بخصوص تجديد ترخيص العربية

**AlmAhAtmA** · 04-10-2007 12:37 AM

المشاركة الأصلية كتبت بواسطة mina

شكرا لمساعدتكم
هو مفيس حاجة من دي بس الى معطلنى البنك مستنى يدينى جواب تجديد للمرور ,مقدملهم الطلب من 3 اسابيع قلت اامن نفسى قبل مالرخصة تخلص ,بس يظهر مفيش فايدة في الروتين .لازم يزلوا الناس

فهمت من كلام حضرتك انك مقسط للبنك بحظر بيع و تجديد سنوي
الحال زي عندي و كلمت كونتكت قالوا انهم بيبعتوا الجواب تلقائي بعد سداد القسط الحادي عشر كل سنه
اللي عايز اعرفه هيه ايه اجراءات تجديد الرخصه في حاله عدم وجود فحص فني
يعني حروح المرور و بعدين ايه اللي حعمله ايه الاوراق اللي لازم تكون معايا و المبالغ

**اسلام المصرى** · 04-10-2007 01:11 AM

الكلام ده منقول طبعا و يارب يفيدك يا هانى فى مهمتك أنت خد برده فلوس زيادة معاك طبعا و صور كل أوراقك قبل ماتروح المعركة قصدى المرور خد صور شخصية و شهادة ميلادك ماحدش ضامن الظروف اليومين دول يا هانى :lol:
استخراج وتجديد رخص المركبات أولا : السيارات الملاكي : إجراءات تجديد الرخصة :
1-قدم نموذج 51 مرور من خزينة المرور.
2-قدم شهادة براءة الذمة المالية من المخالفات.
3-وثيقة التأمين الاجبارية .
4-قدم السيارة للفحص الفني علي النموذج 101 مرور كل ثلاث سنوات.
5-قدم الرخصة المراد تجديدها.
6-استلم الرخصة بعد سداد الرسوم المقررة.
م ن ق و ل

**AlmAhAtmA** · 04-10-2007 01:21 AM

المشاركة الأصلية كتبت بواسطة اسلام المصرى

الكلام ده منقول طبعا و يارب يفيدك يا هانى فى مهمتك أنت خد برده فلوس زيادة معاك طبعا و صور كل أوراقك قبل ماتروح المعركة قصدى المرور خد صور شخصية و شهادة ميلادك ماحدش ضامن الظروف اليومين دول يا هانى :lol:
استخراج وتجديد رخص المركبات أولا : السيارات الملاكي : إجراءات تجديد الرخصة :
1-قدم نموذج 51 مرور من خزينة المرور.
2-قدم شهادة براءة الذمة المالية من المخالفات.
3-وثيقة التأمين الاجبارية .
4-قدم السيارة للفحص الفني علي النموذج 101 مرور كل ثلاث سنوات.
5-قدم الرخصة المراد تجديدها.
6-استلم الرخصة بعد سداد الرسوم المقررة.
م ن ق و ل

جزاك الله كل خير يا اسلام
انا حجدد علي شهر واحد ان شاء الله
فعلا انا من تجربتي في المرور بعمل حسابي من دلوقتي

**hazem_khidr** · 04-10-2007 01:34 AM

ليك شهر اسمه شهر حكومه
و بعد لشهر لما يخلص ماا ينفعش تمشي بالعربيه علشان كده الرخصه بتبقي منتهيه و لما تروح تجدد قبل الشهر عادي جدا
بعد الشهر بيوم بتدفع تلت الضريبه زياده
...
في حل تاني انه لو عاوز تمشي بالعربيه بعد الرخصه ما تخلص ممكن تروح القسم و تبلغ ان الرخصه ضاعت و تعمل مذكره فقد للرخصه بس المذكره دي بتمشي بيها اسبوع بس و لو عاوز تعملها تاني تروح تعملها عادي جدا من اي قسم تاني :D

**اسلام المصرى** · 04-10-2007 02:48 AM

جزاك الله كل خير يا اسلام

العفو يا هانى أنا تحت أمرك و لو كنت بترخص فى القاهرة كنت روحت معاك :) المشاوير ديه عايزه أتنين علشان الأنجاز واحد واقف محشور على الشباك و التانى واقف فى طابور الخزنة :D بس يمكن عندكم فى الأسكندرية العملية منظمة أكتر من عندنا :)

في حل تاني

لا لا لا يا هانى ماتسمعش كلام حازم فى ديه :) الموضوع مش مستاهل لو عمل كده يا حازم يبقى هيضطر يكدب لانه مش هيقول الحقيقة علشان يعمل المذكرة حرام عليك يا راجل :) - أنا عارف أنك مش قاصد يا راجل يا طيب :)

**hazem_khidr** · 04-10-2007 05:25 AM

لا لا لا يا هانى ماتسمعش كلام حازم فى ديه الموضوع مش مستاهل لو عمل كده يا حازم يبقى هيضطر يكدب لانه مش هيقول الحقيقة علشان يعمل المذكرة حرام عليك يا راجل - أنا عارف أنك مش قاصد يا راجل يا طيب

انا قصدي اخدم بس اينعم انا عمري ما عملتها بس عارف فكرتها. :) بس كنت عاوز اجيب ليه حلول علشان لو معندوش وقت يرخص

**eng_mkhalaf** · 04-10-2007 08:53 AM

المشاركة الأصلية كتبت بواسطة hazem_khidr

ليك شهر اسمه شهر حكومه

...
[color=brown]في حل تاني انه لو عاوز تمشي بالعربيه بعد الرخصه ما تخلص ممكن تروح القسم و تبلغ ان الرخصه ضاعت و تعمل مذكره فقد للرخصه بس المذكره دي بتمشي بيها اسبوع بس و لو عاوز تعملها تاني تروح تعملها عادي جدا من اي قسم تاني :D [/
color]

قديمة ومبقتش تمشى يا حازم - لازم يكون ليك واسطة فى القسم وغير كدة بيخلوك تروح قسم المرور

**hazem_khidr** · 04-10-2007 08:58 AM

قديمة ومبقتش تمشى يا حازم - لازم يكون ليك واسطة فى القسم وغير كدة بيخلوك تروح قسم المرور

:x :x :x :x :x
معقول معدوش بيمشوها؟
اصلها حاجه قانوني جدا انكم بتعمل محضر ان المحفظه ضاعت منك و كان فيها بطاقتك و رخصه القياده و رخصه العربيه و تمشي زي ما انت عاوز .
يالا مش مشكله نفكر في حاجه تانيه :D

**mina** · 04-10-2007 12:14 PM

شكرا ليكم يا جماعة انا كنت بردة هسأل عن اجراءات التجديد بس كده الأمور وضحت :)
على فكرة البنك مبيطلعش جواب للمرور الا لما تكون مجددلوهم بوليصة التامين انا امنت مع الشرق للتأمين ب 1500 و بزايدة 300 عن السنة الى فاتت بيقولوا النسبة زادت