟؟؟ طبعا هو قالي كدا و أنا أنشكحت على الأخر .
قلتله أعمل اللي المفروض يتعمل يا فندم ( مع أني معرفش هما فعلا سحبوا رخصته و لا لاءة ؟؟)
هو قالي أحنا هانسحب رخصته و اتفضل انت أمشي روح شغلك ........ أول ما قالي كدا عرفت أنه ممكن ما يسحبش الرخصة .
المفقودات في هذا الموقف .
ساعة يد غالية و عزيزة عليا جدا .
45 دقيقة تأخير لأن الحيوان كسر عليا و خدني في طريقه و أضطرت ألف لفة كبيرة علشان أرجع لطريقي تاني ,,,,,,, ده غير الوقفة مع الظابط .
نرجع لموضوعك تاني ........
أنت راجل تمام ......... و ده الصح في المواقف اللي زي دي .
و لو كنت أتصلت بالشرطة و لا كان حد هايعبرك و يرد أصلا على التليفون .
فللآسف مفيش حل غير كدا مع الأشكال دي ...... تأخد حقك بدراعك .......لغاية بقى ما حال الشرطة ينصلح و تبدأ تهتم بالمواطنين ........... و هذا حتى اشعار آخر .
الله ينور عليك وتسلم ايدك واوعى تلوم نفسك لأن النماذج اللى مثله بقت ماليه الشوارع وبقى سواق الميكروباص ارحم منهم وبالتالى طالما الحكومة مش هاتجيبلك حقك يبقى تاخده بدراعك بس بعد المحاولات السلميه الاول طبعا