حقا تويوتا ايجبت اسم محترم

**dr_maged1975** · 03-06-2009 03:12 PM

انا كان عندي مشكلة في خامة تيل الفرامل الاامي للياريس و رحت توكيل تويوتا ايجبت فرع التجمع الخامس و تم تغيير التيل الامامي و الطنابير و السيارة كانت عاملة 25673 كيلو و ايضا بعدها باسبوع تم تغيير الكلاكس و بصراحة كانت المعاملة في منتهي الذوق من اتنين المهندس ايمن النقيب مدير الصيانة و المهندسة رانا بجد اتنين في منتهي الذوق و الاخلاق لدرجة اني اتكسفت من نفسي جدا لاني كنت عصبي جدا معاهم انا و اخويا بس بصراحة انا بانصح كل الناس تتعامل مع الفرع ده لانه فرع رايق و ممكن تحدد ميعاد في نفس اليوم و معاملة في منتهي الذوق و الاخلاق بس يا ريت ما حدش ينزل من مستواه و يحاول انه يتكلم مع المهندسين اللي جوه الورشة و يخلي كلامه كله مع المهندس ايمن في حالة حدوث مشكلة لانه بجد حد محترم جدا و عادل للغاية و كمان شغل المركز كويس جدا و التعامل مع العربية في منتهي الحرص و تقدر تشوف عربيتك و هي بيتعمالها الصيانة عكس العابسية

**Samir Elshahawy** · 03-06-2009 03:39 PM

فعلا انا كنت هناك من أسبوع (السبت اللي فات علي طول) و كنت رايح أسأل علي حاجة خاصة بالمنتدي ووجدت معاملة و ترحيب غير عادي و شوفت نظام و راحة و أسلوب رايق جدا للناس اللي رايحة تعمل صيانة لعربياتها

بجد حاجة تفرح أن يكون فيه مركز خدمة زي ده في مصر