الموضوع: هاتعملوا ايه بكرة يا جماعة؟

المشاركة الأصلية كتبت بواسطة NaderNabil

أول حاجة بما إن صلاح سالم هايبقي متوقف...يبقي أكيد كل الناس هاتهرب للدائري و الأوتوستراد
و بما ان الدائري بينزل علي الكورنيش و الجيزة يبقي أكيد أكيد هايبقي واقف
طبعاً زود علي كده ان العادي بتاعنا الأيام دي ساعة من كارفور لنزلة المعادي عشان أعمال الرصف

يبقي النتيجة النهائية.....لم يتحرك أحد!

طب ماتقابلني بكرة الصبح على الاوتوستراد ونقعد على القهوة اللي عند شق التعبان لغاية ميعاد الشغل ونرجع تاني بيوتنا
خد عندك شوية الاخبار الحلوة دي من المصري اليوم

طلب الأمن بطاقات الرقم القومى من أهالى منطقة (بين السرايات) لـ«تصويرها»ولم يقتصر الأمر على الأهالى فقط بل تعدى إلى طلب الأمن من عمداء ووكلاء كليات جامعة القاهرة ممن سيحضرون الخطاب “صور” بطاقاتهم أيضا .
وتم اختيار ٣٠٠ طالب من جامعة الأزهر، و ٧ طلاب من كل كلية بجامعة القاهرة لحضور الخطاب، على أن يكون فى استقبال أوباما طلبة كلية «الآداب»، وإمعانا فى الإجراءات الأمنية تم تأجيل امتحانات الجامعتين فى هذا اليوم.

طلبت الأجهزة من جميع البنوك والمحال والمولات والصيدليات ومحطات البنزين ومطاعم الوجبات السريعة الموجودة بشارع الخليفة المأمون، التوقيع على إقرارات تفيد بضرورة إغلاق المحال فى ساعة مبكرة «جداً» من صباح غد وحتى الساعة الخامسة مساء نفس اليوم،

تسلم أمن «الرئاسة» منطقة القلعة، أمس، والمنطقة المحيطة بمسجد السلطان حسن، خاصة أن المسجد «مرشح» لزيارة أوباما، وتم إغلاق منطقة الأهرامات تماما

وخالي بالك انه هو انهاردة في الرياض ولا في اي حاجة ولا الحركات والتنطيط اللي عندنا ده

المشاركة الأصلية كتبت بواسطة m.mostafa80

أنا ساكن فى الهرم وشغلى عند شيراتون القاهره فى ميدان الجلاء
يعنى المعمعه كلها أنامستنى مديرنا يوصل بالسلامه وهقولو يدى الشركه كلها أجازه لأن أحنا أثنين من الهرم
وواحد من بولاق بيجى من ناحيه الكوبر الخشب ش التحرير
والثانى أحمد عرابى المهندسين وطبعا كل الطرق المؤديه هتبقى وقفه
بس ممكن ميرداش لأنوساكن جنب المكتب ومش هيحتاج أنو يستخدم العربيه أساسا بيجى على رجلو

انا كمان زيك ساكن عند ميدان الرماية وشغلى عند سوفيتيل الجزيرة , حاسس انى مش هاعرف ارجع البيت النهاردة ومش بعيد الاقي ال إف بى آى قاعدين فى الشقة علشان البلكونة شايفة هرم خوفو - حتى الهرم خايف - ربنا يستر

أعلنت إدراتا مرور القاهرة والجيزة عن إجراء بعض التعديلات المرورية بمناسبة زيارة الرئيس الأمريكى باراك أوباما الخميس ، حيث تم تحديد محاور مرورية بديلة لتلك التى ستشملها تحركات الرئيس الضيف للحد من الكثافات المتوقعة

.

وتضمنت التعديلات المرورية للمتجه الى مطار القاهرة الدولى والقادم منه اعتبارا من الثامنة وحتى العاشرة صباحا أن يسلك الطريق الدائرى أو طريق المليون شجرة ، إلى مداخل المطار الجديد ومنها إلى باقى صالات السفر والوصول

.

وبالنسبة لمستخدمى محاور العروبة وصلاح سالم والخليفة المأمون اعتبارا من التاسعة صباحا وحتى الثانية عشر ظهرا يمكنهم استخدام طريق النصر والأوتوستراد أو الدائرى, والقادم من كورنيش المعادى متجها إلى شارع قصر العينى ووسط المدينة اعتبارا من الحادية عشر صباحا وحتى الواحدة ظهرا يسلك كوبرى الفسطاط ومنه الى طريق الأوتوستراد, مع إمكانية استخدام كوبرى عباس والمنيب بدلا من كوبرى الجامعة

.

وفيما يتعلق بمستخدمى شارع الجيزة ونفق الجلاء وشارع النيل اعتبارا من الثانية عشرة ظهرا وحتى الساعة الثالثة ظهرا يمكنهم استخدام كوبرى فيصل العلوى فى إتجاه شارع السودان حتى مناطق شمال الجيزة , والمتجه من شارع سراى الجزيرة الى مناطق الزمالك من الساعة الثانية عشر الى الثالثة ظهرا يسلك كورنيش النيل حتى كوبرى 15 مايو ثم منزل شارع 26 يوليو

.

أما القادم من ميدان الرماية فسيتجه مباشرة إلى شارعى الملك فيصل والهرم دون التوجه إلى مطلع فندق مينا هاوس اعتبارا من الساعة الحادية عشر صباحا , وقد تم كذلك تحديد مواقف سرفيس بديلة لموقفى السيدة عائشة وحدائق القبة, وذلك بموقعين أسفل كوبرى الأباجية وشارع ولى العهد

.

وأعربت إدارتا مرور القاهرة والجيزة عن أملهما فى تعاون المواطنين,
وأعلنتا عن تخصيص رقم هاتفى وهو 136 لتلقى أى استفسارات

شوفو اللينك دا فيه تعديلات مرورية تساعد كل واحد في الاتجاه بتاعو:

http://www.egypty.com/news-details.aspx?news=7003