:Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::Ta_clap[1]::vctry:
عرض للطباعة
كنت كاتبه رد في موضوع نور العمر هجيبه هنا تاني
الشعب كله من ابسط البسطاء حتي اعلاهم كان حاطط امال وامنيات كبيرة جدا عالخطاب دا ورغم بساطة تفكيرهم الا ان لها دلالة كبيرة
وكأنهم نسوا او تناسوا ان الاحداث الجارية مسئول عنها دول ومنظمات وليس شخص بمفرده حتي ولو كان حاكم أكبر في العالم
متناسيين ما وراءه من قوانين تلزمه بالابقاء علي دولته في الصدارة ومتناسيين ان له مرد ومرجع سواء من البرلمان او من الساسة الامريكيين
يعني انا ممكن اتقبل ان هذا الخطاب كان بمثابة تصحيح لبعض الاوضاع ولكن ما لا اقبله هو بناء الامال علي كون هذا الخطاب
بمثابة اعتذار رقيق داخل كلينكس مبلل بدموع الندم لسلسلة الانتهاكات التي حدثت ولا تزال تحدث داخل الدول الاسلامية العربية
أو بمثابة الاسف مثلا
كل دي مهاترات بعيدة عن الواقع تماما
الخطاب شيفاه عادي جدا وبسبط جدا وممكن يتوقعه اي شخص عقلاني يفكر بحيادية تامة ممكن فعلا يكون خطوة جديدة في نجاح العلاقات
المصرية الامريكية
سمعت تعليق عجبني اوي
اوباما حالة عاجبة الناس..مجرد حالة يعني ابتداء من اصوه الافريقية واحترامه للدين الاسلامي وظروف انتخابة كرئيس للولايات المتحدة الامريكية
ودا للاسف ممكن يضلل كتير
احنا لما بيعجبنا القشرة الخارجية بننساق وراها في اغلب الاحيان ونصفق لها ومبنديش الفرصة الكاملة لعقولنا للحكم علي الموقف بحيادية
مممممممممممم
يعني اعتقد نفس الخطاب اللي تم القاؤه لو كان علي لسان وزيرة الخارجية الامريكية السابقة او قبلها حبتين_اثناء فترة توليها وزارة الدفاع_ مثلا
مكنناش هنلاقي نفس رد الفعل المبالغ فيه حاليا
السلام عليكم جميعا
تحياتي علي الموضوع المهم و النقاش المواكب للاحداث
كمان تحياتي للاراء العميقة و الردود اللي بتدل علي الفهم والمابعة
الحقيقة انا هاتكلم في 3 حاجات
الاولي أوباما و مصر وجامعة القاهرة -مبسوط طبعا علشان جامعتي-
ده في رأيي أكبر مكسب أخدناه من الزيارة.. سواء صدق الرجل او كذب.. دي رسالة للعالم كله ان اي حد عايز يتكلم مع اي طرف في الشرق الاوسط يتكلم ... انما لو عايز يكلم الشرق الاوسط كله.. عايز يفتح خط اتصال ... او عايز يمسك الخيط الصح.. لازم يبدأ من هنا ... من أم الدنيا ، أما عن الجامعة ... فالاختيار جدييييييير بالاخترام والتقدير... خلونا بقي نعامل الجامعات باحترام و نرجع للجامعة دورها و تقدير المجتمع ليها.. والحقيقة الجامعة النهارده شرفتنا
المحور التاني من كلامي عن أوباما
الكلام حلو.. و الراجل عمل حساب كل حاجه و عمل خطاب موزون بمزان دهب علشان يعدي من حلقة النار من غير ما يتحرق زي بهلوانات السيرك.. ودي في حد ذاتها جرائة وخطوة مش أي حد يقدر يعملها ... هو كل اللي عمله انه رجع سياسة امريكا نحوة العدائية اتجاه الاسلام والعرب خطوة واحدة بس لورا ... انما ... تبقي الافعال أهم ... والطريق الي الجحيم عادة ممهد بالنوايا الحسنة ... ولا إيه .. عموما هو خطاب اقل ما يقال عنه انه دعوة للتفائول بأن الايام القادمة سيكون للحوار قيمة بعكس ايام الذاهب بلا رجعة ولا مئسوف عليه بوش الابن.
المحور التالت
و ده الاهم بالنسبالي كشخص و مواطن مصري... حالة الذل و الرعب اللي عاشها الشارع النهارده.. انا عن نفسي أخدتها من قصيرها و قعدت في البيت... ليه كل ده... كمان ليه 3000 فرد أمن امريكي علشان يأمنوا اوباما؟؟ بصراحة حسيت بالخيبة بتاعتنا
و كمان التضييق الامني ده بيدل علي العجز وعدم القدرة علي السيطرة وعلاج الازمات بشكل مناسب
اتحرجت ليكي يا مصر ... بس فرحان لك برضو انهم لسه فاهمين قيمتك ... وعارفين مكانتك يا بلدي .. بحبك
عذرا للاطالة
تحياتي للجميع
خطاب هايل اللي كتبه عرف ازاي يخلي (عامة) الشعوب الاسلامية تقلل كمية الحقد والكراهية على امريكا وقادتها وشعبها
يخلى البسطاء يبدأو يحبو ماما امريكا
بغض النظر عن نوايهم الفعلية في المرحلة القادمة
سحب القوات من العراق هايدي دفعة قوي جدا لامريكا عامة واوباما خاصة
اوباما يتمتع بحضور غريب وكاريزما في الشخصية فكرتني بالرئيس السادات الله يرحمه
باقي النقاط دكتور احمد سمير رد عليها ولا داعي للتكرار
شكرا مؤمنة على الموضوع القيم
he is a wise man really
و الله انا كمان فكرني بالرئيس الراحل محمد انور السادات بس لسبب تاني
انا افتكرت الصور و الفيديو بتاع زياره السادات لأسرائيل
كانت زياره مهيبه و هو غالبهم و طاحنهم و رايح يمد يد السلام
و مع ان غالبيه الشعوب العربيه كرهتنا بسبب كده الا انه كان قرار حكيم و استفدنا منه كتير
تمر الايام و تعدي
و ييجي الرئيس اوباما بنفس الاسلوب بيمد يد السلام لشعب من شعوب الارض شعبه بيعتبرنا ارهابيين و قتله و انتحاريين همج و غيره و غيره من الصور النمطيه عن اي عربي مسلم
يمكن الشعب الامريكي يستنكر خطوه زي دي دلوقتي لكن التاريخ اللي دايما بيعيد نفسه هيسطر بحروف من نور الزياره دي و المؤتمر ده كوثبه عملاقه فوق الخلافات و الخصومات التاريخيه
و ما اشبه اليوم بالبارحه
رأيي كتير من الاعضاء قالوه
خطاب جيد جدا
اسلوب لبق .... الخ
انا شايف ان المفروض بعد الكلام اللي اتقال في الخطاب يبقى نتريث (نستنى) شويه ومنحكمش على مجرد كلام
المفروض ان بعد الكلام يكون في فعل احنا لازم ننتظر الفعل وبعد كدا نحكم
لكن مبدأيا انو جه مصر عشان يتحدث مع العالم الاسلامي خطوه كويسه للتغير من كل النواحي
شكرا