الموضوع: هاجيب بيجو 406 موديل 2003 ايه نصيحتكوا لاخوكو.!

أنا فاكر انى قريت هنا ان مشاكل الفتيس موجودة فى موديلات قديمة تقريبا القبل 2003 , لكن البعد كد مفيش شكاوى منه, صح ولا انا هيست

ياجماعة كل المشاكل كانت بتكمن فى الفتيس الاوتوماتيك بتاع الموديلات القديمة لحد مو 2001 لكن كل ال 406 الشكل الجديد
الكرستالة مفيهوش اى عيوب وعربيه ماشاء الله
انا شخصيا لو هعلى عن عزيزة عربيتى ال 405 مش جايب غير 406 وان شاء الله لما أطلع على المعاش هجيب 407 تكون بقت مو قديم
ده ان أتعينت أصلا فئة ال 400 فى بيجو جامدة جدا

المشاركة الأصلية كتبت بواسطة the-hero

ياجماعة كل المشاكل كانت بتكمن فى الفتيس الاوتوماتيك بتاع الموديلات القديمة لحد مو 2001 لكن كل ال 406 الشكل الجديد
الكرستالة مفيهوش اى عيوب وعربيه ماشاء الله
انا شخصيا لو هعلى عن عزيزة عربيتى ال 405 مش جايب غير 406 وان شاء الله لما أطلع على المعاش هجيب 407 تكون بقت مو قديم
ده ان أتعينت أصلا فئة ال 400 فى بيجو جامدة جدا

باشا, يوم أمس كنت قاعد فى تجمع عمل على الغذاء, و أحد الأفراد معاه ال 406 موديل 2003, و أكدلى على جمال السيارة كرفاهية و موتور و عفشة و لكن... باستثناء الفتيس الحصله فيه مشاكل كتير لدرجة ان التوكيل كان عايز يغيرو ب 30,000 ج, طبعا هو نفض و بيعمل اجراءات تصليح أو صيانة من فترة للتانية و لكن بردو بتكلفو بتاع 2000 ولا 3000 جنيه, و قلى هوا واضح ان البيجو فى الفترة ديه كان عندهم مشاكل فى تصنيع الفتيس الأتوماتيك لمواتير 2000 cc, لأن المشكلة ديه ظهرت بردو فى البيجو 405 برستيج 2000 cc

انا معايا 406 يا جماعه من مو 97 لحد 2004 مش 2003 الفتيس مشكله جامده اهم حاجه ان صاحب الموضوع يتاكد من حاله العفشه ويبص على اعطال الكمبيوتر لان الكمبيوتر بتاعها اعطاله بتخلينى الف حوالين نفسى وكمان سخونه العربيه لازم تشوف ايه نظامها اما مشكله الفتيس حضرتك ممكن تدور على 406 معاقين سواء الكرستاله او القديمه والاتنين جامدين بتنزل مانيوال و 1600 سى سى بس اعتقد ان المعاقين هتبقى اغلى شويه عشان مانيوال ومشكله الفتيس فى العربيه دى مع العلم ان المعاقين مش فول اوبشن وانت تستخير فى الاول والاخر وربنا يوفقك واى استفسار انا موجود

المشاركة الأصلية كتبت بواسطة ana

انا معايا 406 يا جماعه من مو 97 لحد 2004 مش 2003 الفتيس مشكله جامده اهم حاجه ان صاحب الموضوع يتاكد من حاله العفشه ويبص على اعطال الكمبيوتر لان الكمبيوتر بتاعها اعطاله بتخلينى الف حوالين نفسى وكمان سخونه العربيه لازم تشوف ايه نظامها اما مشكله الفتيس حضرتك ممكن تدور على 406 معاقين سواء الكرستاله او القديمه والاتنين جامدين بتنزل مانيوال و 1600 سى سى بس اعتقد ان المعاقين هتبقى اغلى شويه عشان مانيوال ومشكله الفتيس فى العربيه دى مع العلم ان المعاقين مش فول اوبشن وانت تستخير فى الاول والاخر وربنا يوفقك واى استفسار انا موجود

انا فعلا حوار المعاقين اللي ناوي اجيبه عن طريقها وبعون الله هعمل استخارة وكده بس انتم قلقتوني من ناحيهه الفتيس
يعني اعمل ايه من الاخر

شوف ياباشا خلاصة ال 406 فى انها عربية زى الفل ومحترمة وكرفاهية وثبات وفرامل وعفشة زى الفل
بالنسبة للموتور انا كان معايا 406 2001 اوتوماتيك دى كانت اول الكرستالة الموتور كان بيسخن مع التكييف
بالنسبة للفتيس اعرف ياباشا ان كل موديلات بيجو القديمة من 2001 2005 لحد بعد كدا (انا ماعرفش حاجة عن 207 او 308 او 407 ) الموديلات الجديدة فا الفتيس فى موديلات بيجو دى كلها من 206 ل 307 ل 406 كلها بتشتكى من موضوع الفتيس فى طقم البلوف واول حاجة بتبوظ فى الفتيس هو البلوف والبلف الواحد بيتكلف فى حدود 1000 جنية تزيد ما تقل فا ياباشا انت ربنا يعينك على الى فية الخير ليك

بص من الاخر لو انت هاتجيبها معاقين اتوكل على الله على طول لانك بتشترى عربيه زيرو اما بالنسبه للفتيس هيبقى مانيوال ومفهوش اى مشاكل بس خلى بالك العربيه هتبقى هاف اوبشن مش فول اوبشن ومش هيبقى فيها تكييف و اتنين زجاج كهربا فى الامامى والمرايات مانيوال وااتكييف مانيوال و مفهاش كمبيوتر رحلات بس المهم انها زيرو وبحالتها وابقى اطلع على بورسعيد حط كل اللى ناقص واتوكل على الله ومش هتندم وعلى ضمانتى