honda city 2009 & new cerato sx

**hobiko** · 03-06-2009 07:37 PM

دلوقتى المقارنة صعبة جدا بجد honda city بقت ب 115000 و new cerato sx 116000 بجد حاجة تحير فعلا

أنا مش شايف كلام تانى أقوله السعر الجديد لل honda city قلب كل الموازين انتو رأيكم ايه

**Adhmawy** · 03-06-2009 07:44 PM

ممكن تقولنا كماليات الهوندا اللى بالسعر ده و هل هى الشكل الجديد و لا بواقى من الشكل القديم عشان نعرف نقارن
تحياتى

**Hosam_Optrawy** · 03-06-2009 07:53 PM

المشاركة الأصلية كتبت بواسطة hobiko

دلوقتى المقارنة صعبة جدا بجد honda city بقت ب 115000 و new cerato sx 116000 بجد حاجة تحير فعلا

أنا مش شايف كلام تانى أقوله السعر الجديد لل honda city قلب كل الموازين انتو رأيكم ايه

معاك حق المقارنه بقت محيره جدا

لان بالسعر ده السيتى بقت منافس قوى جدا

تعتبر المنافس الوحيد حاليا للسيراتو

بالنسبه للمقارنه اللى حضرتك طالبها

فالنيو سيراتو SX اللى ب 116 كمالياتها

باور - سنتر لوك بريموت - 4 زجاج كهربا - مرايات كهربا - تكييف اوتوماتيك - 2 وسائد هوائيه للسائق والراكب الامامى - فرامل Abs - جنوط سبور 17 - راديو سى دى Mp3 - فوج لايت - عدادات رياضيه وكمبيوتر رحلات - باركنج سنسورز - عجلة قياده جلد - عجلة قياده ملتى فنكنشن

والسيتى بتنزل فئه واحده اوتوماتيك وكمالياتها

باور - سنتر لوك - 4 زجاج كهربا - مرايات كهربا - تكييف عادى - 2 وسائد هوائيه للسائق والراكب الامامى - فرامل Abs - راديو سى دى Mp3

**de3bis** · 04-06-2009 12:59 AM

يا جماعة الموضوع مش كماليات وبس يعنى خد عندك
السيتى : جنوط 15 , 120 حصان , SOHC Single cam , الفرامل Disc / Drum , الوزن 1115 و ما خفى كان أفظع
نيو سيراتو : جنوط 17 , 126 حصان , DOHC Double cam , الفرامل Drum / Drum , الوزن 1350 وما خفى كان أفضل

ناهيك عن إن السيتى تايلاندى و ليست يابانى

**M.ABDEEN** · 04-06-2009 08:32 AM

السيراتو طبعا قوة وثبات وعوامل امان وكوري 100 في 100 السيراتو شكلها كمان احلى ناهيك كمان ان السيتي تايلندي المفروض ان المقارنة لصالح النيو سيراتو بكل تاكيد

**Hegazio** · 04-06-2009 10:15 AM

يا جماعة يا ريت اللي ما ركبش يقول أعتقد و اللي ركب يقول جربت و ده من خلال تجربتي !
أنا سقت السيراتو و هي من بره جميلة بس من جوه مش قوي و الخامات مش قد كده ( و كمان أحب أفكر تاني بنصبة الهورس باور اللي شركات كتير بتستخدمها سيراتو موتورها 124 حصان بس لوحده ..!!..العربية 107 حصان بس
أنا ما سقتش السيتي لكن ركبتها في المعرض و فيها خامات أحسن و من الكتالوحات أدائها أحسن بس تفتقد بعض الأوبشنز مقارنة بالسيراتو

عموما فعلا المقارنة قريبة ر.. لكن أنا أفضل الهوندا و بعد 10 سنين حتفضل هوندا لكن سنة 2019 ( لو ربنا إدانا عمر ) السيراتو حتبقي .. كيا !!

**Hegazio** · 04-06-2009 04:17 PM

المشاركة الأصلية كتبت بواسطة de3bis

ربنا يديك العمر لسنة 2020 و نشوف الهوندا " سيتى " التيلاندى و اللى الشكل القديم بتاعها ما مشيش و طبعا الباقى ذى ما هو بالإضافة ان انت لم ترد على فرق مواصفات الموتور و بالمناسبة الكارينز عليها نفس الموتور بتاع السيراتو بحجمها ووزنها ده كله و انا شخصيا ركبتها و سوقتها و الموتور معاها زه الفل.

يا جماعة خلينا محايدين شوية هى الناس مش قادرة تصدق ليه إن كيا الكورى ممكن تنزل عربية كويسة !

يا جميل هو حد قال إن كيا وحشة ؟ و لا حد قال كيا دي شركة تعبانة؟ ده أنا ركبت الأوبيروس في السعودية و لا الإس كلاس و 5 سنين ضمان مفتوح ثقة من كيـــا
و أنا شخصيا قلت إن المقارنة صعبة و من وجهة نظري مافيش أفضلية مطلقة بس برضه شايف كأداء و استمرارية لو السيراتو تاخد 7/10 يبقي السيتي تاخد 7.5/10
و ما تزعلش نفسك