اخواني مشكله في الفتيس و العربيه بتبطل في وضع المور

**hamadafawzy** · 03-06-2009 01:03 PM

معلش يا جماعه هتعبكم معايا تاني بخصوص مشكله تانيه في العربيه
انا هتبع المواصفات اللي كتبها الاخ سمير عياد والحاجات اللي مفروض اقولها قبل ما اقول المشكله

انا عربيتي فيات 128 موديل 86
عدد الكيلومترات
متعدش دي بقالها اكتر من عشرين سنه
موقف الصيانه الاخيره
لسه مغير علبه دريكسيون بعد ما العربيه اتشدت واتبظط سمكره ودوكو

البوجيهات
بقالها اكتر من تمن شهور مثلا

موقف الفراومل وتيل الفرامل :والله مكدبش عليكوا مغيرتش حاجه فيها من ساعه ما اشتريتها هيه بقالها معايا سنتين ونص دلوقت بس مش بشتكغير اني بعض الايحان الاقي دوسه الفرامل بتحجر معايا

كده بئي هقدر اقول المشكله اللي عندي وضميري مستريح

عندي الفتيس اول ما ازود واشيل رجلي من ع البنزين الاقي الفتيس كله بيتحرك لورا ولقدام

ولما اطلع مطب صغير الاقيه بيااخد ويدي معايا برضه فده ممكن يكون ايه
بحس دايما ان فيه حاجه بتخبط مع الحركه دبتاعه الفتيس دي
ممكن يكون قواعد الفتيس ولا ايه
- المشكله التانيه دلوقت اني لما ازود في العربيه عد ما ازود مجرد ما اخلي الفتيس في وضع المور الاقي العربيه تبطل
وشكرا لصبركم الجميل S_thum1[1]:

**Ashraf_Ashraf** · 03-06-2009 01:23 PM

لو متاكد ان الحركه كلها من الفتيس يبقى اكيد دى قواعد الفتيس وشداد الموتور لكن لو كانت العصايه بس تبقى حشو العصايه
بالنسبه لطفى الموتور بعد فصل الحركه ( وضع المور ) دا بك سلانسيه عاوز نظافه وغير فلتر البنزين

**hamedo0** · 03-06-2009 01:40 PM

مظبوط كلام سيادتك يا دكتور

**hamadafawzy** · 03-06-2009 04:17 PM

متشكر لاهتمامكم يا جماعه بس لو قواعد الفتيس بتحتاج تتغير ولا بتتربط بس
وحشو الفتيس بيتجاب منين والميكانيكي اللي بيعمله ولا مين وجزاكم الله خير

**aYaBooY** · 03-06-2009 04:53 PM

بداية متشكرين جدا للاخ سمير على جدول العرض كدة فعلا مريح
حمادة باشا انت العربية محتاجة تربيط شوية من تحت و ديه خطوة اولي
لازم حد يراجعلك على قواعد الموتور و الفتيس و يتاكد انهم سلام و متربطين كويس
و يتراجع على شداد الموتور العلوي و لو محتاج تغير يبقي يفضل
و طبعا تجيب جديد و تخلي القديم معاك علشان لو حصل حاجة تلاقيه
لو المشكلة متحلتش بالتربيط و لسة موضوع الفتيس فيه الحركة يبقي ممكن يكون فيه مشكلة في
الشاسيه ممكن يكون مشروخ و ديه حاجة عادية في الـ128 يبقي تروح لحد بتاع زوايا يبص على العربية من تحت
و لو فيها شرخ او تنميلة يبقي تتلحم و بسرعة علشان متبهدلش العربية
و لو العصايا نفسها بتترس معاك في الغيارات يبقي انت محتاج تغير الحشو و المعلقة و تشد الدبرياج شوية
بس الموضوع ده بسيط يا باشا متخضش نفسك
موضوع تبطل في السلانسيه و الفرامل تحجر اوقات
طيب هارد على الموضوع ده على شقين
نقول انهم ملهومش علاقة بطبطل في السلانسيه يبقي تنظيف كربراتير و بك السلانسيه خاصة
و تغير ابلاتين و كوندنسر و طقم بوجيهات و فلتر بنزين و انشاء الله تلاقيها فلة بعد كدة
طيب لو العربية بتبرجل لما تيجي تدوس فرامل او بتكون مبرجلة لحد ما تدوس فرامل يبقي انت كدة عندك مشكلة في السيرفو ممكن يكون عاوز طقية
او فيه اويلسيه مهرب هوا و ده عمرة ما يخلي الموتور يتظبط في السلانسيه و ده طبعا يحك عليه صنايعي فرامل سيبك من الميكانيكية في الحتة ديه بس

**hamadafawzy** · 04-06-2009 10:09 AM

متشكر يا باشا علي النصائح الغاليه دي بس انا حعمل حاجات كتير كده مش عارف اعمل مين قبل مين بالترتيب ومين الصنايعي الليبيعمل كل حاجه هل هوه بتاع العفشه الميكانيكي .....معلش هتقل عليك بس اخوك لسه بيقول يا هادي في الاعتماد باني اعمل الصيانه بنفسي واتابع مع الصنايعي ومحدش يعملهالي زي الاول وربنا يباركلك بالنسبه لبك السلانسيه اقدر انضفه بنفسي وانضفه ازاي لانه الصراحه قرفني في تبطيل العربيه كل شويهكمان يا باشا حد نصحني اظبط تاكيهات دي اعملها برضه عند مين وبتكلف كام تقريبا والعفشي لقي ان الميه بتنقص عندي كتير و قالي ان فيه ماده بتتحط مع الميه بتاعه الردياتير وبتخلي الشروخ اللي في الفراغه بتاعه الموتور تتسد ومتسربش ميه لان الفراغه بتاعه الموتو عندي مشروخه فهل فعلا فيه ماده بالشكل ده ولا بيتشغلني ومتشكر ليك جدا وربنا يجعل الدنيا ميسره ليك زي ما بتيسر علينا الدنيا بنصايحك