الموضوع: سؤال غريب شوية !!!

اه ينفع طبعا بس اكيد لازم تعزل طبعا الكابلات بس لو العربيه انجيكشن مش هينفع لانه فى الحاله دى الكنترول اول حاجه بتضرب

ينفع بس لو عربيه كاربرتير مش رشاشات
واهم حاجه اهم حاجه مش تبطل منك ومتولعش كاسيت ولا نور
لان الكهرباء اللى خارجه من الدينامو يا دوب يا دوب على قد البوبينه وتشغل الموتور مع اخذ الاعتبار ان طبعا مش هتكون بالسحب والقوه اللى الطبيعيه ولو اشتغلت المروحه هتقطع
ده عن تجربه من سنين طويله لى 128
وتويوتا موديل 75
ولو عايز تجرب افضل كبل واحد من البطاريه هتلاقى العربيه لسه دايرة ومبطلتش وده معنها ان الدينامو شحنه كويس
لو طبتل يبقى الدينامو مش قد كده

بيعجبنى ذكائك وتركيزك ده يا أخويا خالد ...........وأسمحلى أأقول على تعليقى لردك هذا بدون تفاصيل طويله .............وحنخللى التفاصيل الطويله والدراسه بعدين لو أستدعى الأمر ..............على فكره أنا ربنا ألهمنى على طول على السبب أعتمادا على فكرى ولم أدرس الموضوع جيدا من قبل ......ولكننى أقتنعت فورا بردك كالآتى

1- نحن نعلم أن السيارت ذات التحكم الألكترونى بتحتوى على وحدة تحكم .....أى كمبيوتر باللغه الدارجه..............

2- وحدة التحكم يلزم لها بأستمرار تغذيه كهربيه فى كل أحوال العربيه (العربيه مبطله - شغاله وهكذا )....

3- طيب لو شيلنا البطاريه ......أيه اللى حيحصل........وحدة التحكم حتفقد لحظيا كل الداتا اللى مخزنه جواها وبتعتمد عليها فى التعرف على أحوال التشغيل المطلوبه من المحرك .......

4- أنا عارف أننا ممكن نستغنى عن المارش بعملية الزق المعروفه ........بس مانعرفش نستغنى عن الدماغ ......اللى لازمله كهرباء فى البدايه .......علشان يعرف أن المكنه فى وضع سلانسيه من خلال أشارة حساس الTPS

وحساس درجة حرارة مية التبريد وحساس السرعه وهكذا ..............

5- لأن أما نشيل البطاريه يبقى شيلنا الدماغ وكده المكنه عمرها ماحدور لأن الدينامو لسه ماطلعش كهرباء علشان يشغل الدماغ .....وهو كل شىء .........أيه رأيك

لأن أما نشيل البطاريه يبقى شيلنا الدماغ وكده المكنه عمرها ماحدور لأن الدينامو لسه ماطلعش كهرباء علشان يشغل الدماغ .....وهو كل شىء

عاوز أنقح الحته دى شويه .......أما بنشيل البطاريه بنشيل كهربة الدماغ (ههههههههه مش الدماغ نفسه ) لأن الدماغ موجود .....اللى هو وحدة التحكم .....بس بدون كهرباء لأننا فصلنا البطاريه ( يعنى راكن ) هههههههههههه