المشاركة الأصلية كتبت بواسطة نور العمر
ريحت اعصابي لما لاقيته اكل علقة حلوة في الآخر
وعقبال الباقيين
إللي من امثاله
شكرا يا استاذه نور على ردك
ومن ناحيه العلقه هو خد حقه وزياده :)
المشاركة الأصلية كتبت بواسطة tayson54
انا معاك جدا في اللي عملته يا استاذ احمد وجزاك الله خير انك رجعت له عقله في راسه دلوقتي هيفكر الف مره قبل ما يقل ادبه علي حد غير انك عاملته بما يستحق اولا واخيرا لان للأسف فيه شخصيات بالشكل ده متتعاملش غر كده
والله ده اللى كنت بفكر فيه ان لو محدش وقف المهزله دى الله اعلم هيعمل ايه تانى
يعنى اتسببلى فى خساير ماديه وشتمنى وبهدلنى وكان بالقصد عايز يدخلنى فى الرصيف
وزنق على واحد وكان هيتسبب فى موت ام وابنها بيعدو الشارع وكان لازم حد يفوقه شويه
المشاركة الأصلية كتبت بواسطة m.mostafa80
أنا لو مكانك كنت عملت أكثر من كده لأنو مش متربى ولا محترم سنو وانا لومكانك من الأول مكنتش أتهوشت أنا بقى بحب النوعيه دى اعلمها الأدب فى الشارع مره واحد بنص نقل عملها معايا وفضلت وراه لحد ما كنت هلبسه فى صور مطلع كوبى الجيزه وفى الأخر وقفت ووقفت الكوبرى ونزلت وكان معايا اليكترك ساعتها لقيتو بيقل أدبو بألفاظ قبيحه وكنت خلاص هكومو بالأليكترك بس مسكت أعصابى وكفايه أنو بعد ماكان ديك برارى بقى زى الفار اللى كان بيقول فى اسد هيطلع عين أمو النهارده ههههههههههه
ولا يهمك معلش الأشكال دى كتير قله أدب
بس نصيحه متحسيسش اللى بيعمل كده أنك خايف لأنو بيذيد فيها
على فكره فى نص الجرى ده كان الشارع مكمل على طول وانا داخل يمين ولو كان مشى علطول كنت خلاص هسيبه بس فوجئت انه كمان دخل من الشارع الجانبى اللى انا كنت هدخله
حسيت انها حاجه من عند ربنا علشان اوقفه عند حده
انا فعلا مكنتش بتهوش ( متربى فى حى شعبى اصيل وواخد على الخناق :) ) بس انا عصبى جدا وربنا كرمنى مؤخرا اركب العربيه اشغل احمد العجمى واكبر دماغى من اى استفزاز خارجى الا ان النهارده الموضوع فاق تحملى
المشاركة الأصلية كتبت بواسطة mhamza3
انت عارف لو ماكنتش ضربتو كنت حزعل منك اوى
وانا ميرضينيش زعلك :)
المشاركة الأصلية كتبت بواسطة muslimah_dentist
يا جماعة مش عايزة يبقى كلامى مثالى بس عمر ما كان العنف هو الطريقة لحل المشاكل
العنف هو السبب فى وجود المشاكل
يعنى الراجل اللى نرفز أخونا ده لو كان لمها من الأول و سكت كان الموضوع اتطور كدة
أنا مش عايزة أخلاق الناس السيئة تخلينا ننحط بمستوانا ليهم و نرجع نندم بعد كدة
أنا مش عايزة أقولك اللى انت عملته صح أو غلط و الله أعلم أنا لو فى موقفك و حصلى كدة كنت هأتصرف ازاى بس أنا عايزة أُذكرك بهذه الآية الشريفة
و عباد الرحمن الذين يمشون على الأرض هونا و اذا خاطبهم الجاهلون قالوا سلاما
وهو ده السبب الاساسى يا دكتوره انى عملت الموضوع
انا بنتقد نفسى على التصرف العنيف اللى عملته بس انا كنت عايز اوضح انه حصل نتيجه تمادى غير طبيعى منه واحساسه انه بعربيته المكسره اللى صاجها حجر محمى من اى حد ومحدش يقدر يطوله وممكن يعمل اى حاجه
انا عارف انى اللى عملته غلط وربنا يسامحنى عليه لانى مهما حصل كان غلط انى اعمل كدا فى واحد اكبر منى سنا الا انى عمال اقول الله اعلم الراجل ده عمل ايه وقفنى فى طريقه علشان اعمل فيه كدا
انا حاولت اتسامح واتفاهم كتير لكن كان كل مره زى ما قولت بيقابل كلامى برد فعل غير مبرر بالمره وكانه بيقولى ملكش دعوه بيا استعوض ربنا فى المرايا والا هكملك على باقى العربيه
المفضلات